'Etsitexi 6:11 - Kakaɨyari Niukieya

¹¹ Hikɨ 'Amani 'ixuriki 'anuhurieka meta kawayu 'anuhanaka, Maxirukeyu katiniutikemaritɨani, kawayutsie 'anakaime kiekaritsie 'ehanatɨ kaniuyeikakaitɨni, mɨpaɨ 'utaitɨ: «Mɨpaɨ kani'itɨariwani tewi ti'aitame 'aixɨa mɨtixeiya».

'Etsitexi 6:11 ပူးပေါင်းရင်းမြစ်များ

Rukaxi 1:52

Kwiepa te'aitamete kaniwarunawairieni tita memɨte'aita, mɨkɨ tixaɨ memɨkatehɨme pɨta kaniwaruhɨritɨani waɨkawa.

Matsiɨkɨtɨ kemɨratɨa 3:9

Kamɨtsɨ mɨpaɨ nepɨtiwapitɨaka mɨkɨ Kauyumarie tukitana memɨmiemete, mɨkɨ huriyutsixi teɨteriyari memɨte'uyuterɨwa peru memɨkahɨkɨ, memɨte'itawa xeikɨa, kamɨtsɨ mɨkɨ nepɨwarahapani, me'a'iwarieme memɨtihɨxima'unikɨ 'ahetɨa. 'Ana mɨpaɨ mepɨtehetimani, nemɨmatsinaki'eriekɨ 'ekɨ.

Kitsariyaxi 60:14

'Ahɨxie mepɨkahɨxima'uni kemɨ'ane waɨriyarika memɨxete'aitɨakai waniwema, yunaitɨ kemɨ'ane memɨmatsixani'erie 'a'ɨkatɨa mepɨtihɨxima'uni, “Yawé Kiekarieya” mepɨmateterɨwa, “Tsiyuni Mɨpatsie 'Ixaheri hetsiemieme”.

'Etsitexi 9:3

Yunaitɨ naitsarie kwieyaritsie te'uximayatamete meta ti'aitame parewiwamete, kuwexinaruritsixi, huriyutsixi mekaniwaparewiekaitɨni, Maxirukeyu memakatɨ.

'Etsitexi 8:15

Maxirukeyu kaniwayeyani ti'aitame hɨxie 'aixɨa rekemaritɨ muyuawi, mutuxa meta huru kurunayari 'ayeukame 'anamatɨ, meta rinu 'ixurikiyari taɨraɨyeme 'anatatɨtɨ. Tsutsa kiekariyaritsie mekaniutihiwakaitɨni meyutemamawietɨ.

'Etsitɨraxi 6:13

Merikɨte kuwexinaruri Tatenahi 'Eupɨrate 'anutaɨye mɨti'aitakai tau makayuyuipike hepatsie, meta Tsetaxi-Wutsinahi meta wa'iwama, ti'aitame Rariyu kemɨtiwaru'aitɨa mɨpaɨ metenaye'atɨani kemɨre'ukai.

'Etsitexi 6:10

Ti'aitame 'Amani mɨpaɨ katiniutahɨawe: —Yapauka kenemie 'ixuriki pe'ahurietɨ meta kawayu pe'ahanatɨ yaketineuyuri kepemutayɨ, Maxirukeyu huriyu tewiyari ti'aitame kitenie mutaka. Pepɨkaratɨtɨmaiyani nixeiniukiyari tɨma naimekɨ kepemutayɨ yaketineuyuri.

'Etsitexi 6:12

Maxirukeyu kaninuani ti'aitame paratsiyu kitenie, 'Amani yukieta kanakunuani yumexɨitɨatɨ, nutuixietɨ heuyutinatɨ yɨhɨxie.

Temaiwawemete 27:18

Kemɨ'ane piní 'iteɨriyari mɨ'ɨwiya mɨkɨ takariyari kanikakwaimɨkɨ, kemɨ'ane 'aixɨa mɨti'uximaya yukutsiyari hetsɨa, matsi 'aixɨa katinixeiyariekamɨkɨ.