Hiwerika 1:2 - Kakaɨyari Niukieya

² Tɨkakɨta kwinimieme tiutsuatɨ kaniukatariyarɨwani, 'ukaiya 'aurieyatsie kaniukakɨkani. Nixewitɨtɨma muwanaki'eriekai hikɨ pɨkahenɨtɨwa. Hamikumama yunaitɨ mekaniku'eirieni, me'eye'unietɨ pɨta mekanakɨne.

Hiwerika 1:2 ပူးပေါင်းရင်းမြစ်များ

Nɨawari 6:6

Tsuarikɨ nepu'uxeri tɨkarikɨ, ne'itari ne'ukaikɨ pɨyuyuna, ne'utá ne'ukaikɨ nepɨhawiya.

Mikeyaxi 7:5

Xeime 'ahepaɨ tewi yuri pepɨkati'eririeka, 'ahamikuma wahetsie pepɨkatiwiyani, kene'akweriwayurieka kepemɨtikuxaxatɨwa 'ahamatɨa mukahupu.

Hiwerika 1:21

»Teɨteri netsuari mekani'enieka, xewitɨ kaniumaweni mɨnetsinɨtɨani. Yunaitɨ memɨnetsi'aye'unie mekatenimaika kenemɨtiuka'eniwa, mekaniyutemamawieka nehetsie kepemɨtiuyurikɨ. 'Ari kenanɨ'a 'uximatɨarika kepemutayɨ, mɨkɨta mɨpaɨ memɨte'uka'eniwanikɨ ne kenemɨtiuka'eniwa.

Hiwerika 1:19

»Meripaitɨ nemɨwanaki'eriekai nekaniwarutahɨawe, peru mɨkɨ mekaneniuku'eirieni. Mawari wewiwamete meta 'ukirawetsixi nehetsɨa miemete yunaitɨ kiekaritsie mekaniukwini, 'ikwai mekuwautɨwetɨ, 'akuxi memayeyuyurinikɨ.

Hiwerika 1:9

Kemarieya kaniutatɨnire, 'atsipɨkareitimaitɨya 'arike hetsiena kemɨtiyɨnikekai. Kemɨratiwe pɨkatimaritɨa, kaniumawekaitɨni kemɨ'ane 'inɨtɨani. «Yawé, keneneuxeiya kenemɨtiuka'eniwa. Pɨnetsi'a'iwaxɨ mɨnetsi'aye'unie».

Keremiyaxi 30:14

Yunaitɨ memumatsinaki'eriekai mepumatsi'uku'eiri, mepɨkamatsiha'eriwari. Waɨkawa 'axapemɨtiuyurikɨ, meta mɨmɨirekɨ ke'axapemɨtiuyuri, nekamenanayewayani nekamenayemari'itɨwani, xewitɨ mɨrayuye'unie kemɨrayurieni hepaɨ.

Keremiyaxi 13:17

Peru xɨka xeme xekahanu'enanani, 'awie nekanitatsuamɨkɨ xeme xemuyuti'ɨrekɨ, nehɨxita 'ukai panexɨani hatsiwimekɨ, Yawé muxatsimama 'ateewa memanuhapanienikɨ kayukwieyaritsie.

Keremiyaxi 9:1

Nemu'u haixa xɨka hɨkɨtɨnike, meta nehɨxite 'ukai haixayari, tukarikɨ meta tɨkarikɨ nemutsuanenikɨ, neniwe 'uka teɨterimama memukwi'iwaxɨkɨ.

Keremiyaxi 4:30

¿Kepetiyurimɨkɨ, kiekari pemuka'unarie? ¿Titayari 'ixuriki witsimɨtixeta peranakatɨkɨ? ¿Titayari huru pereukapine? ¿Titayari 'ahɨxita perayu'utɨwa? Yakɨ xeikɨa witsipepɨ'akuyuruwa, karikɨ 'atuxexerima mekamenixani'erieka, mepiwautɨwe xeikɨa kememɨmetemienikɨ.

Nɨawari 31:11

Memɨnetsi'aye'unie wahetsiemieme mɨyane'anekaku, 'atsieriwame nekanihɨkɨtɨni ne'aurie memutetɨka wahetsiemieme, Nehamikuma mekanenimakaka, kepauka kiekaritsie nemɨyeyeika mekanitananautsani.

