'Etsitexi 4:1 - Kakaɨyari Niukieya

¹ Kepauka Maxirukeyu mɨretima kemɨtiutainekai, yukamixa kaneukatsana, hiwerika kamixayari kananakatɨni meta naxi kaniuyukawiwirieni, kiekaritsie kaniuyeikakaitɨni karima 'utatsuatɨ.

'Etsitexi 4:1 ပူးပေါင်းရင်းမြစ်များ

Tanieri 9:3

Hikɨ 'ana nekaniuyutinenewietɨyani meta Yawé nekakaɨyari yanekatinahɨawekaitɨni. Neyunenewietɨ 'akuxita nekaniyuhakieni meta hiwerika kamixayari nekananakatɨni, meta naxipa nekaniutayerɨni.

Kuwi 42:6

'Ayumieme, kenemutayɨ tawari mɨpaɨ nepɨkatayɨni, kenetineuyehɨwiri 'ena ne'ukaitɨ nepaine tumuanaritsata meta naxitsata».

2 Tsamuheri 13:19

Hikɨ naxi yumu'utsie heutiwiwieka meta yukamixa heukatsanaka, yumu'utsie heutimetɨ huyeta kaneyani 'utatsuatɨ karima.

2 Tsamuheri 1:11

Hikɨ Rawiri meta hamatɨana memɨti'ukai me'u'enanaka, yukamixa mekaneukatsanaxɨani hiwerikakɨ.

Kuwi 2:8

Kuwi naxi hixɨapa 'ukaitɨ, xari tarimeyarikɨ yukaherɨkatɨ katiniuyeixakaitɨni.

Nɨ'ariekate 14:14

Me'u'enanaka nɨ'ariekate Werunawe meta Papuru, yu'ixuriki metitsanatɨ me'unautsaxɨaximetɨ mekaniu'axɨani teɨteri wahetsɨa me'utihiwatɨ, mɨpaɨ me'utiyuatɨ:

Mateu 11:21

Mɨpaɨ kaniutayɨni: «Xɨa'ui, Kuratsini kiekatari. Xɨa'ui Wetsaira kiekatari. Tirutsie meta Tsirunitsie xɨka mariwemekɨ tiuyɨnike kemɨtiuyɨ xehetsɨa, mana kiekatari meripaitɨri mepɨte'uhayewake kememɨteyuriekai, waɨkawa mepɨyuheiweriekakeyu maixa me'anakatɨtɨ heiwerika 'inɨariyari, naxi meyukawiriwatɨ.

Tsupuniyaxi 1:14

»Yawé haxɨaya tukariyari paye'axime, kanaye'aximeni yapauka. Yawé tukarieyatsie pɨ'enierieni kwinimieme memɨte'uka'eniwa hiwariyari, meta kemɨ'ane mɨkama 'ana kanitatsuamɨkɨ.

Mikeyaxi 1:8

'Ayumieme nekanititsuamɨkɨ meta kukuiniyakɨ nekaniutahiwamɨkɨ, neheumamawetɨ 'anepuyeikani meta neheumawetɨ. Yawi mayu'eriya hepaɨ nekatiniutsuakamɨkɨ, 'aru 'amɨnena hepaɨ nekatiniutsuakamɨkɨ.

'Etsekieri 21:6

»'Ekɨ, tewi pemunu'aya, yunaime wahɨxie 'a'iyaritsie petiuka'eniwatɨ karima keneutatsua.

Kitsariyaxi 58:5

Mɨkɨ hakiya ne nemenayexei xeitukari xeikɨa pɨkamieme para tewi mɨtiuka'eniwanikɨ yuwaiyaritsie, manakatutsirekɨ xeikɨa haka hatɨa mieme hepaɨ, hiwerika kamixayari manakatɨnikɨ meta naxi muyukawirienikɨ. Xeme mɨkɨ hakiya xepɨte'uterɨwa, meta Yawé tukari minake.

