'Etsitexi 10:3 - Kakaɨyari Niukieya

³ Huriyu tewiyari Maxirukeyu mariwetɨ kanayani yuteɨterima wahetsiemieme, hutarieka mieme ti'aitame kanayani 'Atsuheru 'utɨa. Yumɨiretɨ 'aixɨa mekatenixeiyakaitɨni, yuteɨterima mɨwaparewieka minakekaikɨ 'aixɨa 'anemekɨ memu'uwanikɨ.

'Etsitexi 10:3 ပူးပေါင်းရင်းမြစ်များ

Nehemiyaxi 2:10

Peru Tsamɨwarati huruni tewiyari meta Tuwiyaxi 'amuni tewiyari ti'uximayatame, pɨkawarunakixɨ mɨpaɨ mete'u'enanaka kename xewitɨ nuakai 'ixaheritsixi wahetsie tanuanike.

Xumatari 14:18

Kemɨ'ane mɨpaɨ tiyurienetɨ mɨti'uximaya Kɨritsitu hetsiemieme, Kakaɨyari kaninaki'akamɨkɨ mɨkɨ hepaɨtsita, teɨterita mekaneitimaikuni 'aixɨa kemɨtiyuriene.

Xumatari 10:1

Ne'iwama, ne'iyarikɨ 'ipaɨ nepɨreixeiyanikeyu, 'ipaɨ nepɨtiwawirie Kakaɨyari mɨkɨ 'ixaheritsixi wahetsiemieme, memɨtawikweitsitɨarienikɨ.

Tanieri 5:29

Hikɨ Weritsatsaxi katiniuta'aita Tanieri 'ixuriki mɨyɨtsikimaɨyekɨ mɨtikemaritɨarienikɨ, huru kukayari makatɨtɨarienikɨ meta hairieka mieme kuwexinarurikɨ manayexeiyarienikɨ.

2 Kemɨtiuyɨ 28:7

Tsikɨri, 'Epɨrahini kiekame mɨtɨrɨkaɨye kuya, Matsehiyaxi kaniumieni, ti'aitame nu'aya, meta 'Atsirikani, ti'uximayatame paratsiyu mɨhɨritɨariekai, metatsiere 'Erikana, mɨkɨ ti'aitame 'utɨma tɨrɨkariya pexeiyakai.

Tsutɨarika 41:40

'Ekɨ nepɨmatsihɨritɨani nemɨra'aitatsie, neteɨterima yamepɨtekakɨne 'ekɨ petiwa'aitɨakaku. Ne xeikɨa matsi nemɨmariwe nepɨhɨkɨtɨni, nemɨti'aitamekɨ.

Tanieri 5:16

Mɨpaɨ nepɨtikɨhɨawarɨwa kename 'ekɨ petihekɨatawe meta kename mɨtikwaniwetɨka 'aixɨa perakayuruwa. Xɨka pehekaterɨwa meta pe'itahekɨata huta kemɨre'uxa, 'ixuriki mɨyɨtsikimaɨye nepɨmetsi'anakatɨtɨani, huru kukayari nekamenakatɨtɨamɨkɨ, meta hairieka mieme kuwexinarurikɨ nekamenanukakemɨkɨ.

'Etsitexi 3:2

Yunaitɨ te'uximayatamete paratsiyu kitenie miemete ti'aitame muwayekatsie, mekaniukatunuma'uwekaitɨni 'Amani hɨxie, mariweme mekanayeitɨwakaitɨni, ti'aitame mɨpaɨ mɨtiu'aitakaikɨ. Peru Maxirukeyu hɨxiena pɨka'ukatunumakiekakai meta mariweme pɨka'eriekai.

1 Tsamuheri 23:17

Mɨpaɨ katinitahɨawe: «Pepɨkaheumaka, nepaapa pɨkayɨwekaxɨani mɨmatsimieni. 'Ekɨ 'Ixaheri kwieyaritsie ti'aitame pepayani, neta 'a'aurie mutikeni nepayani. 'Ikɨ hepaɨtsita nepaapa katinimaikari».

Tanieri 6:3

Tanieri matsi waɨkawa kaniyɨwekaitɨni 'aixɨa katini'uximayakaitɨni, ti'aitame tiniku'eriwakaitɨni nenuyeyenikekaitɨni naime mɨra'aitatsie.

Tsutɨarika 45:10

Kutseheni mɨrakutewatsie xepɨkuteni, 'ekɨ 'aniwema 'amu'e'ema watewama xepiini naitɨ. Mana hurawa pepukani.

Tsutɨarika 45:11

'Auxɨwime wiyari pɨhaakaxatɨni 'akuxi, peru ne 'ena nepɨxeparewieka 'ikwai xemexeiyanikɨ. Mexɨka mana xeheyuhayewani Kanani kwieyaritsie, naime xepɨteheuyehɨani yupiinite’ ”.

1 Tsamuheri 18:16

Hikɨ 'Ixaheri kwieyaritsie meta Kura kwieyaritsie kiekatari waɨkawa Rawiri mekaninaki'eriekaitɨni, mɨkɨ manuyeka mɨhɨkɨtɨkaikɨ.

'Etsitexi 2:5

Tsutsa kiekariyaritsie niukateitɨni xewitɨ huriyu tewiyari Wenikamini nuiwarieya hetsiemieme, Maxirukeyu titewatɨ Yahixi nu'aya, Tsimi teukarieya, Kihitsi tutsieya,