'Etsitexi 9:14 - Kakaɨyari Niukieya

¹⁴ Ti'aitame mɨpaɨ katiniuta'aita. Tsutsa kiekariyaritsie xapa kaniyetuiyani, tamamata me'aye'ukame 'Amani niwemama kɨyexitsie memɨkaxuiyaxɨanikɨ.

'Etsitexi 9:14 ပူးပေါင်းရင်းမြစ်များ

'Etsitexi 9:13

'Etsitexi mɨpaɨ kaniutayɨni: —Ti'aitame xɨka matsinakeni, huriyutsixi Tsutsa kiekatari keniwarupitɨa 'uxa'ake memɨtetahayewakɨ hikɨ mieme kepemɨtiwarupitɨa, meta keniwarupitɨa tamamata 'Amani niwemama kɨyexitsie memɨkaxuiyaxɨanikɨ.

'Etsitexi 9:15

Huriyutsixi Tsutsa kiekatari mekaniuyukuxeɨrieni tamamata heimana nauka tukariyaritsie, 'araxi metseriyaritsie, 'ana mekaniwarukwini haika tsienituyari teɨteri, peru wapiinite mepɨkatehepi.

'Inɨatsie 24:20

Warami 'Amareki 'uxeiyaka mɨpaɨ kaniutayɨni: «'Amareki mexɨakame nuiwari kanihɨkɨtɨni, peru 'imatɨrieka naitɨ kanika'unariemɨkɨ».

'Etsitɨraxi 7:13

Mɨpaɨ nepaine kemɨ'ane 'ixaheritsixi memeɨkɨnikuni Kerutsareme 'ahamatɨa memɨyehukɨ mepɨyɨwawe, tsepa mawari wewiwamete meta rewitsixi meyunaitɨ.

'Etsitexi 7:9

Kaxiwuna titewatɨ ti'aitame ti'uximayatsiriwame, mɨpaɨ kaniutayɨni: —Kɨye 'Amani kie kaneweni huta tewiyari heimana tamamata tsikuriyari 'utewitɨ. Mita'aitakai Maxirukeyu hetsiemieme meripaitɨ 'ahetsie mutanua. Ti'aitame mɨpaɨ katiniuta'aita: —Mana xekenekaxu'i.

'Etsitexi 7:10

Mɨpaɨ katiniuyɨni 'Amani kɨyetsie kaniukawiyani Maxirukeyu hetsiemieme mita'aitakai. Mɨpaɨ katiniuhaxɨapieni ti'aitame mɨha'akai.

Temaiwawemete 12:7

'Axateyuruwamete mepatixɨrɨwe tawari hatsuaku mepɨka'anuku'uwe, matsi heitseriemekɨ yamemɨtekahu waniwema 'amepu'uwani yuheyemekɨ.

Ti'ɨkitame 6:3

Tewi xɨka warexeiyani xeitsienituyari yuniwema, meta mɨixa wiyari 'uyeikatɨ, tsepa kepaɨmexɨa muyeikani xɨka kayukatemawiwani 'aixɨa mɨti'anekɨ, meta xewitɨ ka'ikateuku, matsi 'aixɨa kani'aneni nunutsi mɨtinuiwa mukitɨ keyuri mɨkɨ.

Karatsiyatari 3:13

Kɨritsitu 'ari kataniunaneni, kataniuxɨna temɨkaxani'eriwanikɨ 'inɨari niukiyari kemaine hepaɨ. Mɨkɨ pɨta kaniutixani'eriwa tahetsiemieme, kemɨre'uxa: «Yunaitɨ kɨyetsie memɨkawɨtɨarieni mekanixani'eriwani».