'Etsitexi 1:19 - Kakaɨyari Niukieya

¹⁹ »Tamɨtsɨ xɨka matsikunanakeni, xapa pemɨtawewieni mana mɨraka'utsieni xewitɨ pɨkayɨweni mipatanikɨ Peritsiya meta Meriya 'inɨari niukiyari kemɨre'uxa: kename 'ahɨxie ti'aitame 'Atsuheru hatsuaku Watsiti kaheyuhekɨatani, meta 'uka ti'aitame kemɨtihɨritɨariekai xewitɨ pɨta ke'anukakeni matsi 'aixɨa tiuka'iyaritɨ.

'Etsitexi 1:19 ပူးပေါင်းရင်းမြစ်များ

'Etsitexi 8:8

Hikɨta xapa xekeneutawewi, ne kename nehaine, huriyutsixi wahetsiemieme kemɨxetinake, xekeneutseyuma ne nehanirakɨ. Xapatsie raka'utɨariekame kename ne nehaine meta tseyumariekame nehanirakɨ, 'anari xewitɨ mikupatani pɨkayɨweni.

1 Tsamuheri 15:28

Merikɨte 'ayumieme Tsamuheri mɨpaɨ katinitahɨawe: —Yawé hikɨ kwitɨwa mɨpaɨ pɨmatiutsaniri 'Ixaheri kwieyari pemɨra'aitatsie, 'aixɨa tiuka'iyarime pɨyetuiri pɨta.

'Etsitexi 8:5

mɨpaɨ kaniutayɨni: —Xɨka 'aixɨa penetimaika, xɨka 'aixɨa 'aneni keneyutemawieka nehamatɨa, mɨpaɨ ketineu'aita mɨkahaye'atɨarienikɨ huriyutsixi memɨkwi'iwakekai pemɨra'aitatsie naitsarie, 'Amani miti'utɨa Hamerata nu'aya, 'Akaki nuiwarieya.

Tanieri 6:17

Hikɨ tete 'ayeukame mekani'atɨani mɨkɨkɨ mekateneunani putsu tenie. Ti'aitame yuhanirakɨ kaneitseyumani meta 'iparewiwamete watseyukɨ, memeye'atɨanikɨ 'aitsika kemaine Tanieri hetsie.

'Etsitexi 3:9

Xɨka matsinakeni xapa keneutawewi raka'ukame memɨkwi'iwakɨ, ne nekaniyetuamɨkɨ te'uximayatamete wahɨxie haika tsienituyari heimana xeitewiyari heimana tamamata miriyari (330.000) kiruyari pɨrata, tumini mɨwati'utsiwa mɨyuhayewakɨ.

1 Te'aitamete 3:28

Yunaitɨ mekatenetimani 'ixaheritsixi teɨteriyari, kemɨtiwarunɨtsiri mɨkɨ 'ukari, mariweme menayeitɨakaitɨni, metemaitɨ Kakaɨyari mɨtimaiwenikɨ mipitɨakaikɨ heitserie hipame muwapitɨakakɨ.

'Etsitexi 1:21

Ti'aitame meta hetsɨana memɨte'uximaya mɨkɨ 'ɨxatsi kaniwarunake, mɨpaɨ katiniuyurieni Memukani kemainekai,

'Etsitexi 1:18

Kepauka 'ukirawetsixi wa'ɨitama Peritsiya meta Meriya kiekatari memɨtehetimani 'uka ti'aitame kemɨtiuka'iyari, yaxeikɨa mekateniwa'eiyakuni 'ahetsɨa memɨteta'uximayata. Peru mɨkɨ pɨkareuyunuani tenanaimarietɨ.

'Etsitexi 2:1

Mɨixa tukari 'anukayaku, ti'aitame 'Atsuheru 'uhaxɨapieka, kanaye'erieni Watsiti kemiyuriekai meta kemɨtiuyuriekai kemɨtiuxatsiekai hetsiena mieme.