'Etsekieri 7:2 - Kakaɨyari Niukieya

² «Tewi pemunu'aya, Yawé Ti'aitame mɨpaɨ kanaineni 'ixaheritsixi wahetsiemieme: Tukari kanaye'aximeniri naitsarie kwiepa wahetsiemieme.

'Etsekieri 7:2 ပူးပေါင်းရင်းမြစ်များ

'Amuxi 8:2

hikɨ mɨpaɨ kanetiniuta'iwawiya: ―¿'Amuxi, tita petixeiya? Ne mɨpaɨ nekatinita'eiya: ―Xei tsikɨiwitiyari 'ikwaxi kwakwaxime. Hikɨ Yawé mɨpaɨ kanetiniutahɨawe: ―'Ari kanaye'ani 'Ixaheri makaweni 'ikwaxi mukwaxi makaweni hepaɨ, tawariri nepɨkareiyehɨwirieni.

1 Pekuru 4:7

'Ariri kanehuraniri naitɨ yamɨraye'anikɨ. 'Ayumieme xekeneyunenewieka 'aixɨa 'anemekɨ xetemaiwawetɨ xekeneyɨaka, mɨkɨkɨ xeyɨkɨhɨawetɨ.

'Amuxi 8:10

Memɨte'ayexeiya wa'ixɨarari hiwerika payani, meta wanɨawari hiwerika kwikariyari nekanayeitɨamɨkɨ. Nutuixiya kamixayari nekaniwaranakatɨtɨamɨkɨ meta wakɨpate nekanikaximɨkɨ. Kemɨtiyuhiwerieka raniwe muyuxewi tiumɨyu mɨpaɨ mekatenitsuakuni, 'imatɨrieka ratsiwitɨ pɨrayani.

'Etsekieri 7:3

'Atukari kanaye'aniri. Naitsarie kwiepa xehetsie nehaxɨa nekanikawiwimɨkɨ, nekamanita'iwawiyamɨkɨ naimekɨ kepemɨtiyurienekai, meta tita mɨtixani'eriwa yapemɨtiuyurikɨ.

'Etsekieri 11:13

Mexi ne netiwakuxaxatɨwakai kemɨtiyɨni, Peratiyaxi Wenahiyaxi nu'aya natiweni kaniumɨni. Hikɨ ne nehɨxima nekaniukaweni kwiepa, mɨpaɨ nekatiniuhiwa karima: «Xɨa'ui, Yawé nekakaɨyari. ¿Yunaime 'ixaheritsixi memuyuhayewatɨwe petiwakwini?»

Hiwerika 4:18

'Etsiwa temuku'uwatsie tepuhupierie, kaye 'utɨma temɨye'uwani pɨkayɨweri. Ta'imatɨrieka tukariyari kanehuraniri, 'ariri kanaye'ani, tatukari naitɨ pɨ'inɨatsie.

Mateu 24:6

Xeme mɨpaɨ xepɨte'enanani kename xaɨtsie kuyaxa hexuawe meta kename xaɨtsie kiekatari hipame wahamatɨa 'ari meheyutakwini, peru xepɨkamamaka. Peuyewetse mɨpaɨ mɨtiyɨni, peru 'akuxi 'ana kwie naitɨ pɨkaheutipare.

'Etsekieri 40:2

Kakaɨyari mɨpaɨ kanetiniunieritɨani, 'Ixaheri kwieyaritsie kanenewitɨni, hikɨ hɨri 'amanutitewatsie kanenakeni. Mana, tatsutɨa neheukaniereka, mana nepixei kii 'a'utɨtɨme kiekari hepaɨ pɨtiyuxexeiyakai.

'Etsekieri 21:2

«Tewi pemunu'aya, Kerutsareme hepa keneutanieri, watukite hepaɨtsita ketineutaxata meta 'Ixaheri kwieyari hepaɨtsita,

'Etsekieri 12:22

«Tewi pemunu'aya, ¿kehepaɨtɨtɨ 'ikɨ niuki panuyɨne, 'inɨarikɨ mɨtikuxata waɨkawa mukuxaxatsiwa 'Ixaheri kwieyaritsie: “Tukari kanaye'axeni peru kemɨtiunieritɨarie pɨkahaye'ani”?

Hiwerika 1:9

Kemarieya kaniutatɨnire, 'atsipɨkareitimaitɨya 'arike hetsiena kemɨtiyɨnikekai. Kemɨratiwe pɨkatimaritɨa, kaniumawekaitɨni kemɨ'ane 'inɨtɨani. «Yawé, keneneuxeiya kenemɨtiuka'eniwa. Pɨnetsi'a'iwaxɨ mɨnetsi'aye'unie».

Keremiyaxi 51:13

'Ekɨ, haa waɨkawa xuawekaku pemɨkiekame meta waɨkawa mɨraye'atɨka pemɨrexeiya pemɨxiku, 'a'imatɨrieka tukaritsie pekaniyɨaneni, pe'uyeikatɨ 'ena xeikɨa pekanati'ani.

