Hiwerika 1:18 - Kakaɨyari Niukieya

¹⁸ «Yawé heitserie kanexeiyani, peru ne 'aitsikateyatsie yanepɨkatikatɨa. Xekeneu'enana, xeme hikɨ teɨteri, kenemɨtiuka'eniwa xekeneuyu'ɨwiya. Mekanehapanieni 'ateewa paitɨ nehetsɨa miemete temari meta 'ɨimarixi.

Hiwerika 1:18 ပူးပေါင်းရင်းမြစ်များ

Tsupuniyaxi 3:5

Matsi Yawé mana muka kemɨtiheitserie yapɨtiyuriene, kemɨkatiheitserie pɨkatiyuriene. Xexuime tukari mukatataretsie kemɨtiheitserie yapɨtiyuriene, meta pɨkatihayewa tukari mɨyehane mukatataretsie, peru 'axatiyuruwame tewiyarika pɨkamate.

Nɨawari 119:75

Yawé, ne nepɨtimate 'a'aitsika 'aixɨa pɨ'ane, meta pɨheitserie kepemɨnetikuwaya.

Hiwerika 1:12

«Xeme huyeta xemuyekɨka, xekeneuyu'ɨwiya: ¿Kamɨtsɨ xekateyu'iyaritua nehetsiemieme? ¿Hakewa xewitɨ nehepaɨ 'aneme 'uximatɨarika pexeiya, Yawé 'uximatɨarika mɨnetsiyetuiri hepaɨ 'anekame? Yawé kepauka muyeha'a nehamatɨa, 'ikɨ 'uximatɨarika kaneyenɨ'ani nehetsiemieme.

Keremiyaxi 12:1

'Ekɨ, Yawé heitseriemekɨ pekatinikuxatani kepauka nemɨniukixie 'ahamatɨa. Matsi hikɨ nepɨmatitaxatɨanikeyuta 'etsiwa tita mɨtiheitserie hepaɨtsita. ¿Titayari 'axamemɨte'u'iyari 'aixɨa mete'itɨarie? ¿Titayari teyukwamanamete kayuwatɨ mete'u'uwa?

Hiwerika 3:42

'Axatepɨte'uyuri, temɨkaheu'enana tepɨhɨkɨ, 'ekɨta pepɨka'awaɨriya pemɨtareuyehɨwirienikɨ.

Nɨawari 107:11

Kakaɨyari niukieya memɨka'u'enikɨ, 'Amutewi kemɨtiwa'ɨxatsitɨakai yamemɨkatekakɨkɨ.

Nehemiyaxi 9:33

'Ekɨ heitserie pepɨtiyurienekai tame kemɨtatiuyuri, 'ekɨ yapepɨtikatɨa. Tame 'apɨta 'axatepɨte'uyuri.

Xumatari 3:19

Hikɨ tame mɨpaɨ tepɨtemate, naime 'inɨari niukiyari kemaine, pɨtiwarutaxatɨa mɨkɨ 'inɨari niukiyaritsie memɨtewiya, yunaime wateni muwaranunamirienikɨ, Kakaɨyari mɨwataxanetakɨ yunaime kwiepa memɨtama.

Xumatari 2:5

'Ekɨtsɨ 'a'iyari mɨtse'ikɨ pemɨka'awaɨriyakɨ pemɨtihayewanikɨ kepemɨtiyuriene, 'ahetsiemieme haxɨa pepu'utane, 'iya tukaritsieke kepauka pemɨyehekarienitsie, kepauka matsiɨkɨtɨ mayani heitseriemekɨ kemɨtiwaranutaxɨrɨwa Kakaɨyari.

Tanieri 9:7

»”'Ekɨ Yawé, heitseriemekɨ yapepɨtikamie. Tame matsi, tewiyarika xeikɨa tepexeiya 'ikɨ tukaritsie, tame Kura kiekatari, Kerutsareme kiekatari meta naitsarie 'Ixaheri kwieyaritsie kiekatari, 'ahurawa temu'uwa meta 'ateewa temu'uwa, naitsarie hipame kwieyaritsie hakewa pemɨtatsihetaxɨriexɨa temɨmatsi'uku'eirikɨ.

Keremiyaxi 49:12

Yawé mɨpaɨ kanaineni: «Kemɨ'ane wahetsie mɨkarahɨiwa mɨtiukwinitɨarienikɨ tekɨxiyari memanu'i, 'ekɨ matsi 'ahetsie mɨrahɨiwa pepɨkahayewarieni pekatikwinitɨarietɨ. Kaneuyeweka pemɨtikwinitɨarieni, matsita 'ekɨ mɨkɨ tekɨxi pekananu'imɨkɨ».

Nɨawari 145:17

Yawé heitserie pɨti'uximaya kemɨtayɨni pɨraye'atɨwa meta naime yapɨtiyuriene yunaki'eriyakɨ.

