'Etsitexi 2:12 - Kakaɨyari Niukieya

¹² Hikɨ ti'aitame 'Atsuheru hetsɨa meutahanikɨ, tamamata heimana huta metseri kaniyurimɨkɨ 'aixɨa yuyurietɨ kemɨre'uxa: 'ataxewime metseri mixaxi hatseitiyarikɨ meta 'ataxewime metseri witsimu'ɨatɨkakɨ kaniyu'uayemakamɨkɨ.

'Etsitexi 2:12 ပူးပေါင်းရင်းမြစ်များ

Kitsariyaxi 57:9

Muruki hetsɨa pepanɨtɨa, huriwa hatseitiyari pepeihaniri, witsimu'ɨatɨka 'ahetsiemieme peputimɨiriyaxɨ. 'Ateewa pepɨwarenɨ'a 'anɨ'arima, meta mɨki teukiyata pepuwareukanɨ'a.

Temaiwawemete 7:17

Nemukahuputsie witsimu'ɨa nekaneukawirieni, mixaxi witsimu'ɨa, 'aruhe meta kanera.

Kwikari 3:6

¿Titatihɨkɨ makumawetsie mɨretineika kɨtsi 'amuweni hepaɨ tiyuxexeiyatɨ, mixaxi meta 'ɨkwa witsimu'ɨa tsata, meta waɨkawa witsimu'ɨatɨka nɨtɨ?

'Etsitexi 2:3

Ti'aitame kiekari mukumanetɨkatsie kewaru'uitɨani memɨwatiwaunikɨ, 'ukari witsimemɨte'ɨimarixi memɨwakuxeɨrienikɨ, Tsutsa kiekariyaritsie 'ukarawetsixi wakiita. Mɨkɨ Kekahi meke'uhɨritɨani mɨwa'ɨwiyanikɨ, ti'uximayatame mɨkaneɨke ti'aitame hetsiemieme 'ukarawetsixi wahɨwemekɨ ti'aitame hetsɨa miemete, kewaruti'uayemani witsimemɨteyuxexeiyanikɨ.

'Etsitexi 2:9

'Etsitexi Kekahi 'aixɨa katinixeiyakaitɨni. 'Ayumieme mɨkɨkɨ kaniuyukumexɨitɨani witsimɨtiyuxexeiyanikɨ 'uayete katinimikwakaitɨni meta 'ikwai 'aixɨa ti'anenekame. Kaniwaranuyehapani 'atahuta 'ukari memita'ɨwiyanikɨ mete'i'uximayatsirietɨ, paratsiyuta 'ɨimarixi 'aixɨa memɨ'anene, meta muyekukutsuni 'aixɨa tiuye'anekame kaniuxatɨarieni 'ukarawetsixi wakiita.

'Etsitexi 2:11

Maxirukeyu yakatiniutiyeikakaitɨni hareni hɨxie, timaimɨtɨ 'Etsitexi kemɨraka'iyuniwakai meta kememɨte'ixeiyakai.

'Etsitexi 2:13

Mɨkɨ naime raye'atɨame, 'uka ti'aitame hɨxie kaniyuhekɨatamɨkɨ, kaniyɨwemɨkɨ hareni timieme mɨrepini paratsiyupaitɨ, tita mɨreuyehɨaka.

Kitsariyaxi 3:24

Witsimɨtiu'ɨakai katinitikuri'ɨakaxɨamɨkɨ, hɨiyame kaunari pɨhɨkɨtɨni, mepɨkahunixɨani witsimemɨteyutsikeniyari, hiwerika kamixayari mepanakatɨni witsimɨ'anene memanakatɨkɨniyari, mepuyutetewiyani witsimemuyukuyuruwaniyari.