Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hiwerika 1:1 - Kakaɨyari Niukieya

1 Xɨa'ui, yuxaɨta puyuhayewaxɨ, kiekari meripaitɨ witsimɨ'anekai teɨteri warexeiyatɨ. 'Ukaratsi wiura hepaɨ pɨtiyuxexeiya, meripaitɨ mumariwekai yunaime nuiwarite watsata. Meripaitɨ wamaama mɨhɨkɨtɨkai. Hikɨri waɨriyarika ti'uximayatame pɨhɨkɨ wahetsiemieme.

အခန်းကိုကြည့်ပါ။ ကော်ပီ




Hiwerika 1:1
38 ပူးပေါင်းရင်းမြစ်များ  

Kiekari 'itupariyari putitsuanani meta hiwerika kamixayari panakatɨni, yuxaɨta kiekari nutuixietɨ, kwiepa pɨtayerɨni.


meta kename Kerutsareme kiekariyaritsie te'aitamete metɨrɨkawitɨ me'utixuawerixɨ, memɨte'aitakai naitsarie tau makayuyuipike hepatsie haa 'Eupɨrate manuyeka 'anutaɨye naime kwieyaritsie, mepɨtekupitɨariwakai wahekɨ, meta mepɨteyetuiriyarɨwakai, meta memɨteyuniɨtɨakai mepɨtekupitɨariwakai 'anamakame.


Tsarumuni pɨti'aitakai yunaime hipatɨ te'aitamete wahetsie 'Eupɨrate hatuxameyari manuyeka memɨtama meta piritsiteutsixi wakwietsie paitɨ, yaxeikɨa 'Ekipitu kwieyari manuye'atɨka paitɨ. Kepauka Tsarumuni 'amuyeikakai mɨkɨ nuiwarite yunaitɨ mepɨte'iyetuiriwakai kemɨtiwawawiriekai.


»Pepɨkamaka, hatsuaku pepɨkatewiyatsitɨarieni. Pepɨkayu'iyaritɨaka, hatsuaku nitixaɨtɨ petihɨkɨtɨtɨ pepɨkahayeitɨarieni. Pemɨ'ɨimaritɨkaitsie mieme tewiyarika pepatɨmaiya, meta tawariri pemɨwiuratɨkaitsie 'axapemɨtikɨhɨawarɨwakai pepɨkahaye'erieni.


'Ikɨ kiekari muyutemawiekai kanihɨkɨtɨni, yu'iyarikɨ 'aixɨa 'iyari 'amukumakai, yukɨmana mɨpaɨ mutainekai: «Ne xeikɨa nepɨhɨkɨ, xewitɨ tawari pumawe». Matsi neuxei puka'unarie meta yeutari wakie patɨa. Kehate mana memuyekɨne me'ixeiyame mepuyukatemamawieni me'inanaimatɨ.


Tamu'utsie kuruna tepɨka'anamanari. Xɨa'ui tametsɨari: 'axatekateniuyurieni.


kiekari waɨkawamekɨ 'axamɨretainetsie, mepɨkayu'enie meta mepɨ'ietɨwe. 'Ateɨterima nixewitɨ 'ixiparakɨ pɨka'umierie meta mepɨkahekwi'iwaxɨ mɨrayukwitɨnetsie.


Hikɨ Kuhatsimi katiniuyutuani Parahuni Nekahu hetsɨa pɨrata meta huru kepaɨmeme ma'iwawakai, perutsɨ yunaime mɨkɨ kwieyaritsie kiekaritari puwaruwi: pɨtiwarutawawiri yuxexuime teɨteri kepaɨmeme yuxexuitɨ pɨrata meta huru memɨyetuaxɨanikekai, mɨkɨ mɨyetuiyanikɨ mɨrayukatuanikɨ Parahuni Nekahu hetsɨa.


Mariwetɨ kemɨrayuyeitɨakai meta witsimɨtikuhɨawarɨwanikɨ, yaxeikɨata 'uximatɨarika heiwerika xekenepitɨaka. Yu'iyaritsie mɨpaɨ paine: “'Ena nepaka neti'aitatɨ, wiura nepɨkahɨkɨ, hatsuaku nepɨkatikwine”.


