Hiwerika 1:20 - Kakaɨyari Niukieya

²⁰ »Yawé, keneneuxeiya nepɨtiuka'eniwa. 'Ari nepi'enie nepɨmɨxime. Ne'iyari pɨkayumaiwe, kwinimieme nemɨkaheu'enakaikɨ. Netɨɨriyama mekaniukwi'iwa takwa, 'upaitɨta mɨɨya xeikɨa kanixuaweni.

Hiwerika 1:20 ပူးပေါင်းရင်းမြစ်များ

Hiwerika 2:11

Tsuarikɨ nehɨxite pɨtixɨxime, 'ariri kakwaniwemekɨ nepeɨmɨmɨkɨ. Yemekɨ ne'iyarikɨ nepɨkaheuwaɨre nekiekari muka'unariekɨ. Tɨɨritɨtɨ yakɨ memɨyumate mekanitiweranareni, 'ikɨ kiekari kayeyarite 'utɨma.

'Etsekieri 7:15

»Kiekari warita kuyaxa puxuawe, meta kiekaritsie kwiniya meta haaka puxuawe. Kemɨ'aneta yeuta muyeikani 'ixiparakɨ kanimieriemɨkɨ, kemɨ'aneta kiekaritsie muyeikani haakakɨ kanimɨmɨkɨ meta kwiniyakɨ.

Kitsariyaxi 16:11

'Ayumieme netaɨta neputayɨyɨaka Muhawi hetsiemieme, 'aripatsie manutiwɨ hepaɨ puyɨne, naitɨ ne'iyari puyuane Kixi-Karetseti hetsiemieme.

Hutarieka 'inɨari 32:25

'Ixiparakɨ mepɨkwi'iwa 'aniwema huye manuyehapanetsie, yukie xekutetɨ xepɨmamaka. Temari 'ɨimarixi mepɨkwini, memɨtsitsewe meta'ukirawetsixi.

Keremiyaxi 4:19

Waɨkawa nepɨnehiwerie, nepɨtiuka'eniwa. Kukuiniya pɨnetsi'uta'ɨimura. Ne 'iyari puwatayuane. Xɨa'ui ne'iyari. Kayuwatɨ nemɨtiuyerɨni nepɨkayɨwe. Nepi'enie 'awa metahɨtsieriwa meta hiwari mɨrayukwine mieme.

Kuwi 30:27

Nepɨkatihayewa netaɨta neyɨhɨawetɨ, nepɨtinewie netiuka'eniwatɨ.

'Awakuki 3:16

Kepauka 'ikɨ nemɨtiu'eni, netaɨta nekaniutimani, niukieyakɨ, netenite kaniutiyɨyɨaka, ne'umete mutikwaire hepaɨ nepɨreka'erietɨya, meta ne'ɨkate putiweranaxɨa. Peru ne netiukanewietɨ nekanita'ikwewani kepauka 'uximatɨarika tukari munuani 'iya nuiwari wahetsie hikɨ memɨtatsika'una.

'Utseyaxi 11:8

»'Epɨrahini, nepɨkayɨwe nemetsiyetuani. 'Ixaheri, nepɨkayɨwe nemetsi'uku'eirieni. Ne nepɨkayɨwe nemetsiyetuani 'Arimaha kenemɨtiyetua hepaɨ. Ne nepɨkayɨwe nemetsi'uku'eirieni Tsewuhini hepaɨ. Netaɨta, ne'iyari pɨkarexeiya, metatsiere nekwinurite panukuyuane.

Hiwerika 1:18

«Yawé heitserie kanexeiyani, peru ne 'aitsikateyatsie yanepɨkatikatɨa. Xekeneu'enana, xeme hikɨ teɨteri, kenemɨtiuka'eniwa xekeneuyu'ɨwiya. Mekanehapanieni 'ateewa paitɨ nehetsɨa miemete temari meta 'ɨimarixi.

Hiwerika 1:11

Yunaitɨ teɨterimama mekaniutitsuanani, meta mekaniku'uwani 'ikwai meheuwautɨkaitɨ, yupiinite mɨraye'atɨkakɨ mekatenipatani 'ikwaikɨ memayeyuyurinikɨ 'akuxi. «Yawé, neuxei keneu'a'ɨwiya kehepaɨ memɨnetenanaima».

Hiwerika 1:9

Kemarieya kaniutatɨnire, 'atsipɨkareitimaitɨya 'arike hetsiena kemɨtiyɨnikekai. Kemɨratiwe pɨkatimaritɨa, kaniumawekaitɨni kemɨ'ane 'inɨtɨani. «Yawé, keneneuxeiya kenemɨtiuka'eniwa. Pɨnetsi'a'iwaxɨ mɨnetsi'aye'unie».

