Hiwerika 1:21 - Kakaɨyari Niukieya

²¹ »Teɨteri netsuari mekani'enieka, xewitɨ kaniumaweni mɨnetsinɨtɨani. Yunaitɨ memɨnetsi'aye'unie mekatenimaika kenemɨtiuka'eniwa, mekaniyutemamawieka nehetsie kepemɨtiuyurikɨ. 'Ari kenanɨ'a 'uximatɨarika kepemutayɨ, mɨkɨta mɨpaɨ memɨte'uka'eniwanikɨ ne kenemɨtiuka'eniwa.

Hiwerika 1:21 ပူးပေါင်းရင်းမြစ်များ

Hiwerika 1:8

Kwinimieme 'axapɨtiuyuri Kerutsareme, 'ayumieme ka'itiyatɨ kanayani. Meripaitɨ 'aixɨa memɨte'ixeiyakai hikɨ mepi'uxiwe'erie, maweme memɨxeiyakɨ, 'ayumieme mɨkɨ putatsuaka, meta puyutewiya hɨxiena xɨka 'ixeiyamɨkɨni.

Hiwerika 2:15

Keyupaɨmetɨ mana huyeta memuyekɨka mematsixeiyatɨ mekameninanaimaka mekateniutapineni. 'Ahetsiemieme Kerutsareme witsipemɨ'anekai, nanaimarika mepɨwewie, meta me'utiwikɨayatɨ mɨpaɨ mepɨte'u'iwawa: «¿'Ikɨ xeniu tihɨkɨ kiekari witsimɨ'ane? ¿'Ikɨ xeniu kiekari waɨkawa temawierika mexeiya tihɨkɨ yunaime muwara'iwa?»

Hiwerika 1:22

»'Ahetsɨa paitɨ keheye'ani tita ke'axamemɨte'uyuri. Kepemɨnetiupitɨa 'uximatɨarika ke'axanemɨtiuyurikɨ, mɨkɨta mɨpaɨ ketiniwarupitɨa. 'Ari pɨmɨire kenemɨtiutatsuaka, meta ne'iyari 'ari pɨkɨmɨmɨkɨ».

Hiwerika 1:16

»'Ikɨ naitɨ pɨnetsitsuaritɨa, hiwerikakɨ nepɨkaheuniereri. Xewitɨ 'ahurawa pɨka'uyeika mɨnetsinɨtɨanikɨ, meta mɨnetsituikakɨ. Neniwema mekaneutaxɨriexɨani mɨtatsi'aye'unie mɨtatsi'a'iwaxɨkɨ».

Keremiyaxi 50:11

»Xeme, neteɨterima xemɨtewarunawatsiri, xekeneyutemamawieka xekeneutinaweni. Tsikerutsixi wahepaɨ xekenetsunatɨweni tupiriya tsata, kawayutsixi wahepaɨ xekeneutiyuaneni.

Nɨawari 35:15

Peru kepauka ne nemekawe, mɨkɨ mepuyukatemamawi, mepuyukuxeɨri nehepaɨtsita metekuxatatɨ. Teɨteri ne nemɨkawamatekai, mekaneniuyeheka nehepaɨtsita meniukixietɨ mekatehayewatɨ mekanakɨne.

Hiwerika 1:4

Kerutsareme huyeyarite 'utɨma 'umietɨ puhiweriyɨkɨ, nixewitɨri patsiekamekɨ 'ixɨararipa memuyukuxexeɨriwatsie pɨkaheta'axe. Kiekari kitenieyarite yuxaɨtame puyuhayewaxɨa: mawari wewiwamete meputi'aiwa, 'ukari 'ɨimarixi mekaneu'erietɨweni, mɨkɨ yunaitɨ 'atsiwimekɨ mekaniu'uwani.

Hiwerika 1:2

Tɨkakɨta kwinimieme tiutsuatɨ kaniukatariyarɨwani, 'ukaiya 'aurieyatsie kaniukakɨkani. Nixewitɨtɨma muwanaki'eriekai hikɨ pɨkahenɨtɨwa. Hamikumama yunaitɨ mekaniku'eirieni, me'eye'unietɨ pɨta mekanakɨne.

Keremiyaxi 51:24

»Peru xeme xehɨxie nekatinekapitɨamɨkɨ Wawiruniya meta yunaime mana kiekatari 'axamemɨte'uyurikɨ Tsiyuni kiekariyaritsie —Yawe mɨpaɨ kanaineni—.