Yunaitɨ haramaratsie, te'aitamete mekananakakɨnikuni yu'uwenitsie, yupiinite mekatenanutihɨnakuni meta yukamixate mɨtixuiyatɨka. Kwiepa mekanitiyaxikuni yemekɨ memamatɨ mɨyamemɨte'anuyehukɨ, yamepɨte'uyɨyɨakatɨkani,


Huru 'ari pɨka'utixawatɨre. Huru 'aixɨamɨ'ane putayɨrixɨ puyutakwitama. Tetexi mɨpatsietɨka kwinimieme mɨraye'atɨka tukita timieme kaye'utɨma katineutiteni.


Tsiyuni witsimɨraku'anekaitsie, mana 'ukirawetsixi kwiepa mepeutitei kayuwatɨ xeikɨa, yumu'utsie naxi meheutiwiwatɨ meta hiwerika kamixayari me'anakatɨtɨkaitɨ. Kerutsaremetari 'ɨimarixi mekaneutiteni kwiepa me'akatututsitɨ.


Xɨa'ui, Tsiyuni niweya witsimɨti'ɨimarikai Yawé 'akɨyɨwime kanayeitɨani yuhaxɨa kwauniyarikɨ. Muyuawitsie paitɨ kwiepa kamenakahɨani, haweri pe'anekame kamenayeitɨani kepemɨtimariwekai 'Ixaheri. Kepauka mɨmetsi'uka'unaxɨ ha'atɨ katinatɨmaiya kemɨti'aitakai 'ena kwiepa.


Ketiumurarie meta keratihɨiya tepɨa titsuname kwiepa memɨtama yunaime muwatitsunakai. Wawiruniya makumawe kanayani yunaime nuiwarite wahixɨapa.


Kerariyaxi, 'Akikani nu'aya, Tsapani teukarieya, mɨpaɨ tiniwarutahɨawe meta teɨterimama: «Wawiruniyutsixi xepɨkawamakaka. Xɨka xeme 'ena xeyuhayewani 'ikɨ kwieyaritsie xeheyexeiyatɨ ti'aitame Wawiruniya kiekame, ne mɨpaɨ nepaine 'aixɨa 'iyari xepu'uwani.


«Kiekari Kerutsareme kii 'unimeyari kwinienetɨ muwe nepayeitɨani, yawixi memayu'eririya wakie nepayeitɨani. Makumawe nepayeitɨani Kura kiekariteyari, teɨteri mana mekatiteme nepayeitɨani».


Witsipɨ'anene 'ɨkateya kemɨ'ane niuki 'aixɨa manuyɨne mukuxata hɨritsie, kemɨ'ane “kayuwatɨ mumakakɨ” mukuxata, kemɨ'ane niuki 'aixɨa manɨyɨne mukuxata, kemɨ'ane wikweitsitɨarika mukuxata, kemɨ'ane Tsiyuni mɨpaɨ mɨrahɨawe: «'Akakaɨyari pɨti'aita».


Kerutsareme keneuyutakwiepi. Kenanukukexi, 'a'uwenitsie kenenua. 'Akɨipitɨa tepɨa kaunariyari maka kenewaxɨna, tsiyuni niweya 'uka pemanutahɨiya.


Kekuta pe'ɨyɨka muyuawitsie pepanakahɨiya, xurawe tuxakɨta mieme. 'Ekɨ, nuiwarite pemɨtiwa'aitɨakai, kwiepa pekaniukaweni.


Mana nuiwarite mekani'axeni, nuiwarite Yawé hetsɨa miemete, Yawé 'aixɨa metetahɨaweke 'aixɨa kemɨtiuka'iyari wahetsiemieme, kehepaɨ 'aneme 'Ixaheri 'aitsika mɨyetuiriyariekai.


Waɨkawa kemɨtiutixuxuawere hikɨ te'aitamete wahetsiemieme katinihɨkɨtɨni 'axatemɨte'uyurikɨ tahetsie pemɨwarupitɨa. Tɨrɨkariya memexeiyakɨ, kemɨtiwanake mepɨtatsiyurie tame meta tatewama. Waɨkawa tepu'uximatɨarie.


Hipatɨtatsiere mɨpaɨ mekaniutiyuanekaitɨni: «Takwie hetsiemieme tumini tepuwaye'ɨi meta kaxie haraweriyaritsie mieme, mɨpaɨ temɨte'ipitɨanikɨ ti'aitame kemɨtatiwawirie.


