'Etsitɨraxi 1:2 - Kakaɨyari Niukieya

² «'Ipaɨ paine Tsiru, Peritsiya kwieyaritsie ti'aitame: »Yawé, Kakaɨyari taheima makawe, hikɨ 'ena kwiepa yunaime te'aitamete mɨnetsiyetuiri, kaneniuhɨritɨani nemitawewienikɨ tuki Kerutsareme kiekariyaritsie, Kura kwieyaritsie.

'Etsitɨraxi 1:2 ပူးပေါင်းရင်းမြစ်များ

Kitsariyaxi 44:26

Nete'uximayatsiriwamete waniuki nepaye'atɨwa meta netupiritsixi waniuki nepaye'atɨwa. Ne mɨpaɨ nekanaineni Kerutsareme tawarita kiepa kanayeimɨkɨ, kiekarite Kura kwieyaritsie miemete kananukakitsiemɨkɨ, mu'u'uni 'aixɨa kaniti'itɨariemɨkɨ.

Tanieri 5:23

Matsi pɨta, Kakaɨyari muyuawitsie makawe pepaye'unie, pepɨtiuta'ai tekɨxite mɨhapaniemiekɨ tukitana mieme, hetana xemɨti'ienikɨ 'ekɨ meta 'aparewiwamete, meta xe'ɨitama metatsiere xetuxexerima. 'Ekɨ pepɨ'ayetua pewanɨawatɨ kakaɨyarixi memɨwewiyatɨka, hurukɨ, pɨratakɨ, tepɨakɨ, kɨyekɨ meta tetekɨ, mɨkɨ kakaɨyarixi memɨkaheuneniere, memɨkaheu'enana meta memɨkaheti'enatɨkɨka, matsi Kakaɨyari mariweme pepɨka'ayeitɨa tukari mɨmatsipitɨa meta kepemɨti'aitani mɨmatsipitɨa.

Tanieri 4:32

Teɨteri watsata pepanayehanieni, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanikwakamɨkɨ, 'atahuta wiyari kananuyeyeimɨkɨ kepaukake mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta kename mɨkɨ yɨwe ti'aitame meyeitɨani kemɨ'ane mɨkɨ manayexeiya».

Tanieri 4:25

'Ekɨ teɨteri watsata pekananayehaniemɨkɨ, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanitikwaimɨkɨ, 'ahetsie haɨtsi kaniupaparemɨkɨ. 'Atahuta wiyari kananuyeyeimɨkɨ, kepaukake 'Ekɨ ti'aitame mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta mɨkɨ pɨyɨwe ti'aitame meyeitɨani kemɨ'ane manayexeiya.

Tanieri 2:28

Matsi xewitɨ Kakaɨyari 'akaniuyeikani mɨtihekɨatawe tita mɨti'awietsie. Mɨkɨ Kakaɨyari kametiniutahekɨatɨani kemɨtiyɨni tukarite 'umahutsie. Mɨpaɨ pekatiniuheinɨni meta mɨpaɨ pekatiniuniere 'ikɨ 'amu'utsie katiniye'ani mexi pekutsukai:

Tanieri 2:21

Mɨkɨ tukari pukupata naime kemɨtiyeyɨxime, pɨwaranuka'uitɨwa pɨwaranakaxɨrɨwa te'aitamete. Temaiwawemete memɨtemaiwawenikɨ pɨwapitɨa. Kwinie memɨteheutamaiwawe, memeitimaitɨkɨkanikɨ pɨwapitɨa.

Keremiyaxi 10:11

«Mɨpaɨ pepɨtiwatahɨawe: “Mɨkɨ kakaɨyarixi muyuawi memɨka'utawewi meta kwie, mekanikumawerikuni 'ena kwiepa meta muyuawi hetɨa”».

Kitsariyaxi 66:1

Yawé mɨpaɨ kanaineni: «Muyuawi ne'uweni kanihɨkɨtɨni, kwie meta, hetsiena nemɨnewetɨka kanihɨkɨtɨni. Kii xemɨnetsi'utawewirieni pɨkayɨwe. Tixaɨtɨ kiiyari xepɨkanete'uxatɨawawe.

