'Etsekieri 40:2 - Kakaɨyari Niukieya

² Kakaɨyari mɨpaɨ kanetiniunieritɨani, 'Ixaheri kwieyaritsie kanenewitɨni, hikɨ hɨri 'amanutitewatsie kanenakeni. Mana, tatsutɨa neheukaniereka, mana nepixei kii 'a'utɨtɨme kiekari hepaɨ pɨtiyuxexeiyakai.

'Etsekieri 40:2 ပူးပေါင်းရင်းမြစ်များ

Tanieri 7:7

»Hikɨ tawarita, kenemɨtinieritɨariekaitsie naurieka mieme 'ɨrawe nekaniuxeiya, mɨkɨ matsi yemekɨ 'axakani'anekaitɨni, waɨkawamekɨ tɨrɨkaɨyetɨ. Tepɨa tameteyarikɨ 'amɨtɨtɨkɨ kaniwatipɨnakaitɨni meta kaniwatikwa'akaitɨni tita mɨtitakwani meta tita mɨtihayewa kanitiketsinakaitɨni. Tamamata paɨmeme 'awate kanexeiyakaitɨni, hipatɨ 'ɨrawetsixi kememɨteyuxexeiyakai wahepaɨ pɨkatiyuxexeiyakai.

Tanieri 7:1

Mexɨakame wiyaritsie Weritsatsaxi Wawiruniyatsie ti'aitakaku, Tanieri katiniuheinɨni meta yakatiniunieritɨarieni mexi yu'itaritsie kakatei. Hikɨ katinaka'utɨani tita waɨkawa mɨreuyewekai yuheinɨtsita timieme,

'Etsekieri 1:1

Xeitewiyari heimana tamamata wiyaritsie, naurieka metseritsie, 'auxɨwirieka tukariyaritsie, memehapanie wahamatɨa ne'uyeikakaku Kewaxi hatɨayari hatetsitatsie, 'ana muyuawi kananakayepiere hikɨ Kakaɨyari heinɨtsika hepaɨ kanetiniuxeitsitɨani.

Mikeyaxi 4:1

'Imatɨrieka tukari 'umahutsie, yemuri Yawé tukieya manuwekai hɨrite 'amutɨtɨ heima kanakayeriemɨkɨ meta mɨkɨ matsi yunaime hɨrite wara'iwatɨ kanayeimɨkɨ. Hikɨ teɨteri hepana mekaniukɨnikuni,

'Etsekieri 8:3

Mɨkɨ tewi hepaɨ mɨ'anekai mamá hepaɨ 'anekame kaniutatsera, nekɨpatsie kanikawiere. Hikɨ 'eka kwinietewa kaneniuyewieni, kanenehana Kerutsareme yeta Kakaɨyari mɨnetixeitsitɨanikɨ, 'upaitɨ 'itupari meuwietsie kaneni'atɨani, mana kakaɨyari mɨwewiya manuwe Kakaɨyari mɨ'ɨtetsaiya.

Kitsariyaxi 14:13

'A'iyaritsie mɨpaɨ peputainekai: «Muyuawitsie paitɨ nepanutiyani. Ne'uweni mana paitɨ nepɨtakeni Kakaɨyari xurawetsiximama waheima. Tayeta mutiniere paitɨ nepɨtita'aita, kakaɨyarixi wahɨritsie paitɨ.

1 Kemɨtiuyɨ 28:19

Rawiri mɨpaɨ kaniutayɨni: «'Ikɨ tinaitɨ katinaka'utɨarieni Yawé yatiutahekɨataku, yanemɨretimanikɨ keti'anenetɨ mɨtitiwewiyani».

1 Kemɨtiuyɨ 28:12

Meta kaniyetuirieni kemɨtiyɨnikekai Yawé tukieya takwayaritsie kemɨtiku'eriwakai, meta kii mawetɨka kemɨ'ayumiemetɨnikɨ, tumini tukita mieme hepaɨtsita meta hakewa mɨreti'utsiwani piinite mɨtipatsietɨka tukita timieme.

Karatsiyatari 4:26

Xewitɨ pɨta Kerutsareme taheima mieme, mɨkɨ muyɨnɨ'a kanihɨkɨtɨni, tame kanitamaamatɨni.

Nɨ'ariekate 16:9

Yɨwikɨta Papuru yuheinɨtsita tewi kaniuxeiya matseruniyatanaka, muwa 'utiwekame 'iwawiriekame mɨpaɨ 'utaitɨ: «Kenanaye'a 'anataɨye Matseruniya paitɨ, ketaneparewieka».

Nɨ'ariekate 2:17

»Mɨpaɨ paine Kakaɨyari: “Tukari 'aye'ayu kepauka mɨtaparirɨmeni mɨpaɨ pɨtiyɨni, ne'iyari nepɨtatuani teɨteri yunaime wahetsie. Xeniwema 'ukitsi meta 'ukari mepɨtetaxata, meta temari heinɨtsi hepaɨ 'anekame mepɨtexeitsitɨarieni, 'ukirawetsixi mepɨteheinɨni.

Kitsariyaxi 48:2

Xeme mɨpaɨ xemɨteyuterɨwa “kiekari mɨpatsietsie kiekatari,” 'Ixaheri Kakaɨyarieyatsie yuri xemɨte'erie, Yawé Naimekɨmɨtɨrɨkaɨye mɨtitewa hetsie:

Nɨawari 48:2

hɨri witsimɨ'ane, naitsarie kwiepa watemawierika pɨhɨkɨ. Tsiyuni hɨriyari, tayeta katini'aneni, Ti'aitame mɨmariwe kiekarieya kanihɨkɨtɨni.

'Etsekieri 20:40

Nehɨri mɨpatsietsie, 'Ixaheri hɨriyari 'amanutitewitsie, mana mepɨnetsi'ayexeiyani yunaitɨ 'ixaheritsixi teɨteriyari, meta yunaitɨ mɨkɨ kwieyaritsie kiekatari. Ne Yawé mɨpaɨ nekanaineni. Mana nepɨxetanaki'erieni, xemawari nepɨxetawawirieni, meta xe'imikieri mexɨakametsie timieme, meta tsepa hipame mawarite xemɨneteyetuiri.

'Etsekieri 37:22

'Ena kwiepa, 'Ixaheri hɨriyaritsie, mɨkɨ xeinuiwari nekaniwarayeitɨamɨkɨ. Yuxewitɨ xeikɨa ti'aitame katiniwa'aitɨakamɨkɨ, tawariri huta nuiwariyari mepɨkahakɨne meta yuhutatɨri mepɨkate'aitani.

'Etsekieri 41:1

Hikɨ tewi tukita kaneneutawitɨni, mukawetɨka kaniu'inɨata, mɨkɨ haika meturuyari kanexeiyakaitɨni meta tapata yaxeikɨa.

'Etsekieri 43:12

»'Ikɨ tuki niuki 'inɨariyari kanihɨkɨtɨni: naitɨ kwie waritana maka hɨri kemanutitewi, mɨkɨ Waɨkawa Muyepatsie kanihɨkɨtɨkamɨkɨ. Mɨkɨ tuki 'inɨari niukiyari kanihɨkɨtɨni».