Nehemiyaxi 9:26

»Peru mekaheu'enanatɨ mepakɨ: menetsi'aye'unietɨ mepakɨ, 'a'aitsika meputixani'eri, 'aniukamete 'ahetsɨa miemete mepɨwarukwi memɨwa'iniekai memɨ'axɨanikɨ 'ahetsɨa, yemekɨ 'ahɨxie 'axamepɨte'uyuri.

'Etsitɨraxi 9:13

»Ketemɨte'anuyekɨ 'axatemɨte'uyurikɨ 'axatemɨte'u'iyarikɨ, mɨpaɨ tepɨtehetima 'ekɨ, takakaɨyari, 'akuxi 'uximatɨarika pepɨkatatsiyetuiriewe yemekɨ mɨtahetsiemieme, matsi pɨta yateyupaɨmetɨ temɨyuhayewakɨ pekataniupitɨani.

1 Te'aitamete 13:21

Hikɨ Kakaɨyari niukameya tewi Kakaɨyari hetsɨa mieme katiniutaxatɨani Kura kwieyaritsie meyeyakai: —Yawé mɨpaɨ kanaineni: “Yawé niukieya pepɨka'anu'eni, pepɨkaraye'atɨa Yawé 'akakaɨyari kemɨmatiutahɨawixɨ.

1 Tsamuheri 15:23

Yemekɨ 'aixɨa pɨka'ane xɨka yakatikamieni, memɨtehetimamateke wahepaɨ pɨ'aneni, meta muyuta'ɨre, kakaɨyarixi mɨwarayexeiyani hepaɨ pɨtiyurieneni. 'Ekɨ Yawé niukieya pemuku'eirikɨ, mɨkɨta pumatsi'uku'eiri pemɨkati'aitametɨnikɨ».

'Itsɨkate 1:7

Hikɨ 'Aruni-Wetseki mɨpaɨ kaniutayɨni: «Haika tewiyari heimana tamamata te'aitamete yu'itɨwame 'amɨpapa mewatiwitekiyarietɨkaitɨ meta yuketatetsie, nemexatɨa mɨranakaxɨrɨwe mekatenekukwa'akaitɨni. Kakaɨyari yaxeikɨa hikɨ pɨnetsi'uyuri». 'Ana Kerutsareme mekaneihana, manari kanemɨni.

Hutarieka 'inɨari 32:4

Mɨkɨ tete kanikɨtɨni, 'uximayatsikaya pɨheitserie, naitɨ huyeya 'aixɨa pɨ'anene. Kakaɨyari yapɨtikamie, 'axapɨkatiyuriene. Mɨkɨ heitserie pexeiya meta 'aixɨa pɨtiuka'iyari.

Memeyekɨ 9:27

Merikɨtsɨ Parahuni katiniwarutanɨ'airieni, Muitsexi 'Aruni mame mɨpaɨ katiniwarutahɨawe: —Ne hikɨ nepɨretima 'axakenemɨtiyuriene. Yawé 'aixɨa pɨtatsiyuriene, tame pɨta 'axatepɨteyurie neteɨterima teyunaitɨ.

Nɨawari 119:137

'Ekɨ Yawé, heitseriemekɨ pepɨti'uximaya, meta 'a'aitsikate pɨheitserietɨka.

Keremiyaxi 4:17

Mepaketɨkɨ waritana 'etsiya mɨhɨrieka hepaɨ, netsi'aye'unietɨ matɨakɨ —Yawé mɨpaɨ kanaineni—.

Keremiyaxi 32:23

Peru kepauka 'ena memu'axɨa meta yukwie memayeitɨanikɨ, mepɨkametsi'anu'eni, 'a'inɨari niukiyaritsie yamepɨkatekakɨ meta kepemɨtiwaru'aitɨakai. 'Ayumieme 'ikɨ 'uximatɨarika pepɨwarupitɨa.

Tanieri 9:5

'Axatepɨte'uyuri kemɨkareuyewetse, meta temɨkaheu'enana tekanihɨkɨtɨni, 'a'aitsikate tepuku'eiri.

'Amuxi 8:13

»Mɨkɨ tukaritsie hariyakɨ mepɨ'amɨxɨani 'ukari witsimemɨte'ɨimarixi meta temari memɨtɨrɨkawi.

Hiwerika 5:16

Tamu'utsie kuruna tepɨka'anamanari. Xɨa'ui tametsɨari: 'axatekateniuyurieni.

Tsakariyaxi 1:6

¿Kamɨtsɨ karaye'atɨarie xetutsima wahetsie niuki meta 'aitsikate nemɨwarupitɨa menete'uximayatsiriwamete neniukamete mɨpaɨ memɨtewataxatɨanikɨ? »”Hikɨ mɨkɨ Yawé hetsie metewiyatɨ mekanakɨne, meta mɨpaɨ mekaniutiyuani: ‘Yawé Naimekɨmɨtɨrɨkaɨye yapɨtatsi'uyuri kemɨtiu'eri: tahetsie kemɨreuyewekai 'axatete'u'iyarikaku 'axateteyuriekaku.’ ”»