'Etsitexi 9:27 - Kakaɨyari Niukieya

²⁷ hikɨ huriyutsixi mekaniuyu'enieni yuhetsiemieme meta yuniwema wahetsiemieme, para yunaitɨ meyuxewitɨ memitiwewiwanikɨ xeiwiyari 'anuyeyeikakaku memɨkatehayewanikɨ, kemɨreuku'uxa mɨkɨ tukaritsie.

'Etsitexi 9:27 ပူးပေါင်းရင်းမြစ်များ

Tsakariyaxi 2:11

»Mɨkɨ tukaritsie, yuwaɨkawatɨ nuiwarite Yawé mekanitinɨikuni. Mɨkɨ neteɨterima mepakɨne, neta watsata nepuyeikani. »'Ana mɨpaɨ xekatenetimaikuni kename Yawé Naimekɨmɨtɨrɨkaɨye hɨkɨ mɨnetsiheyenɨ'a xehetsɨa.

Kitsariyaxi 56:6

'Ateewa kiekatari Yawé hetsɨa memu'axɨa memɨte'i'uximayatsiriekakɨ, Yawé memɨnaki'eriekakɨ, meta memeyexeiyanikɨ, yunaitɨ mɨkɨ 'uxipiya tukari mema'eriwa kapatsiekame meka'ayeitɨatɨ, meta netɨratutsie yamemɨtekahu,

Kitsariyaxi 56:3

'Ateewa kiekame yɨkɨmana Yawé hetsie mɨtiwiyanikɨ muyuyetua mɨpaɨ pɨka'utaineni: «Yawé yuteɨterima watsata pɨnetsi'anuyeweiya». Meta ti'aitame ti'uximayatsiriwame mɨkaneɨke mɨpaɨ pɨka'utaineni: «Kɨye muwaki xeikɨa nepɨhɨkɨ».

'Etsitexi 8:17

Xexuime kwieyaritsie meta kiekarite mukumanetsie hakewa xapate meye'axekai ti'aitame niukieya, mana temawierika kanixuawekaitɨni mekaniyunɨtɨakaitɨni huriyutsixi 'ixɨarari mewewietɨ. Meyumɨiretɨ hipame kwieyaritetsie teɨteri huriyutsixi mekanayuyeitɨani memamatɨ.

Tsakariyaxi 8:23

»Mɨpaɨ kanaineni Yawé Naimekɨmɨtɨrɨkaɨye: “'Iya tukaritsie yuwaɨkawatɨ mepuxuaweni teɨteri, yɨkɨ memɨte'uniuka yunaitɨ, hipatɨ nuiwarite yunaitɨ, hikɨ xeime huriyu tewiyari kamixaya tetsimeyaritsie mekawɨreme mɨpaɨ mekatenitahɨawikuni: Neuxei tepɨmatsi'anuteɨta. Mɨpaɨ tepɨtehetima kename Kakaɨyari xehamatɨa 'uyeika”».

'Etsitexi 9:21

mɨpaɨ tiwa'aitɨatɨ xeiwiyari 'anuyeyeikakaku memitiwewiwanikɨ 'ixɨarari tamamata heimana nauka tukaritsie meta 'auxɨwirieka tukariyaritsie 'araxi metseriyaritsie,

1 Tsamuheri 30:25

Hikɨ Rawiri 'ana tukaritsie mɨkɨ 'aitsika kaniutsutɨani 'ixaheritsixi wahetsiemieme, hikɨ 'akuxi 'ikɨ tukaritsie mɨkɨ 'aitsika mekanaye'atɨaka.

Kutsuhexi 9:15

Hikɨ Kutsuhexi tɨratu kaniuwewieni waparewienike naimekɨ, yaxeikɨata yakaniutayɨni mɨkawareuyehɨanikɨ. 'Ixaheritsixi wa'ukiyarima yamekaniutiyuani mɨkɨ tɨratu hepaɨtsita.

Hutarieka 'inɨari 5:3

Yawé mɨkɨ tɨratu muwewi tatutsima wahamatɨa pɨkatiuyuri, matsi tahamatɨa pɨtiuyuri, ketapaɨmetɨ hikɨ 'ena temu'uwa.

'Etsitexi 9:20

Hikɨ Maxirukeyu 'ikɨ naime raka'utɨaka kemɨtiuyɨ, xapate kaneutanɨ'axɨani yunaime huriyutsixi wahetsɨa, 'ateewa paitɨ memetitekai wahetsɨa meta 'ahurawa mɨtiuyehanetsie 'Atsuheru mɨra'aitakaitsie,

'Etsitexi 9:28

Para yunaitɨ nuiwarite meta naitsarie kwieyaritetsie meta yunaitɨ teɨteri kiekaritetsie, memaye'eriwanikɨ memitiwewiwanikɨ mɨkɨ tukaritsie xeiwiyari 'anuyeyeikakaku. Mɨkɨ Purimi tukariyari huriyutsixi yamepɨte'itiwewiwanikekai, memɨkaheiyehɨpanikɨ meta waxiɨyarima.

'Inɨatsie 15:15

xekiekaritsie xewitɨ 'aitsika xeikɨa kaniuyeikamɨkɨ 'ahetsiemieme meta 'ateewa kiekame hetsie 'akiekaritsie muka. 'Ikɨ 'aitsika 'anuiwarima wahetsiemieme kanihɨkɨtɨni. 'Ekɨ meta 'ateewa kiekame yaxeikɨa xekani'aneneni Yawé hɨxie.

'Itsɨkate 11:40

mɨpaɨ meteyurietɨ, xeiwiyari 'anuyeyeikaku 'ukari 'ixaheritsixi nauka tukari hiwerika 'ixɨarariyari mekaniutiwewiwakaitɨni, kepauka mumɨ Ketexi niweya 'uka Karaha kiekame hetsiemieme.

Nɨawari 78:7

'Ana mɨpaɨ Kakaɨyari hetsie metewiyatɨ memakɨnekɨ meta kemɨtiuyuri memɨkahatɨtɨmaiyanikɨ, matsi memeye'atɨwanikɨ 'aitsikateya.

Kitsariyaxi 2:3

Teɨteri meyumɨiretɨ mekani'axɨakuni, meta mɨpaɨ mekanitiyuakuni: «Xekenakɨni, Yawé hɨrieyatsie tepanutikɨne, Kakuwu Kakaɨyarieya kie, yuhuye mɨtatsiheta'ɨkitɨanikɨ meta huyetana xeikɨa temuhunikɨ». Karikɨ Tsiyunitsie xeikɨa 'ɨkitɨarika kanayenexɨamɨkɨ, meta Kerutsaremetsie Yawé niukieya.

'Etsekieri 16:61

'Ekɨ pepaye'erieni kepemɨyɨanekai meripaitɨ, pepɨyutitewiya kepauka 'a'iwama nemɨwaranayexeiya, 'akuri meta 'ataru, nepɨmatsiwitɨtɨani 'aniwema memakɨnekɨ, tsepanetɨ tɨratu nemuwewienike 'ekɨ 'ahamatɨa mɨkɨ memɨkaheixeiya.