Hiwerika 1:12 - Kakaɨyari Niukieya

¹² «Xeme huyeta xemuyekɨka, xekeneuyu'ɨwiya: ¿Kamɨtsɨ xekateyu'iyaritua nehetsiemieme? ¿Hakewa xewitɨ nehepaɨ 'aneme 'uximatɨarika pexeiya, Yawé 'uximatɨarika mɨnetsiyetuiri hepaɨ 'anekame? Yawé kepauka muyeha'a nehamatɨa, 'ikɨ 'uximatɨarika kaneyenɨ'ani nehetsiemieme.

Hiwerika 1:12 ပူးပေါင်းရင်းမြစ်များ

Tanieri 9:12

»”'Ekɨ pepeye'atɨa kepemɨtarayemari'itɨa, tame meta tate'aitɨwamete, 'ekɨ tahetsie 'ikɨ 'uximatɨarika mɨmariwe pepɨ'atɨa. Hatsuaku 'ena kwiepa mɨpaɨ pɨkatiyɨwe Kerutsareme hetsiemieme kemɨtiuyɨ.

Keremiyaxi 30:24

Yawé haxɨaya pɨkatihayewa matsi kemutayɨ naitɨ pɨraye'ani 'iyarieya kemɨtiyɨkɨhɨawe. Naime 'ikɨ hetsie xekatenetimaikuni 'imatɨrieka tukariyaritsie.

Keremiyaxi 18:16

Mɨya meyɨatɨ yukwie yuxaɨtame mekaniuku'eirieni, tixaɨtɨ tiyuriyarɨwame menayeitɨani. Kemɨ'ane mana muyeyani yumu'u kaniyuitɨamɨkɨ matɨ.

Mateu 24:21

Karikɨ 'ana kwini mieme 'uximatɨarika 'anetɨ kanitixuawerimɨkɨ kemɨkatitixuaweriwe kwie munetɨarietsie paitɨtɨ 'atsita hikɨ, meta tawari pɨkatixuawere 'ariketa.

Hiwerika 2:13

¿Kehepaɨ netayɨni 'ahetsiemieme, Kerutsareme witsipemɨti'ɨimari? ¿Kemɨ'ane hepaɨ pepɨ'ane? ¿Ketita 'inɨariyarikɨ nemetitahɨawe nemɨmatsinɨtɨanikɨ, kiekari Tsiyuni 'ɨimari? Haramara kemeukatewa hepaɨ pɨ'ane 'akwinitɨarika. ¿Kemɨ'ane 'aku pɨyɨwe mɨmatsi'u'uayemani?

Kitsariyaxi 13:13

'Ayumieme yanepɨtiyurieni muyuawi mɨtayuanikɨ meta kwie hakewa meuyema mɨtayuanikɨ, Yawé Naimekɨmɨtɨrɨkaɨye haxɨayakɨ kepauka mɨyeha'ani tukariyaritsie.

Nɨawari 88:16

'Ahaxɨa yemekɨ nehetsie kaniukawiwieni, 'a'iwaɨyɨ kanenitaxɨtɨaximeni.

Keremiyaxi 4:8

'Ayumieme, hiwerika kamixayari xekenanakatɨxɨa, xekeneutitsuanani xeyu'iyaritɨatɨ, karikɨ Yawé haxɨaya mɨtiyukwaxiya 'akuxi tahetsie pɨkahayeyeiwe.

Keremiyaxi 30:7

Xɨa'ui. Mɨkɨ tukaritsie pumariwekareni, tukari hatsuaku kemɨkatiyɨwe pɨtiyɨni. Kakuwu hetsiemieme hiwerika pɨrayani, peru mana ya'anekɨa payewikweitsitɨarieni”.

Keremiyaxi 30:23

Yawé 'ekaya kanayeyani ha'atɨ, 'eka waɨkawa tɨrɨkaɨyetɨ haikɨri tiyumemiwatɨ kanayenɨ'arieni 'axamemɨte'u'iyari wahetsiemieme.

Keremiyaxi 48:27

'Ekɨ Muhawi, neteɨterima 'ixaheritsixi pepuwananaimakai, pepɨwakuxatakai pewayuriyatɨ, tenawayamete wahamatɨa pemuwarutaxeiya hepaɨ.

Hiwerika 1:18

«Yawé heitserie kanexeiyani, peru ne 'aitsikateyatsie yanepɨkatikatɨa. Xekeneu'enana, xeme hikɨ teɨteri, kenemɨtiuka'eniwa xekeneuyu'ɨwiya. Mekanehapanieni 'ateewa paitɨ nehetsɨa miemete temari meta 'ɨimarixi.

Kuheri 2:2

Yɨriya tukariyari kanaye'amɨkɨ, hai tukariyari mɨyɨyɨxawi kanaye'amɨkɨ. Hekɨariya kemɨtiyuhekɨa kahekɨarirɨmetɨ kwiepa, mɨpaɨ katinimakatsiukɨni kiekari mɨmariwe mɨtɨrɨkaɨye, meripaitɨ hatsuaku kemɨkatiɨyɨ, nuiwarite 'umemahu wahetsiemiemeri hatsuaku yapɨkatiyɨni.

Keremiyaxi 10:19

Xɨa'ui ne, nepeutimurariexɨa. Kenemɨtiukwinitɨarie pɨkayu'uayemarinɨa. Peru pɨnekwiniya peuyewetse neminewieka.

Hiwerika 2:1

Xɨa'ui, Tsiyuni niweya witsimɨti'ɨimarikai Yawé 'akɨyɨwime kanayeitɨani yuhaxɨa kwauniyarikɨ. Muyuawitsie paitɨ kwiepa kamenakahɨani, haweri pe'anekame kamenayeitɨani kepemɨtimariwekai 'Ixaheri. Kepauka mɨmetsi'uka'unaxɨ ha'atɨ katinatɨmaiya kemɨti'aitakai 'ena kwiepa.