Keremiyaxi 5:31

Kakaɨyari niukametemama 'itarikakɨ mepɨtekuxata, mawari wewiwamete mepɨte'aita kemɨtiwanake, meta neteɨterima mɨpaɨ pɨtiwanake. Peru, ¿Kexeteyurieni xeme kepauka naitɨ mɨtinɨretsie?

2 Kemɨtiuyɨ 34:7

Naitsarie 'Ixaheri kwieyaritsie mawari matiwewiwa kaniuti'una, kakaɨyarixi memɨwewiyatɨka tumuanari kaniwarayeitɨani meta 'uka kakaɨyariyari 'Atserá 'ɨkiyari, meta 'ɨkwa matitaiyarɨwakai kaniuti'una. Hikɨ 'arike Kerutsareme kanakunuani.

Hutarieka 'inɨari 32:20

Hikɨ mɨpaɨ kaniutayɨni: “Nepɨwawarixiwiya, tsipara kemeteheutere, teɨteri 'axamemɨte'u'iyari mepɨhɨkɨ, tɨɨri yamemɨkatekahu mepɨhɨkɨ.

Tsutɨarika 6:13

Nuhexi mɨpaɨ katiniutahɨawe: «Teɨteri nekaniwatayuniyamɨkɨ, mɨkɨ meteyuriekaku kwiepa 'axamɨti'ane kwinimieme katinixuaweni. 'Ayumieme teɨteri nekaniwareuyehɨamɨkɨ meta kwie naime.

Matsiɨkɨtɨ kemɨratɨa 7:1

Merikɨtsɨ 'ana niuki tuayamete yunaukame nekaniwaruxeiya, tatserieta, ta'utata, tahixɨapa, tatsutɨa naitsata 'etsikinatsie meti'utɨ 'eka mepɨkapitɨakai, naitsarie mɨka'uyeikanikɨ kwiepa, haramaratsie meta naime kɨyexitetsie.

Matsiɨkɨtɨ kemɨratɨa 20:8

meta kaniwatiyeimɨkɨ nuiwarite mɨtiwa'irɨwiyanikɨ tatserieta ta'utata tahixɨata tatsutɨapai memetitei kwiepa ―kukitari meta makukitari―, yunaime kaniwakuxeɨrimɨkɨ memɨyutakwinikɨ, haramara tetsita xiekari mɨtika hepaɨ meyupaɨmetɨ.

Kitsariyaxi 47:7

Mɨpaɨ peputayɨ: “'Uka neheyemekɨ ti'aitame nepɨhɨkɨtɨni”. Peru mɨpaɨ pepɨkatimaikai, meta pepɨkaheitimaixɨa kepemɨreutiparekekai.

Keremiyaxi 12:4

¿Kepaukake pɨkawiye 'ena kwiepa, kepaukake pɨtitiyɨra tupiriyate? Yeutari meta memɨte'awɨwawe mepɨkwi'i teɨteri 'axamemɨte'uyurikɨ 'ikɨ kwieyaritsie kiekatari, memuyuwaɨriya mɨpaɨ memɨtiyuanikɨ: «Kakaɨyari kepauka temeuyeweni pɨkatatsixeiya».

'Etsekieri 7:1

Yawé mɨpaɨ kanetiniutaxatɨani:

'Etsekieri 21:4

Mɨpaɨ nekanaineni nekaniwakwimɨkɨ, 'aixɨa memɨte'u'iyari meta 'axamemɨte'u'iyari, ne'ixipara naitsarie kwiepa yunaime teɨteri kaniwarakukwimɨkɨ, tayetatsie meta tatsutɨa.

'Etsekieri 21:25

»'Ekɨta, pemɨkerie 'Ixaheritsie ti'aitame, 'axapemɨtiuka'iyari pemɨka'itiya, 'atukari kanaye'ani, kepauka pe'uximatɨarietɨ pemakumawere.

'Etsekieri 35:5

»”Kepauka 'ixaheritsixi 'imatɨrieka tukari maye'akai, kepauka memɨ'uximatɨariekai, 'ekɨ pekaniwarutakwini, meta pewaraye'unietɨ 'apekaniuyeikani yuheyemekɨ.

Kuheri 1:15

Xɨa'ui 'iya tukaritsie, Yawé tukarieya maye'aximekɨ. Mɨkɨ tukaritsie naime katinika'unamɨkɨ Naimekɨmɨtɨrɨkaɨye.

'Etsekieri 21:7

Kepauka memɨmatsita'iwawiya titayari petiutatsuaka, mɨpaɨ ketiniwarutahɨawi pemu'enaxɨkɨ kemɨtiyɨni. 'Ikɨ niuki wa'iyari kanitimariutamɨkɨ, wamamate kanitiweranaxɨamɨkɨ meta watunute naitɨ pɨtiyɨyɨaka. 'Ari tukari kanaye'aximeni. Mɨkɨ yurikɨ katinaniuwani. Ne Yawé mɨpaɨ nekanaineni».