'Etsitexi 9:25 - Kakaɨyari Niukieya

²⁵ Peru kepauka 'Etsitexi ti'aitame hɨxie mutaniu, mɨkɨ xapatsie mɨpaɨ katiniu'aita kename 'Amani kemɨtiu'aitaxɨ huriyutsixi wahetsiemieme hetsiena tinakekekai, mɨkɨ meta niwemama kɨyetsie mekekaxuiyaxɨanike.

'Etsitexi 9:25 ပူးပေါင်းရင်းမြစ်များ

Nɨawari 7:16

Ke'axamɨtiyuriene yɨkɨmana katiniyukwinitɨamɨkɨ, mu'uyatsie kanikawemɨkɨ kemɨtiukananaima.

Mateu 21:44

Xɨka xewitɨ 'iya tetetsie 'ukaweni pɨtanexɨani, xɨka mɨkɨ teté xeime hetsie 'ukaweni, kwauni xeikɨa pɨtanexɨani».

Nɨawari 141:10

'Axateyuruwamete yuwiniyaritsietɨtɨ meke'uyewɨre, neta newikweitsitɨarietɨ neke'ayani.

Nɨawari 140:9

Memɨnetsi'uweiya wahetsie pɨta kenanunɨ'a 'axamɨti'ane nehetsiemieme memeiyenɨ'akai.

'Etsitexi 7:5

Ti'aitame 'Atsuheru mɨpaɨ 'Etsitexi katiniuta'iwawiya: —¿Kemɨ'ane mɨkɨ pɨhɨkɨ mɨyamɨtiuka'iyari mɨka'uyukatewiya? ¿Hakewa peyeika?

'Etsitexi 3:6

Kepauka 'Amani mɨretima Maxirukeyu hakewa mekiekametɨkai, katiniuhayewa yuxaɨtame 'imienike kanitiwauni yunaime Maxirukeyu teɨterimama wahetsɨa, tatsuari huriyutsixi 'Atsuheru mɨra'aitakaitsie memɨtamakai.

'Etsitexi 7:4

Ne meta neteɨterima tekaniutuiyani temeuyehɨiyanikɨ temɨkwi'iwakɨ teyunaitɨ. Xɨka xeikɨa temɨte'uximayakakɨ te'utuiyanike, ne 'atsinepɨkahainenikeyu, mɨkɨkɨ pɨkaheuyewekakeyu nemɨmatsi'uximatɨaka ti'aitame.

Nɨawari 140:8

Yawé, pepɨkawapitɨaka 'axateyuruwamete memɨtehayu'iwanikɨ, pepɨkawapitɨaka kememɨteku'eriwa mɨpaɨ memɨteyurienikɨ, kapa me'uyuti'ɨrenikɨ.

Kitsariyaxi 22:25

»'Iya tukaritsie ―Yawé mɨpaɨ kanaineni Naimekɨmɨtɨrɨkaɨye― kɨtsunu kanakainimɨkɨ makuweritsie muwe, kanahunariemɨkɨ nanari'ɨaritɨ kanatiwemɨkɨ, naime kemɨre'ikakai ratɨtɨ». Yawé mɨpaɨ kanaineni.

1 Tsamuheri 25:39

Kepauka Rawiri mɨpaɨ mɨretima kename Nawari hemɨkai, mɨpaɨ kaniutayɨni: «Yawé 'aixɨa ketikuxaxatsiwani kemɨtiuyuri, Nawari hepaɨtsita kenemɨtiyurienikekai, Yawé 'aixɨa pɨtiuyuri mati'uximayatsiriwame 'axamɨkatiyurienikɨ, matsi yapɨtiuyuri Nawari yamɨyɨnikɨ ke'axamɨtiuyuri hepaɨtsita». Hikɨ 'ayumieme Rawiri 'Awikahiri hetsɨa niuki kanenɨ'ani, 'iwawirietɨ mitiwitɨnikɨ 'ɨyaya mayanikɨ.

1 Te'aitamete 8:32

'ekɨ keneu'eni muyuawitsie paitɨ meta kemɨtiheitserie ketineuyuri te'a'uximayatsiriwamete wahetsie. 'Uximatɨarika keneupitɨa kemɨ'ane 'axamɨtiuyuri yemekɨ kemɨreuyewetse hetsiena mieme, kemɨ'aneta 'axamɨkatiuyuri keneuxɨna heitserie 'amuyeikakɨ.

'Etsitexi 7:10

Mɨpaɨ katiniuyɨni 'Amani kɨyetsie kaniukawiyani Maxirukeyu hetsiemieme mita'aitakai. Mɨpaɨ katiniuhaxɨapieni ti'aitame mɨha'akai.

Nɨawari 7:17

Yawé nepɨnɨawani 'aixɨa mɨtiuka'iyarikɨ. Yawé 'amutewi nepɨtemawieritɨani kwikarikɨ.

Nɨawari 94:23

Mɨkɨ 'axaxemɨte'uyurikɨ pɨtixe'akapitɨani meta 'axaxemɨteyuriekɨ pɨxeka'una, Yawé takakaɨyari pɨxekwini.

Temaiwawemete 5:22

'Axatiyuruwame yɨkɨmana puyuwiniya 'axatiyurienetɨ, 'axamɨti'ane mɨrexeiya kaunariyari mɨkɨ kanenutahɨaximeni.

Temaiwawemete 26:27

Putsu xɨka 'utawewieni muwa kaneukawemɨkɨ, meta tete 'amɨnena xɨka hakaina yuhetsie kanikahɨamɨkɨ.

'Awiriyaxi 1:15

»'Ari kanehuraniri Yawé tukarieya meye'atɨanikɨ yunaime nuiwarite wahetsiemieme. 'Erumi, kepemɨtiuyuri, yakatiniyɨmɨkɨ 'ahetsie katininakeni 'uximatɨarika.