'Etsitexi 1:12 - Kakaɨyari Niukieya

¹² Peru kepauka te'uximayatamete 'uka mɨpaɨ memɨte'utahɨawixɨ ti'aitame kemɨtiwareta'aitɨakai, peru 'uka ti'aitame pɨka'uyuwaɨri mɨyemiekɨ hetsɨana. Ti'aitame 'ana matsi waɨkawa kaniuyeha'ani.

'Etsitexi 1:12 ပူးပေါင်းရင်းမြစ်များ

Temaiwawemete 19:12

Maye mahiwa hepaɨ kani'aneni ti'aitame haxɨaya, kepauka mɨkɨ muyutemawie 'ɨxa mɨhatuiyarie hepaɨ kani'aneni.

1 Pekuru 3:1

'Ukari yaxeikɨa, yaxeketenekahuni kememutiyuane xekɨnama, mɨpaɨ xeteyuriekaku, tsepa hipatɨ yamemɨkatekahu niuki kemaine, wa'ɨitama 'aixɨa 'anemekɨ xe'u'uwakaku yuri mepɨteta'eritɨarieni 'atsixeka'utiyuanekaku,

'Epetsutari 5:24

Memɨyutixexeɨriwa yamekatenikahuni kemɨti'aita Kɨritsitu, yaxeikɨata 'ukari yameketekahuni kememaitɨka wakɨnama naimekɨ.

'Epetsutari 5:22

'Ukari yaxeketenekahuni xekɨnama kememaitɨka, yaxeikɨa kexemɨtekahu Ti'aitame ti'aitakaku.

Nahumi 1:6

¿Kemɨ'ane pɨyɨwe mɨtiunewieni haxɨaya hepaɨtsita? ¿Kemɨ'ane putawikweiwe haxɨaya mɨtiyukukuinetsie? Haxɨaya tai hepaɨ katiniyukukuineni, hɨxiena tetexi kanititarikeni.

Tanieri 3:13

Nawukurunutsuxi waɨkawamekɨ ha'atɨ katiniwarutanɨ'airieni. Kepauka mɨkɨ temari ti'aitame hɨxie memu'axɨa,

Tanieri 2:12

Ti'aitame waɨkawamekɨ kaniuyeha'ani muyuawitsie timiemekɨ memɨteyɨ'ɨkitɨa waniukikɨ kememɨte'itahɨawekai, katiniuta'aita temaiwawemete yunaitɨ Wawiruniyatsie memɨtamakai memɨkwi'iwakɨ.

Temaiwawemete 20:2

Ti'aitame kepauka mɨha'a maye muyutahaxɨatɨwa hepaɨ kani'aneni, kemɨ'ane miyehaxɨatɨani tukarieya pukweriwa'aneni.

Nɨawari 79:5

¿Yawé, kepaukake tamɨ? ¿Kamɨtsɨ 'aheyemekɨ petiha'aka? ¿'Ahaxɨa kamɨtsɨ tai hepaɨ tiutataweni?

Nɨawari 74:1

Kakaɨyari 'aku, ¿titayari petatiuku'eiri yuheyemekɨ? ¿Titayari waɨkawa petiuyeha'a 'amuxatsima wahepaɨtsita?

Hutarieka 'inɨari 29:20

Mɨkɨ Yawé pɨkareiyehɨwirieni. Kakaɨyari haxɨaya meta 'ɨtetsarikaya hetsiena kaniye'amɨkɨ. Naitɨ 'axamɨti'ane 'ikɨ xapatsie maye'uxa hetsiena katininakimɨkɨ, Yawé yapɨtiyurieni memɨkumawerekɨ yunaitɨ nuiwarimama.

Memeyekɨ 32:22

'Aruni mɨpaɨ katinita'eiya: —Neuxei ne'iwa, pepɨkaha'aka, 'ekɨ pekatinimaika 'ikɨ teɨteri 'axamepɨte'u'iyari xeikɨa.

Memeyekɨ 32:19

Kepauka Muitsexi hɨritsie 'akaneka munua mematiteitsie meta kepauka tsikeru muxei meta teye'amete, kaniuyeha'ani waɨkawa, mɨkɨ tetexi ma'ɨkai kaneixɨrieni, kaniutitare 'etsipepetɨ kaneutaxɨriexɨani hɨritɨa.

Tsutɨarika 3:16

Meta 'uka mɨpaɨ katiniutahɨawe: «Kukuiniya nepɨtimɨiriya kepauka pemɨtiniweyanitsie, matsi 'akɨna pepinaki'erieka, mɨkɨ mati'aitɨwame payani».

Tanieri 3:19

Tsatɨraki, Metsaki meta 'Awenekuxi, Nawukurunutsuxi waru'enieka kememutiyua matsi waɨkawa kaniuyeha'ani, yunierika kaniupata wahepaɨtsita mieme. Hikɨ katiniuta'aita huxunu 'atahutamexɨa mɨtaxɨriyarienikɨ kememɨkate'itaxɨriyakai,

'Etsitexi 1:11

hɨxiena mekehewitɨnike 'uka ti'aitame 'anakuruname, 'auriena makanikɨ witsitiyuxexeiyatɨ memɨwaxeiyanikɨ teɨteri meta te'aitamete, mɨkɨ yemekɨ witsitini'ɨimarikaitɨni.

'Etsitexi 1:13

Yapauka ti'aitame temaiwawemete kaniwarutakwewieni 'inɨari niukiyari memakumate, 'ana mɨpaɨ tiniɨyɨximekaitɨni kepauka ti'aitame 'aixɨa mɨtiyurieni, mɨkɨ kaniwaruti'iwawiyakaitɨni temaiwawemete.

'Etsitexi 7:7

Ti'aitame kananukukeni waɨkawa ha'atɨ, kananuyeyani makutsiɨraɨyetsie paratsiyuta 'ietɨ tiuhayewaka. Peru 'Amani retimaika kename ti'aitame kareiyehɨwirienikekai, kaniuyuhayewa 'uka ti'aitame 'Etsitexi tawawirienike mɨreiyehɨwirienikɨ mɨkamierienikɨ.