'Etsitɨraxi 4:2 - Kakaɨyari Niukieya

² 'ana Tsuruwaweri hetsɨa mekaniu'axɨani meta huriyutsixi wa'ukiyarima wahɨxie, mɨpaɨ mekateniwarutahɨawe: —Xeketaneupitɨa temɨtetaparewienikɨ 'uximayatsikatsie, tameta xemeyexeiya Kakaɨyari tekanayexeiyani, tame mawari taiyariyari tekaniwewirieka kepaukapaitɨtɨ 'Etsaxikaruni 'ena mɨtatsi'atɨa, 'Atsiriya kwieyaritsie ti'aitame.

'Etsitɨraxi 4:2 ပူးပေါင်းရင်းမြစ်များ

2 Te'aitamete 19:37

Peru xeime tukaritsie, mexi yunenewiekai titunumawetɨ yukakaɨyari Nitsiruki tukita, 'ana niwemama 'Aruramereki meta Tsaretsexi matɨa mekanimieni 'ixiparakɨ, hikɨ me'imieka mekaniyuta'una 'Ararati kwieyaritsie paitɨ. Hikɨ hetsiena mieme nu'ayatɨtɨta 'Etsaxikaruni titewatɨ kanitsutɨani ti'aitatɨ.

2 Te'aitamete 17:24

Hikɨ 'ixaheritsixi memakutekaitsie Tsamariya mɨrakutewatsie, 'Atsiriyatsie ti'aitame teɨteri kaniwa'atɨani Wawiruniya kiekatari, Kuta, 'Awa, Kamati meta Tsepariwahini. Mɨkɨ Tsamariya kiekariyari yukiekari mekanayeitɨani meta kiekarite 'auriena mumanetɨkatei.

2 Timuteu 3:8

Yaxeikɨa Kanetsi meta Kamɨpɨretsi kememɨteheye'uniekai Muitsexi, 'ikɨta mekaneye'unieka tita yuri mɨraine. 'Ikɨ teɨteri mekanitipɨnirɨmeni kememɨteyumate, mepɨxani'eriwa yuri kememɨte'erie, matsi yuri memɨkate'eriekɨ.

Karatsiyatari 2:4

tsepa memi'inɨaritɨakukai hipatɨ yakɨ 'iwamarixi tahepaɨ memɨteyukemaritɨwa. Mɨkɨ mekanatahaxɨani tatsata kememɨtatehupienikɨ tame ketemɨtetanɨ'a Kɨritsitu Ketsutsi hetsie tetewiyatɨ. Mepɨtatsiwiyakukai wayeiyaritsie mieme temɨte'uximayakakɨ.

'Utseyaxi 14:3

'Atsiriya pɨkatatsitawikweitsitɨani, kawayutsixi kuyaxa miemete wahetsie tepɨka'anutiyaxe. Tawariri tepɨka'itaterɨwani “'ekɨ takakaɨyari pepɨhɨkɨ” tixaɨtɨ tamamakɨ tiwewiyakame tepɨkate'ayexeiya, 'ahetsie nutui pikaxeiya kepemɨti'akanenimaya».

Kitsariyaxi 37:37

'Ayumieme Tsenakeriwi, ti'aitame 'Atsiriya kiekame, manukateitsie kaneyani. Niniwe kiekariyaritsie kaninuani mana kaniyuhayewa.

Nɨawari 73:8

Mepɨteyukatawe'erie, 'ayehutamekɨ meputiniuka, meha'atɨ mepɨteyu'aitɨwa meta mepɨteyute'a.

'Etsitɨraxi 3:12

Yumɨiretɨ hipatɨ mawari wewiwamete, rewitsixi meta hipatɨ 'ukirawetsixi tuki matɨari mieme memuxei, mehe'eriwatɨ mekaniutitsuani waɨkawa kepauka tuki tenariyari hekwamekɨ memuxei, mexi hipatɨta temawierikakɨ me'utihiwakai.

'Etsitɨraxi 3:2

Hikɨ Ketsuha Kutsaraki nu'aya meta 'iwamama yunaitɨ, mɨkɨ mawari wewiwamete memɨhɨkɨtɨkai, metatsiere Tsuruwaweri Tsaratiheri nu'aya meta 'iwamama yunaitɨ mekanitsutɨani tawarita mekanitawewieni mawari taiyame 'Ixaheri Kakaɨyarieya hetsiemieme, mana mawari taiyariyari memɨwewietɨwenikɨ 'inɨari niukiyari kemɨraka'utɨakai Muitsexi Kakaɨyari ti'uximayatsiriwame.

'Etsitɨraxi 2:2

mewaraweiyatɨ Tsuruwaweri, Ketsuha, Nehemiyaxi, Tserahiyaxi, Xerahiyaxi, Maxirukeyu, Wiritsani, Mitsipaxi, Wihiwahi, Xekuni meta Wanaha. 'Ikɨ 'ixaheritsixi kaniwaxapayaritɨni kemeyupaɨmetɨ memakunuaxɨa:

'Etsitɨraxi 1:5

Hikɨ Wenikamini nuiwarimama meta Kura nuiwarimama 'ukirawetsixi memanuyetei, yaxeikɨa yunaitɨ mawari wewiwamete meta rewitsixi, yunaitɨ kemɨ'ane Kakaɨyari mɨpaɨ mɨtiwaruyuitɨa wa'iyaritsie memɨyehukɨ tuki tawarita memetawewienikɨ, yamekateniuxata memɨyehukɨ Kerutsareme.

2 Te'aitamete 17:41

Mɨkɨ teɨteri Yawé mekanayexeiyakaitɨni, peru mekaniwarayexeiyakaitɨnita yukakaɨyarixi. Hikɨtɨtɨ 'akuxi yaxeikɨa mekane'aneni waniwema wanuiwari hetsiemiemete, wa'ukiyarima kememɨteyuriekai meripaitɨ wahepaɨ mekateniyurieka.

Tsutɨarika 10:11

Mɨkɨ kwieyaritsie 'uyeikatɨ Nimiruri kaneyani 'Atsuxi paitɨ, manata kanitiwewieni Niniwe kiekariyari, Xekuwuti-'Ixi meta Kahara

Nehemiyaxi 9:32

»Hikɨta, takakaɨyari, Kakaɨyari pemɨmariwe, pemɨmakaxiwa meta pemɨtɨrɨkaɨye, tɨratu pemaye'atɨwa meta yapepɨtikamie, 'etsiwa tiuyɨme pepɨka'erieka kememɨte'ukwinitɨarie, tate'aitɨwamete, kuwexinaruritsixi, mawari wewiwamete meta 'aniukamete, ta'ukiyarima meta teyunaitɨ 'ateɨteri, te'aitamete 'Atsiriya kiekatari memɨtatsi'a'iwaxɨtsietɨtɨ 'atsita hikɨ.

Kitsariyaxi 37:38

Peru kepauka, tukita yunenewienekaku yukakaɨyari 'ayexeiyakaku Nitsiruki, niwemama 'Aruramereki, Tsaretsexi hamatɨa mekanimieni 'ixiparakɨ, mɨya mete'uyurieka mekaniuyuta'una 'Ararati kwieyaritsie paitɨ. Hikɨ nu'aya 'Etsaxikaruni 'utɨmana ti'aitame kanayani.