'Etsekieri 27:3 - Kakaɨyari Niukieya

³ kiekari haramara tetsita memukuma mɨti'uximaya yumɨireme kiekarite wahamatɨa meta tewanarixi haramara tetsita mukumane. »Yawé naimekɨmɨyɨwe mɨpaɨ kanaineni: »“'Ekɨ, Tiru kiekariyari, witsipeti'axexeiyame pepɨ'a'erie meta 'aixɨa pe'anekame.

'Etsekieri 27:3 ပူးပေါင်းရင်းမြစ်များ

'Etsekieri 27:4

Haramaratsie mariwemekɨ pepɨti'aita, tewewiwamete 'aixɨa ti'anenekame mepɨte'utiwewi.

Matsiɨkɨtɨ kemɨratɨa 18:3

Yunaitɨ nuiwarite memuti'ikɨ memikumaɨwanikɨ kawa'ɨyatɨkaku, mana kiekatari te'aitamete yunaitɨ mɨkɨ mekanikumaɨwakaitɨni, meta tetuayamete mana kiekatari, xikutsixi mekanakɨne witsi'aneme muyupitɨakaikɨ 'anayuhayewamekɨ».

'Etsekieri 26:17

hikɨ 'ikɨ hiwerika kwikariyari mepɨtakwika 'ahetsiemieme: »“Kehepaɨtɨtɨri 'ekɨ pepuka'unarie, kiekari pemɨmariwa, haramaratsie te'uximayatamete wakiekari. 'Ekɨ haramaratsie pepɨtɨrɨkaɨyekai. 'Ateɨterima wahekɨ pepɨtiyurienekai, pemɨwamariutakai yunaime 'ena temɨtama.

Kitsariyaxi 23:11

Yawé haramaratsie yumamá kaneutatsera, meta te'aitamete kaniwarutiyɨyɨakitsitɨani, meta katiniuta'aita Kanani kiekariyari 'aixɨa mɨ'ane mɨka'unarienikɨ.

Nɨawari 50:2

Kakaɨyari kaniutimerɨkani Tsiyuni paitɨ, kiekari witsimɨ'ane meta 'aixɨa mɨ'anetsie.

Nɨawari 83:7

Kewari, 'Amuni meta 'Amareki wateɨterima, Piritsiteu kwieyari hetsie kiekatari meta Tiru kiekatari.

'Etsekieri 16:15

»”Matsi xeikɨa, 'ekɨ witsipemɨtiyuxexeiyakaikɨ pepuyuta'ɨrixɨ, 'ateewa paitɨ peputamariwaxɨ, meta tuminikɨ peyumayɨinɨatɨ pepatɨa. Peka'akatewiyatɨ kemɨ'ane 'ahɨxie memuyekɨkakai pepɨ'ayetua wahetsɨa.

'Etsekieri 26:12

Mepɨtexenawairieni tita mɨtixexikutɨriyakai, mepɨtexenawatsirieni xepiinite. 'Akuraru naime mepɨka'una, 'aparatsiyu witsimɨ'anene mepɨtitemɨxikita, 'atetexi haramaratsiepai mepeukaxɨrieni meta 'apikaxite naime tita mɨtiyuhayewa.

Temaiwawemete 31:14

Kanuwa 'amɨpapa yuharerutamete hepaɨ kani'aneni, mɨkɨ 'ateewa katinatɨtɨyeikani yu'ikwaite.