Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hiwerika 1:17 - Kakaɨyari Niukieya

17 Tsiyuni pahiwa parewiya ha'iwawatɨ, peru pumawe xewitɨ minɨtɨanikɨ. Yawé mɨpaɨ tiuta'aitaku Kakuwu 'aurie mematetɨkatei hikɨ mepeye'unie, hikɨ Kerutsareme kanihɨkɨtɨni xatsi xeikɨa meta mɨka'itiya.

အခန်းကိုကြည့်ပါ။ ကော်ပီ




Hiwerika 1:17
29 ပူးပေါင်းရင်းမြစ်များ  

Hiwari nepɨ'enie, niweyame hiwarieya hepaɨ 'anɨyɨneme, 'aiwarika matɨari mɨniweneni 'aiwarikaya hepaɨ 'anɨyɨneme. Tsiyuni witsimɨti'ɨimari 'aiwarieya kanihɨkɨtɨni, waɨriyarika meka'ietɨyeika, yumamá 'utatsetseratɨ mɨpaɨ mutaine: «Xɨa'ui ne, nepɨmɨximeri. Teyumiekate 'ari mepɨnetsiwiya».


Kepauka teikɨ xemememe, ne nepɨkaxexeiyaniri, tsepanetɨ yunenewieri xemɨmɨiriya, ne nepɨka'i'enieni, yumamatetsie naitɨ xemeuxuxurekɨ.


Kemarieya kaniutatɨnire, 'atsipɨkareitimaitɨya 'arike hetsiena kemɨtiyɨnikekai. Kemɨratiwe pɨkatimaritɨa, kaniumawekaitɨni kemɨ'ane 'inɨtɨani. «Yawé, keneneuxeiya kenemɨtiuka'eniwa. Pɨnetsi'a'iwaxɨ mɨnetsi'aye'unie».


»Meripaitɨ nemɨwanaki'eriekai nekaniwarutahɨawe, peru mɨkɨ mekaneniuku'eirieni. Mawari wewiwamete meta 'ukirawetsixi nehetsɨa miemete yunaitɨ kiekaritsie mekaniukwini, 'ikwai mekuwautɨwetɨ, 'akuxi memayeyuyurinikɨ.


»'Ikɨ naitɨ pɨnetsitsuaritɨa, hiwerikakɨ nepɨkaheuniereri. Xewitɨ 'ahurawa pɨka'uyeika mɨnetsinɨtɨanikɨ, meta mɨnetsituikakɨ. Neniwema mekaneutaxɨriexɨani mɨtatsi'aye'unie mɨtatsi'a'iwaxɨkɨ».


Hikɨ Tserekiyaxi 'atanaurieka wiyaritsie ti'aitakaku, tamamata metseritsie meta tamamata tukaritsie, Nawukurunutsuxi Wawiruniya kwieyaritsie ti'aitame, kanayeyani yunaime yukuyaxima warawitɨtɨ, hikɨ Kerutsareme kiekariyari makuma mekaniu'axɨani. Hikɨ kiekari hɨxie mekanitiyaxe meta waritana mekanayaxetɨkɨne.


Metsɨ 'Ixaheri kananukaxɨwieni, hikɨri 'etsiwa xeikɨa nuiwarite mepɨmetsinaki'erie.


«Tewi pemunu'aya, kepauka 'ixaheritsixi yukwieyaritsie memu'uwakai, mɨkɨ ka'itiyakame mekaneyeitɨani. Kememɨyɨakai nehɨxie, mɨpaɨ pɨtimatsiɨkɨkai, 'ukaratsi mɨka'itiya kepauka xuriyaya maye'a hepaɨ.


Teɨteri mɨpaɨ mekateniwaruhiwiwani: «'Ena xepɨka'u'uwani, xemɨka'itiya. Xekeneuhuni. Xekeneuhuni. Xepɨkatatsikumaɨwani tame». Hipame nuiwarite watsata mɨpaɨ mekatenikɨhɨawarɨwani: «Ku'uwamete mekanihɨkɨtɨni, memuyu'unaxɨaxime. Mepɨkayɨwawe 'ena memu'uwani yuheyemekɨ».