2 Kemɨtiuyɨ 2:12

Yawé 'aixɨa ketikuxaxatsiwani, 'Ixaheri Kakaɨyarieya, kwie meta taheima muyema muyuawi mutawewi, ti'aitame Rawiri mupitɨa yuniwe mayexeiyakɨ, timaiweme meta reutamaiweme, mɨkɨ kanitawewimɨkɨ paratsiyu 'amɨpa meta Yawé tukieya.

1 Te'aitamete 8:27

»Perutsɨ ¿tiyɨwekuta, nekakaɨyari, 'ekɨ kwiepa pemukani? Matsi muyuawitɨtɨ, tsepa kemeutitewa, mana pepɨkatinake, matsi 'ikɨ tuki nemutawewi 'etsipupe.

'Etsitɨraxi 1:5

Hikɨ Wenikamini nuiwarimama meta Kura nuiwarimama 'ukirawetsixi memanuyetei, yaxeikɨa yunaitɨ mawari wewiwamete meta rewitsixi, yunaitɨ kemɨ'ane Kakaɨyari mɨpaɨ mɨtiwaruyuitɨa wa'iyaritsie memɨyehukɨ tuki tawarita memetawewienikɨ, yamekateniuxata memɨyehukɨ Kerutsareme.

'Etsitɨraxi 3:7

Hikɨ kii wewiwamete meta kɨyekɨ te'uximayatamete tuminikɨ mekateniwarupitɨani. Metatsiere Tsirunitari meta Tiru kiekatari 'ikwai, mɨti'iwa meta hatseiti mekaniwayetuirieni, kariuxa kɨyeyari Riwanu mieme memɨ'atɨanikɨ Kupe hurawa haramaratsie me'eyenetɨame, Peritsiya kwieyaritsie ti'aitame Tsiru kemɨtiuta'aitaxɨ.

'Etsitɨraxi 4:3

Perɨtsɨ Tsuruwaweri, meta Ketsuha metatsiere 'ixaheritsixi wa'ukiyarima mɨpaɨ mekateniwaruta'eiya: —Tame xeme temɨxe'upitɨani tepɨkayɨwawe xemɨtatsiparewienikɨ takakaɨyari tukieya hutarieka temɨtawewienikɨ. Tame teyuxaɨta tenenukuhanikuni Yawé tukieya, 'Ixaheri Kakaɨyarieya, Tsiru kemɨtiu'aitaxɨ, Peritsiya kwieyaritsie ti'aitame.

Nɨawari 136:26

Kakaɨyari muyuawitsie makawe pamɨpariyutsi xekenepitɨaka. Mɨkɨ hatsuaku pɨkatatsihayewa tatsinaki'erietɨ.

Kitsariyaxi 41:2

»¿Kemɨ'ane pita'ini 'iya yuheyemekɨ yamɨrayu'iwa tau manatineika kiekame? Mɨkɨ yumamatsie nuiwarite kaniwakuhɨweni, mɨkɨ hɨxie te'aitamete mekaniyuyetuayani. Yu'ixiparakɨ tumuanari kaniwarayeitɨwani, yutupikɨ kaniwata'enitsitɨwani xatsi memɨhɨkɨtɨni hepaɨ.

Kitsariyaxi 44:28

Ne mɨpaɨ nekanaineni Tsiru nemuxatsi wahɨweme kanihɨkɨtɨni, kemɨnetinake mɨkɨ yapɨtikayani, yapɨtitanaki'erieni Kerutsareme manukakitɨarienikɨ, meta tuki tenariyari manukuwewiyanikɨ”».

Kitsariyaxi 45:1

Yawé mɨpaɨ Tsiru katinahɨaweni, menayexei, kemɨ'ane mamaya tserietanatsie mɨtiwierixɨ nuiwarite mɨtiwata'aitɨanikɨ, meta te'aitamete watepɨate mɨwanawairienikɨ, memanutakɨnetsie kiteniete mɨreuyepiexɨanikɨ, meta kiteniete reuyepietɨkaime mɨhayewaxɨanikɨ:

Tanieri 6:25

'Arike ti'aitame Rariyu 'aitsika mɨpaɨ haineme kananayetuani: «Teɨteri yunaitɨ, nuiwarite meta yunaitɨ yɨkɨ xemɨte'uxaxata kwiepa xemɨtama: »Kayuwatɨ xekehexeiyani meta yunaitɨ xekete'ukaxexeiyani.

