'Etsekieri 6:3 - Kakaɨyari Niukieya

³ Mɨpaɨ ketiniwarutahɨawi: “Xekeneu'enana, 'Ixaheri hɨriyarite, Yawé naimekɨmɨyɨwe niukieyakɨ, hɨrite meta yemurite, haa manuyehapane meta mayeweweritsie: ‘Xehetsiemieme 'ixipara kanayenemɨkɨ, nekaniti'unamɨkɨ xetukite.

'Etsekieri 6:3 ပူးပေါင်းရင်းမြစ်များ

Mawari 26:30

Xetukite 'etsimɨpepe kakaɨyarixi xemɨtewaranutimawiriwa nepɨka'unaxɨani, meta mawari taiyame 'ɨkwa witsimu'ɨa xematitaiyatsie nepɨka'unaxɨani, meta xekaxarite 'aneme nepɨkeni xekakaɨyarixi memɨka'ayeneniere wa'ɨkiyari waheima, nehaxɨa xehetsɨa punuani.

Mikeyaxi 6:2

Yemurite xekeneu'eni, Yawé xanetsikaya, kayuwatɨ xekeneu'enana, kwie tsutɨmeyari, Yawé kanitsutɨaka yuteɨterima waxanetatɨ, kanitsutɨani 'ixaheritsixi wahamatɨa 'aixɨa mɨtiyurienikɨ:

'Etsekieri 36:8

»”Matsi xeme, hɨrite 'Ixaheri kwieyaritsie miemete, xehetsie kɨyexi pɨtineni 'ikwaxi mepɨkaxuawitɨani neteɨterima 'ixaheritsixi wahetsiemieme, 'ariri mekanakunuaxɨaximeni.

Keremiyaxi 22:29

Kwie, kwie, kwie. Yawé niukieya keneu'eni.

Keremiyaxi 3:23

Yurikɨ hɨritsie ketemɨteyuriekai pɨtikwamanarika, meta yemuritsie kemɨtiutatɨrarɨka pɨti'itarika. Yurikɨ Yawé takakaɨyari hetsie 'Ixaheri wikweitsitɨarikaya puxuawe.

Keremiyaxi 3:6

Kepauka Kutsiyaxi ti'aitametɨkaku Yawé mɨpaɨ kanetiniutahɨawe: «¿Petimate kemɨtiyuriene 'Ixaheri, yamɨkatikamie hɨkɨtɨtɨ? Kaneyani hɨri 'amanutitɨtɨtsie, mana kɨyexi mɨ'e'etɨtɨa tuminikɨ muyumayɨinɨa kanayuyeitɨani.

Keremiyaxi 2:20

»Mɨixa wiyari panuyemie 'ayuku pemanumuraxɨ, pemɨhɨakai pepɨ'axɨnaxɨ meta mɨpaɨ peputayɨ: “'Ahetsiemieme nepɨkareu'uximayatamɨkɨ”. Naitsarie hɨri 'amanutitɨtɨtsie, meta naime kɨyexi mɨ'e'etɨtɨkatɨa, pepɨ'ayetua tuminikɨ pemɨkumayɨiwanikɨ.

Kitsariyaxi 27:9

Mɨpaɨ Kakuwu 'axakemɨtiuyurikɨ pɨti'itiyarieni, mɨpaɨ xeikɨa katiniyɨmɨkɨ 'axakemɨtiuyuri mɨreuyehɨwiyarienikɨ: tetexi kakaɨyarixi memɨte'atimawiyarɨwa naitɨ tumuanari kehayani, tetexi mu'uniwe mɨtɨxieka hepaɨ, meta 'Atserá 'ɨkiyaya 'a'uwetɨ pɨkakuhayeikarɨwani meta mawari taiyame 'ɨkwa witsimu'ɨa nixewitɨ tɨma.

Kitsariyaxi 30:25

'Imieri tukariyari maye'anitsie, kepauka tuxiyu makainariexɨani, 'ana 'akitsie haa 'uhapanetɨ kanayeimɨkɨ meta haixa kanitixuawerimɨkɨ naitsarie hɨritsie 'amutɨtɨtsie.

Mawari 26:25

Ne nekaniwapitɨamɨkɨ memɨxe'aye'unie memɨxekwinikɨ 'ixiparatekɨ, netɨratu kemɨreku'uxakɨ yaxemɨkatekakɨkɨ. Kepauka yukiekaritsie xemɨyehu xeyuta'unake, ne nepɨxe'anunɨ'airieni kwiniya mɨmɨya, meta memɨxe'aye'unie wahetsɨa nepɨxeyetuani.

1 Te'aitamete 14:23

Naitsarie hɨritetsie meta kɨyexi 'amɨpapa mɨ'e'etɨ hetɨa kakaɨyarixi memɨte'atimawiyarɨwa mekaniutiwewieni, tetexi 'amekaniti'uitɨani, meta kakaɨyari 'uka 'Atserá 'ɨkiyari.

'Amuxi 7:9

»'Itsahaki kakaɨyarixi mɨtiwaratimawiriwakaitsie naitɨ kaniti'unimɨkɨ, meta kaniti'unimɨkɨ 'ixaheritsixi watukite, nekaninuamɨkɨ 'ixipara nehakwetɨ Keruwuhani paratsiyuyata».

Mikeyaxi 6:1

Yawé kemutaine xekeneu'eni: «Kenanukukexi, hɨrite wahɨxie 'axanetsika keneyetua, yemurite 'aniuki meke'u'enieni».