Matsiɨkɨtɨ kemɨratɨa 18:6

Tuminieyakɨ xeketenakapitɨa, tawarita matsi hepaɨna paɨmemekɨ ke'axamɨtiuyurikɨ, meta tekɨxita yuwinu hakewa meikatu'akai tawarita hepaɨna paɨmeme xekeneukawewiri.

Kuheri 3:14

Mekaniyɨmɨireni memɨyɨxeɨrie Mayeweri maye'atɨarienitsie. 'Ari Yawé tukarieya kanehuraniri Mayeweri maye'atɨarienitsie.

'Etsekieri 26:2

«Tiru mɨpaɨ kaniutayɨni, Kerutsareme hetsiemieme: “Nuiwarite wa'itupari peu'unixɨa. Wa'itupari peuxɨrɨwe hixɨata mumuritɨ, neta waɨkawa nerexeiyatɨ nerayeixime mexi mɨkɨ meta'unike”.

Keremiyaxi 51:49

»Peuyewetse Wawiruniya mɨka'unarienikɨ 'ixaheritsixi muwarukwikɨ, meta naitsarie kwiepa miemete Wawiruniya muwarukwikɨ.

Keremiyaxi 50:31

»Nekamenaye'unieka 'ekɨ, kiekari pemɨ'ata'ɨre —Ti'aitame mɨpaɨ kanaineni, Yawé Naimekɨmɨtɨrɨkaɨye—, 'ari 'atukari kanaye'ani, kepauka pemɨtikwinitɨarienitsie.

Keremiyaxi 50:29

»Tupikɨ temɨmɨmete xekeniwarukuxeɨri Wawiruniya memɨtamienikɨ, yunaime kemɨ'ane memɨteheutamɨiwawe, waritana xekenayaxetɨkɨni, nixeime xepɨkatayutsitɨwani. Kememɨte'uyuri mɨpaɨ xekeniwaruyuri, yaxeikɨa xeketeniwarakapitɨa kememɨxe'uyuri. Mɨkɨ Yawé muta'iwaxɨkɨ, Mɨpatsie 'Ixaheri hetsiemieme.

Keremiyaxi 50:15

Waritana xekenaketɨkɨneka xekeneutihiwa, mɨpaɨ xe'utiyuatɨ: Wawiruniya puyuyetuari. Tuxiyuya patixɨri, kuraruya pa'unetɨya. Hikɨri Yawé katinekapitɨamɨkɨ. Xemeta meripaitɨ kemɨxe'uyuri, yaxeikɨata xeme xekeneuyuri.

Keremiyaxi 48:27

'Ekɨ Muhawi, neteɨterima 'ixaheritsixi pepuwananaimakai, pepɨwakuxatakai pewayuriyatɨ, tenawayamete wahamatɨa pemuwarutaxeiya hepaɨ.

Keremiyaxi 30:16

»”Yunaitɨ kemɨ'ane memɨxetikwani mekanitikwaiyakuni, yunaitɨ memɨxe'aye'unie 'ateewa mekananuhapaniekuni. Yunaitɨ kemɨ'ane memɨxetenawatsirieni mekateninawatsiyariekuni, yunaitɨ kemɨ'ane memɨtexenawairieni mekateninawaiyariekuni.

Nɨawari 38:16

Nepɨmetsiwawirie xeikɨa mepɨkanetsinanaimaka, memamariwaweme mepɨka'ayuyeitɨaka kepauka nemekawenitsie.

Nɨawari 37:13

Matsi Yawé kaniutanaweni 'axateyuruwamete wahetsiemieme, timaitɨ watukari maye'aximekɨ.

Kitsariyaxi 14:5

Yawé 'axateyuruwamete wakɨye kananumura, memɨmamariwawe wa'itsɨ pakamuraxɨ

Kitsariyaxi 14:6

haxɨakɨ meta yatiwaruwayatɨ teɨteri pɨtiwakwinitɨakai, haxɨa mɨkapariwekɨ nuiwarite mɨtiwa'aitɨakai meta puwaruweiyakai.

Hiwerika 2:16

Yunaitɨ memɨmetsi'aye'unie meputiniuka 'axametekuxatatɨ 'ahepaɨtsita, yutamete me'utixikauteketɨ, mematsinanaimatɨ mɨpaɨ meputiyuane: «'Ayeniereme tekaniutakwani. Tukari paye'a temikwewiekai, hikɨri 'ari tahɨxikɨ tepixei».