Kunatsi 1:9

Mɨkɨ mɨpaɨ katiniwaruta'eiya: ―Ne hepɨrayu tewiyari nepɨhɨkɨ, Yawé nekanayexeiyani, Kakaɨyari muyuawitsie makawe, kemɨ'ane haramara meta kwie mutawewi.

'Etsitɨraxi 5:15

Hikɨ Tsiru, Tsetsiwatsaxi katiniuta'aitɨani mɨkɨ naime piinite Kerutsareme tukita mɨtiyetuanikɨ, meta ke'itawewienike hutarieka tuki meripaitɨ hakewa mewekai.

'Etsitɨraxi 6:3

Mexɨakame wiyari ti'aitatɨ, ti'aitame Tsiru 'ikɨ xapa kaniutawewieni Kakaɨyari tukieya Kerutsareme kiekariyaritsie muwe hepaɨtsita: Tuki tenariyari ke'utsutɨarieni, tawarita ke'utawewiyani muwa mawari taiyariyari mɨtiwewiwanikɨ. Xeitewiyari heimana 'atahuta meturuyari pexeiyani mɨpaɨ heutitewatɨ meta mɨpaɨ 'atayeutɨ,

'Etsitɨraxi 6:10

Mɨpaɨ mɨkɨ mepɨyɨwaweni Kakaɨyari taheima makawe mawari memɨwewirieka witsimu'ɨa meta memiwawiriekakɨ ne, ti'aitame, netukari meta neniwema wahetsiemieme.

'Etsitɨraxi 7:12

'Aritakexiketsi, te'aitamete tiwa'aitɨwame, 'Etsitɨraxi nekametini'utɨirieka, pemɨmawari wewiwame meta pemɨti'ɨkitame Kakaɨyari taheima makawe 'aitsikaya hepaɨtsita: Nekameniwaɨritɨaka.

Nehemiyaxi 1:4

Mɨpaɨ netiu'enaka, ne'utatsuatɨ nekanayani, mɨixa tukari neninehiweriekaitɨni, nekaniunehakieni, meta neyunenewietɨ Kakaɨyari muyuawitsie makawe newawirietɨ.

Nehemiyaxi 1:5

Mɨpaɨ nekatinitahɨawe: «Yawé, Kakaɨyari muyuawitsie pemakawe, pemɨmariwe pemayemakaxiwa, 'atɨratu pemaye'atɨwa, 'aixɨa pemɨtiuka'iyari memɨmatsinaki'erie wahetsie meta yamemɨtekahu kepemɨti'aita wahetsiemieme,

Nɨawari 85:2

Pepɨtiwareuyehɨwiri 'ateɨterima 'axamemɨte'uyurikɨ, pepɨrayukatua naime 'axamemɨte'uyurikɨ,

Temaiwawemete 21:1

Ti'aitame 'iyarieya 'aki'utua haa muhane hepaɨ kani'aneni Yawé yatinɨ'akaku, 'itanɨ'awakaku mɨkɨ hakewa meinake.

Keremiyaxi 27:5

Ne, waɨkawa netɨrɨkariyakɨ mumariwekɨ, kwie neputawewi, teɨteri meta yunaime yeutari hetsiena memɨ'uwa, nepɨyɨwe nemuwayetuanikɨ kemɨ'ane hetsɨa mɨnetsinakeni.

Keremiyaxi 29:10

Yawé mɨpaɨ kanaineni: «Kepauka Wawiruniya haika tewiyari heimana tamamata wiyari xemaye'atɨarieni, xehetsɨa nekanenuamɨkɨ, xehetsiemieme kenemutayɨkai nekaneye'atɨamɨkɨ, nemɨxe'atɨanikɨ 'ikɨ kwieyaritsie».

Tanieri 1:21

Mɨpaɨ tiuyɨku Tanieri Wawiruniyatsie kaniuyuhayewa 'atsita Tsiru ti'aitakaku mexɨakame wiyari.