'Etsitexi 9:15 - Kakaɨyari Niukieya

¹⁵ Huriyutsixi Tsutsa kiekatari mekaniuyukuxeɨrieni tamamata heimana nauka tukariyaritsie, 'araxi metseriyaritsie, 'ana mekaniwarukwini haika tsienituyari teɨteri, peru wapiinite mepɨkatehepi.

'Etsitexi 9:15 ပူးပေါင်းရင်းမြစ်များ

'Etsitexi 9:10

tamamata memɨhɨkɨtɨkai 'Amani niwemama Hamerata nu'aya, huriyutsixi memɨwaraye'uniekai. Peru piiniteya mepɨkatehepi.

'Etsitexi 8:11

Ti'aitame niukieya huriyutsixi kaniwarupitɨani memuyukuxeɨrienikɨ meta memuyukɨhɨanikɨ kemɨ'ane memɨwatakwini, para memɨwakwinikɨ tsepa kemɨ'ane kwieyaritsie kiekatari xɨka mewakwikuni wa'ɨitama, watɨɨriyama meta wapiinite yupiinite memɨte'ayeitɨanikɨ.

Hepɨrayutsixi 13:5

Mɨpaɨ xeketeneu'uwani tumini xekahiwe'erietɨ, xekenenaki'aka xeheixeiyatɨ tita xemɨtehexeiya. Mɨkɨ kanihɨkɨtɨni kemɨ'ane mɨpaɨ mutayɨ: «Ne yemekɨ 'axaɨtame nepɨkamatsihayewani, nepɨkamatsiku'erieni hatsuaku».

1 Tetsarunikatari 5:22

tinaime 'axamɨti'anene tsepa kemɨ'ane xeketeneuhayewa.

'Etsitexi 9:16

Metatsiere, huriyutsixi kwie mamanetɨkatsie ti'aitame mɨra'aitatsie mekaniuyukuxeɨriexɨani yuhetsie memɨtanuanikɨ memɨwaraye'unie wahepaɨtsita. Haika tewiyari heimana tamamata heimana 'auxɨwi miriyari memɨwaxani'eriekai mekaniwarukwini, mɨkɨta wapiinite mepɨkatehetɨ.

'Etsitexi 9:13

'Etsitexi mɨpaɨ kaniutayɨni: —Ti'aitame xɨka matsinakeni, huriyutsixi Tsutsa kiekatari keniwarupitɨa 'uxa'ake memɨtetahayewakɨ hikɨ mieme kepemɨtiwarupitɨa, meta keniwarupitɨa tamamata 'Amani niwemama kɨyexitsie memɨkaxuiyaxɨanikɨ.

'Etsitexi 9:2

'Atsuheru mɨra'aita memɨte'awiya, huriyutsixi mekaniyuxeɨriekaitɨni yukiekaritsie memɨwatakwinikɨ 'iya memɨwaraye'uniekai. Nixewitɨ mɨwatakwinikɨ pɨkayuwaɨriyakai yunaitɨ mepɨmamakai.

'Etsitexi 9:12

'uka ti'aitame 'Etsitexi mɨpaɨ katiniutahɨawe: —Huriyutsixi 'auxɨwime tsienituyari memɨwarukwi, meta tamamata 'Amani niwemama Tsutsa kiekariyaritsie, matsi kiekari mamanetɨkatsie kememɨteheyurie. Kenetineutaxatɨa titapereuyehɨwa, yanepɨtikayani. ¿Tita tawarita pereuyehɨwa? Yapɨtiyɨni kepemɨtayɨni.

'Etsitexi 9:14

Ti'aitame mɨpaɨ katiniuta'aita. Tsutsa kiekariyaritsie xapa kaniyetuiyani, tamamata me'aye'ukame 'Amani niwemama kɨyexitsie memɨkaxuiyaxɨanikɨ.