»Teɨteri netsuari mekani'enieka, xewitɨ kaniumaweni mɨnetsinɨtɨani. Yunaitɨ memɨnetsi'aye'unie mekatenimaika kenemɨtiuka'eniwa, mekaniyutemamawieka nehetsie kepemɨtiuyurikɨ. 'Ari kenanɨ'a 'uximatɨarika kepemutayɨ, mɨkɨta mɨpaɨ memɨte'uka'eniwanikɨ ne kenemɨtiuka'eniwa.


Tɨkakɨta kwinimieme tiutsuatɨ kaniukatariyarɨwani, 'ukaiya 'aurieyatsie kaniukakɨkani. Nixewitɨtɨma muwanaki'eriekai hikɨ pɨkahenɨtɨwa. Hamikumama yunaitɨ mekaniku'eirieni, me'eye'unietɨ pɨta mekanakɨne.


Netinita'aitamɨkɨ —Yawé mɨpaɨ kanaineni—, neniwa'atɨamɨkɨ 'ikɨ kiekaritsie. Menixetakwikuni, mexetiwiyame, kiekari menayetaiyakuni. Kura kwieyaritsie kiekarite mumanetɨka 'akumaweme nekanayeitɨamɨkɨ, ka'akukiepayakame”».


'Ikɨ kwieyaritsie mekanikwikuni 'amemɨyumate meta 'etsimemɨyumate, xewitɨ pɨkayuhayewa wahetsiemieme mɨtatsuanikɨ, meta mɨwakateukukɨ, nixewitɨtɨma yuwaiyaritsie pɨkayuxiteni wahetsiemieme meta pɨkayukaxini.


Tehɨwemete meta yumuxatsima mewara'arietɨ mepɨ'axɨani hetsɨana: 'auriena mepayaxetɨkɨne, yuxexuitɨ mepenayexeiyaxɨani hakewa wamuxatsima memɨtehetikwa'anikɨ».


xɨka kwitɨwata yuxexuitɨ 'ixaheritsixi, yametehetimame yɨkɨmana ke'axamemɨte'uyuri, xɨka yumamate 'ikɨ tuki hepa mehatatseraxɨani, meyunenewietɨ meta waɨkawamekɨ mematsiwawirietɨ,


Hikɨ meta, Tsarumuni mawari taiyame Yawé hetsiemieme hɨxie kaniutakeni, hikɨ yunaime 'ixaheritsixi memɨyuxeɨriekai wahɨxie, yumamate teikɨ kanetseraxɨani muyuawitsie,


Nekukuiniriya pɨkayunɨtɨarinɨa, ne'iyari pɨmɨxime.


Nehetsiemieme neteɨterima wiki witsimeu'ane hepaɨ nepɨtiwaxeiyakai memimietɨwe wirɨkɨxi. Xekenehu, xekeniwarukuxeɨri yunaime yeutari. Xekeniwa'atɨa memitakwanikɨ.


Kwinimieme 'axapɨtiuyuri Kerutsareme, 'ayumieme ka'itiyatɨ kanayani. Meripaitɨ 'aixɨa memɨte'ixeiyakai hikɨ mepi'uxiwe'erie, maweme memɨxeiyakɨ, 'ayumieme mɨkɨ putatsuaka, meta puyutewiya hɨxiena xɨka 'ixeiyamɨkɨni.


Merikɨte neniune'ɨwiyata 'ikɨ tukaritsie waɨkawa kememɨte'uka'eniwakai. Nekaniwaruxeiya 'axamemute'anuyehu me'utitsuaname, xewitɨ pumawekai mɨwanɨtɨanikɨ, tɨrɨkariya memexeiya mekaniwa'uximatɨakaitɨni, pumawekai kemɨ'ane muwanɨtɨani.


»Neuxei 'ekɨ, kiekari pemuyuhiwerie, pemɨmariutsie meta pemɨkanɨtɨarie. Yuawitɨ tsiɨraɨyemekɨ nepumatsitakeni, meta tetexi yuawimekɨ mukutuxie hekɨ 'atenari nepɨkatsutɨani.


«¿Kemɨ'ane pɨmetsitinenimayata, Kerutsareme? ¿Kemɨ'ane 'ahetsiemieme pɨtatsuani? ¿Kemɨ'ane puyuwaɨriya mɨta'iwaunikɨ kepemɨreu'erie?»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