Matsiɨkɨtɨ kemɨratɨa 17:16

Tamamata 'awate pemuxei, meta yeutanaka, mɨkɨ 'ukaratsi tuminikɨ mɨyumayɨinɨa mekanitixani'erikuni. Yuxaɨtame mekaniku'eirikuni meta heumaweme, waiyarieya mekanitakwaikuni, meta mekanitataiyakuni.

Matsiɨkɨtɨ kemɨratɨa 17:13

Mɨkɨ yaxeikɨa mekateniku'eriwakuni, yɨtɨrɨkariya mekaniyetuiriekuni yeutanaka watɨrɨkariya mexeiyanikɨ.

'Utseyaxi 2:7

Waɨkawa tiuka'eniwatɨ yutuxexerima pɨwakuwauneni, kawataxeiyame mɨpaɨ pɨtayɨni: “Nekɨna matɨari nemitiwitɨ hetsɨa nepɨnuanikeyu, matsi meripaitɨ 'aixɨa nepɨtixeiyariekai keyuri hikɨ”.

'Etsekieri 16:37

'Ayumieme, nepɨwakuxeɨrieni yunaime memɨmatsi'ukumayɨa, kemɨ'ane pemɨwarutanaki'eri meta kemɨ'ane pemɨwarutixani'eri. Yunaime naitsarie kiekatari nepɨwakuxeɨrieni 'ahetsɨa, wahɨxie nepɨmatsitakeni pemaweme, mɨkɨta mepɨmatsixeiya naime pemaweme.

Hiwerika 2:11

Tsuarikɨ nehɨxite pɨtixɨxime, 'ariri kakwaniwemekɨ nepeɨmɨmɨkɨ. Yemekɨ ne'iyarikɨ nepɨkaheuwaɨre nekiekari muka'unariekɨ. Tɨɨritɨtɨ yakɨ memɨyumate mekanitiweranareni, 'ikɨ kiekari kayeyarite 'utɨma.

Keremiyaxi 3:1

»'Inɨarikɨ, xewitɨ 'uki yɨ'ɨya kaniuku'eirieni, mɨkɨta 'uka kanihayewa xeime pɨta 'uki tiwitɨnike. ¿Tiyɨwe 'uki matɨari mewitɨkɨkai nuame mitiwitɨnikɨ? Pɨkayɨwe. Mɨpaɨ xɨkatiuyɨni kwie naime ka'itiyakame kanayeitɨamɨkɨ. Mɨpaɨ kani'aneni, 'ekɨri yumɨireme pekaniwarukumayɨani, 'ayumieme pekapɨyɨweri nehetsɨa hutarieka pemunuani —Yawé mɨpaɨ kanaineni—.

Temaiwawemete 19:7

Kemɨ'ane tixaɨtɨ mɨkarexeiya 'iwamama mekanixani'erieka, matsiri hamikumamatɨtɨ mepɨkahenuku'erieni. Tsepanetɨ mɨwakuwaune memiparewienikɨ, hawaikɨ pɨkawarekaxeiya.

Kuwi 7:3

yakɨxeikɨa waɨkawa metseriyariri nepuyeika mɨpaɨ netiuka'eniwatɨ, tɨkarikɨ netiuka'eniwatɨ nepuyeika nehetsie tiunakeku.

Kuwi 6:15

Matsi ne'iwama 'aki hayari kemɨtiyukupata hepaɨ mekani'aneneni, 'uhanetɨ watahautsitɨwatɨ:

Nɨawari 126:5

Kemɨ'ane yu'ukaikɨ memuka'etsa, temawierikakɨ mepɨka'itsana.

Keremiyaxi 2:25

»Peheumamawetɨ pepɨkakuyeikani, petiu'akwinitɨani, meta pemanatiwaukenikɨ pepɨkayupitɨaka. Peru 'ekɨ mɨpaɨ peputaine: “Hawaikɨ yemekɨ nepɨkayɨwe nemɨtihayewa yanetiyurienetɨ. Nepuwanaki'erie hipame kakaɨyarixi, meta mɨkɨ wa'ɨtɨma nepumieni”.

Nɨawari 69:21

Ne'ikwaitsie matsiwi mepɨkaye, neheuharimɨkɨkaku matsina mepɨnetsi'uharitɨa.