Keremiyaxi 48:36

»Ne'iyari pirikɨxa muyuhiwerie hepaɨ putaine, ne'iyari patsuaka Muhawi hetsiemieme, pirikɨxa hiwerika mukayuitɨwani hepaɨ putaine ne'iyari patsuaka Kixi-Keretsi hetsiemieme, mɨrakumaweriyariekɨ piiniteya ketipaɨmeme mɨtiuxeɨriekai.

Keremiyaxi 31:20

»'Epɨrahini tewiyari neniwe 'uki neminaki'erie pɨhɨkɨ. 'Ikɨ neniwe 'uki kanihɨkɨtɨni waɨkawa neminaki'erie. Kepauka nemɨtikwinitɨa, nepeye'eriwa ne'inaki'erietɨ. Mɨkɨ hetsiemieme waɨkawa nepɨne'iyaritɨa, mɨkɨ waɨkawamekɨ nepeunenimaya —Yawé mɨpaɨ kanaineni—.

Keremiyaxi 14:18

Xɨka 'ɨtsita neheyani, teɨteri mekwikwi'ime nepɨwaxeiya 'ixiparakɨ memukwi'iwaxɨ, xɨka kiekaritsie neheutahani, haakakɨ memɨtekukuye nepɨwaxeiya. Kakaɨyari niukameya meta mawari wewiwame, 'ikɨ kwieyaritsie ku'uwamete mekanihɨkɨtɨni 'atsimekatemaitɨ kememɨteyurie”».

Keremiyaxi 3:13

Keneu'atimaixɨa xeikɨa ke'axapemɨtiuyuri, meta kename Yawé pe'aye'unietɨ pehatɨa 'akakaɨyari. Naime kɨyexi mɨ'e'etɨtɨka hetɨa hipame kakaɨyarixi pepɨwarayexeiyakai, meta kepemɨkati'awaɨriya yapemɨtikamienikɨ”».

Keremiyaxi 2:35

'ahetsie nepɨrahɨani: mɨpaɨ pemutainekɨ kename 'axapekatiyuriwe, mɨpaɨ pemutainekɨ kename 'atsipekatiyuruwame, mɨpaɨ pemutainekɨ meta: “Kakaɨyari pɨkaha'ari nehamatɨa”.

Kitsariyaxi 38:14

Wiki 'itsitame kuyeikame hepaɨ nekatiniutsuani, meta waurai hepaɨ, kukuru hepaɨ neputainekai. Muyuawitsie nieriyakɨ nehɨxite puti'uxixɨa. Nepu'uximatɨarie, Yawé. Kwerietɨ keneneuparewi.

Temaiwawemete 28:13

Kemɨ'ane 'axamɨti'ane mɨti'awieta hatsuaku 'aixɨa pukatiyeyani, matsi kemɨ'ane muyutahekɨata 'axamɨti'ane mɨtiku'eirieni mɨkɨ katineuyehɨwiyariemɨkɨ.

Nɨawari 22:14

Haa hepaɨ netukari pɨtayeuriwe, ne 'umete naitɨ pɨxɨxɨni. Ne 'iyari xɨrɨka hepaɨ 'anetɨ patɨa, netaɨta witsɨanitɨ puhane.

Kuwi 33:27

'Ana tewi yumɨireme wahɨxie yapɨtayɨni: “'Axanepɨtiuyuri, mɨtiheitserie neputsewixima, matsi mɨkɨkɨ yanepɨkarakapitɨarie.

Nɨawari 38:8

Nepɨwerani, nemehɨiyani hepaɨ nepɨreu'erie, ne'iyari puta'aiwa tiuka'eniwatɨ.

Keremiyaxi 14:20

Yawé, tame ke'axatemɨte'uyurikɨ tepayukumate, meta tapaapama ke'axamemɨte'uyuri, tame 'axatepɨte'uyuri 'ahepaɨtsita.

Hiwerika 1:8

Kwinimieme 'axapɨtiuyuri Kerutsareme, 'ayumieme ka'itiyatɨ kanayani. Meripaitɨ 'aixɨa memɨte'ixeiyakai hikɨ mepi'uxiwe'erie, maweme memɨxeiyakɨ, 'ayumieme mɨkɨ putatsuaka, meta puyutewiya hɨxiena xɨka 'ixeiyamɨkɨni.

Tanieri 9:5

'Axatepɨte'uyuri kemɨkareuyewetse, meta temɨkaheu'enana tekanihɨkɨtɨni, 'a'aitsikate tepuku'eiri.

Hiwerika 5:16

Tamu'utsie kuruna tepɨka'anamanari. Xɨa'ui tametsɨari: 'axatekateniuyurieni.