Kitsariyaxi 22:4

'Ayumieme mɨpaɨ neputayɨ: «Nexaɨtame xekeneneuhayewa, nekanitatsuamɨkɨ netiuka'eniwatɨ. Waɨriyarika xepɨkanetsikunɨtɨwani: Nekiekari niweya kaniuka'unarieni».

Kitsariyaxi 15:4

Hetsiwuni meta 'Eraré karima mekaniutihiwani, Yahatsa mɨrakutewatsie paitɨ kana'eniɨriɨkɨni wahiwari. 'Ayumieme memɨkamama muhawitsixi mekaniutihiwani, peru mekaniutiyɨyɨakani marikakɨ.

Kuwi 1:20

Hikɨ mɨya tiu'enaka, Kuwi nanukukeni yukamixa kaneukatsana, yumu'u kaniukaherɨka, meta kwiepa kaniuka hɨximakeni nenewieri wewienike.

'Etsitexi 4:3

Naitsarie mɨra'aitakaitsie kiekaritetsie, mana waɨkawa huriyutsixi mekaniyuhakiekaitɨni mete'uka'eniwatɨ me'utitsuatɨ. Mɨkɨ yuwaɨkwatɨ hiwerika kamixayari me'anakatɨtɨkaitɨ, naxipa mekanitihipitekaitɨni.

Kutsuhexi 7:6

'Ayumieme, Kutsuhexi yukamixa kaneukatsana kaniutihɨximakeni Yawé tɨratu kakuniyari hɨxie. Mekaneweiyakaitɨni 'ixaheritsixi wa'ukiyarima, yaxeikɨa me'anenetɨ meyuheiwerietɨkaitɨ mekaniutihɨxima'uni, taikaike mekananuku'uni.

Tsutɨarika 27:34

Kepauka 'Etsahu mu'enaxɨ paapaya kemainekai karima kaniutatsuani yuhiwerietɨ, mɨpaɨ yupaapa katiniutahɨawe ha'atɨ: —Ne waɨkawa nepɨmatsiwawirie, nepaapa 'aku, Kakaɨyari keneutawawiri nehetsiemieme neta 'aixɨa mɨnetsiyurienikɨ.

Matsiɨkɨtɨ kemɨratɨa 11:3

Neri yuhutame nekaniwarexeiyani tehekɨatamete, mɨkɨ kememɨte'unenierixɨ mɨpaɨ memɨtekuxatanikɨ xeimiriyari heimana huta tsienituyari heimana haika tewiyari tukari, hiwerika kamixayari me'anakatɨtɨkaitɨ».

'Etsitexi 4:2

Paratsiyuta mepɨkapitɨariekai hiwerika kamixayari me'anakatɨtɨkaitɨ, ti'aitame kitenie xeikɨa kaniye'axekaitɨni.

Tsutɨarika 37:34

Hikɨ Kakuwu hiwerikakɨ yukamixa kaneukatsana, mɨyuhiwerie hepaɨ katiniuyukemaritɨani, mɨixa pɨyuhiweriekai yuniwekɨ.

Kitsariyaxi 37:1

Kepauka ti'aitame 'Etsekiyaxi mɨpaɨ mɨtiu'enaxɨ, yukamixa kaneukatsana, hiwerika kamixayari 'anakatɨka Yawé tukita kaneyani.

Kitsariyaxi 37:2

Metatsiere 'Eriyakini paratsiyuta mɨti'aitametɨkai, meta kemɨtiuyɨ ti'utɨwame Tsewina metatasiere 'ukirawetsixi mawari wewiwamete kaniwarenɨ'ani, yunaitɨ mɨkɨ hiwerika kamixayari me'anakatɨtɨkaime, Kakaɨyari niukameya Kitsariyaxi 'Amuxi nu'aya hamatɨa memɨtehetixatakɨ.

'Etsekieri 21:11

Putamerɨkariyarieri meta patamɨarie, 'aixɨa pɨ'aneri mɨtiyumemiwa mɨkweitɨarienikɨ.