Hikɨ Kuhakatsi Kerutsareme mɨkati'aitanikɨ, Parahuni Nekahu kanenutahɨani katsariyanata Xiwɨra kiekariyaritsie, Kamati kwieyaritsie, meta Kuratsie kiekatari katiniwarutawawirieni memɨteyutuanikɨ, haika miriyari heimana haika tsienituyari (3.300) kiruyari pɨrata meta xeitewiyari heimana tamamata heimana haika kiruyari huru tepɨayari.


Yawé naimekɨmɨyɨwe neheu'ename kanenayeitɨani, hawaikɨ nepɨkahe'eiyani, meta ne'utɨa nepɨkayeyeika.


Tsarumuni ti'aitame naitsarie katiniwaruta'aitɨani te'aitamete kememɨte'ukutetɨkatsie, 'Eupɨrate hatuxameyari manuyekatsie 'itsutɨatɨ 'atsita piritsiteu kwieyaritsie meta 'Ekipitu kwieyari maka'atɨkatsie paitɨ.


Hikɨ mɨpaɨ pepɨti'erieni: “¿Kemɨ'ane tɨɨri waɨkawa pɨnetsiyetuiri? Ne tɨɨri nepɨkawarexeiyakai, nepɨkaniwewekai, nepuka'unariekai, nepehɨiyakai, peru 'ikɨ, ¿kemɨ'ane puwarutiwaweriyaxɨ? Nexaɨtame nepunehayewakai, peru 'ikɨ, ¿kemetehanexɨa?”»


Yawé mɨpaɨ kanaineni: «Xekeneutikwikani xeyutemamawietɨ Kakuwu hetsiemieme, temawierikakɨ xekeneutihiwani nuiwarite 'aixɨa memɨ'itɨarie wahetsiemieme. Nɨawarika kwi xekeneu'enitsitɨa mɨpaɨ xe'utiyuatɨ: “Yawé, 'ateɨterima keniwarutawikweitsitɨa, 'Ixaheri hetsie memuyuhayewaxɨ keniwarutawikweitsitɨa”.


mɨpaɨ Kakaɨyari niukameya Keremiyaxi mekateniutahɨawe: —Neuxei ketaneu'eni ketemutiyuane, Yawé 'akakaɨyari keneutahɨawi tame temɨtahayewatɨwe tahetsiemieme. Pekatinimaika meripaitɨ waɨkawa temɨhɨkɨtɨkai hikɨri 'etsitekaniyupaɨmeni.


»Mɨpaɨ kanaineni Yawé naimekɨmɨyɨwe: 'Ikɨ Kerutsareme kiekariyari kanihɨkɨtɨni. Ne nuiwarite wahixɨapa nekanikamani meta kwie 'auriena mamanetɨka.


Xekiekarite nepakumaweriyari, watukite nepatixɨriexɨani. Xemawari witsimu'ɨatɨkatei mɨnetsinakekaikɨri nepɨkayukatemawieni.


Hipame nuiwarite watsata nekanixetaxɨriexɨamɨkɨ: 'ixipara newatihaname nepɨwaranukuweiya wakwie yuxaɨtame nepɨhayewa, wakiekari nepɨka'unaxɨani.


«Mɨpaɨ kanaineini Yawé Naimekɨmɨtɨrɨkaɨye, 'Ixaheri Kakaɨyarieya: “Xeme xekaniuneniere 'uximatɨarika kenemɨtiuwewi Kerutsareme meta Kura kiekariyaritetsie. Hikɨ mana kii 'u'unitɨ kanexuaweni, nixewitɨ mana kapeka,


'Ayumieme nehaxɨa Kura kiekariteyari hetsie katiniunake, 'ayumieme waɨkawa nehaxɨa putai Kerutsareme kayeyarite hetsiemieme, mɨkɨ 'akumawetɨ kanayani hikɨ 'akuxi yaxeikɨa pɨti'ane”.


»Meripaitɨ nemɨwanaki'eriekai nekaniwarutahɨawe, peru mɨkɨ mekaneniuku'eirieni. Mawari wewiwamete meta 'ukirawetsixi nehetsɨa miemete yunaitɨ kiekaritsie mekaniukwini, 'ikwai mekuwautɨwetɨ, 'akuxi memayeyuyurinikɨ.


«Tiru mɨpaɨ kaniutayɨni, Kerutsareme hetsiemieme: “Nuiwarite wa'itupari peu'unixɨa. Wa'itupari peuxɨrɨwe hixɨata mumuritɨ, neta waɨkawa nerexeiyatɨ nerayeixime mexi mɨkɨ meta'unike”.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