'Etsekieri 26:3 - Kakaɨyari Niukieya

³ 'Ayumieme Yawé naimekɨmɨyɨwe mɨpaɨ kanaineni: Tiru 'aku, ne mɨpaɨ nepaine 'ahepaɨtsita, haramaratsie hamewari kemɨtiuyekɨka, mɨpaɨ nepɨtiyurieni nuiwarite yuwaɨkawatɨ mematsi'aye'uniekame nepɨmatsihayeitɨani.

'Etsekieri 26:3 ပူးပေါင်းရင်းမြစ်များ

Keremiyaxi 51:42

Haramara Wawiruniya heima kaneutiyeurieni, hamewarieya kanenukanani.

Kitsariyaxi 5:30

'Iya tukaritsie kaniyutahaxɨatɨamɨkɨ hepaɨtsitana, haramara kemɨtiutarɨrɨrɨka hepaɨ. Xɨka xewitɨ kwie 'uxeiya, 'ɨyɨwime hetsiena pɨxeiya meta 'uximatɨariekame, 'ana hekɨariya kaniyuti'awietamɨkɨ hai 'amayetsuye warita.

Mikeyaxi 4:11

Hikɨri nuiwarite yumɨiretɨ mepɨyukuxeɨri memetsi'aye'unietɨ. Mɨpaɨ meputiyuane: «Tsiyuni kapatsietɨ ke'ayeitɨarieni. Tenenieretɨ tepɨyutemamawieka».

Rukaxi 21:25

»'Inɨarite pɨtixuawere, tautsie, metsatsie meta xurawetsixi wahetsie. Kwiepa, nuiwarite mepɨyuhiwerieka meta mekanimamakakuni haramara yuarikaya me'enietɨ meta hamewari.

Tsakariyaxi 14:2

Nekaniwayuitɨamɨkɨ yunaime nuiwarite 'ekɨ memɨmatsitamienikɨ. 'Akiekaritsie mekaneutahaxɨakuni, piinite kiita mɨrayepitɨka mekateninawakuni meta kiekatari wa'ɨitama mepɨwatinanaimani. 'Ateɨterima hixɨata me'atɨ mepanuhapanieni xeime kwieyaritsie, peru hipatɨ xeikɨa mepɨyuhayewa 'ahetsɨa.

Nahumi 2:12

¿Maye keranuyetɨa, yuniwema wahetsiemieme 'etsitipepeme mɨtititsanakai meta maye 'ukaratsi hetsiemieme yuxɨ'erika kɨipitɨa mawiwierekai, yuterɨta yuxɨ'erika mɨtiutahɨniyakai meta wai mutahɨniyakai mɨwayuti'awiwietatsie?

'Etsekieri 38:3

mɨpaɨ ketiniwaraye'eritɨa Yawé naimekɨmɨyɨwe mɨpaɨ kanaineni: “Kuki, ne nepɨmatsi'aye'unie, Metseki meta Tuwari pemɨti'aita.

'Etsekieri 28:22

Mɨpaɨ ketinayemari'itɨa, Yawé naimekɨmɨyɨwe mɨpaɨ kanaineni: »“'Ena nepuwe Tsiruni nematsitaxanetake, meta 'aixɨa nemɨtitahɨawarienikɨ 'ahetsiemieme. Kepauka 'ahetsie nemi'atɨani 'uximatɨarika heitserie mexeiya, 'ahetsie kenemɨtipatsie nematsiɨkɨme nepaneyeitɨani, 'ana mɨpaɨ pɨtimatsiɨkɨre kename ne, Yawé nehɨkɨ.

'Etsekieri 27:26

'Awekemete haramara 'ameutatewatsie mepɨmatsihetɨ, haramara 'amatiyewatsie 'eka tau manatineika mieme pɨmatsi'utamuraxɨ.

'Etsekieri 21:3

mɨpaɨ ketiniwaretaxatɨa mɨpaɨ ne Yawé nekanaineni: “Ne yurikɨ nepɨmatsi'aye'unie. Ne'ixipara nepɨwatihana nepɨwakwini heitserie memexeiya meta 'axamemɨteyurie.

'Etsekieri 5:8

'Ayumieme ne, Yawé naimekɨmɨyɨwe, mɨpaɨ nepaine: Nekamenaye'unieka, Kerutsareme, ne nekamatinikwinitɨamɨkɨ mɨkɨ nuiwarite yunaime wahɨxie.

Keremiyaxi 50:42

'Umekanahuni tupi me'u'ɨtɨ meta pitsika 'amɨtɨtɨ, mɨkɨ 'axamekateniu'iyarini mepɨkate'uyukanenimaya. Kawayutsixi wahetsie me'utetɨ mekanahuni, wayuarika haramara kemutaine mɨpaɨ katini'eniɨriɨkɨni. Kiekari Wawiruniya witsimɨraye'ane, mematsika'unake, 'ahepa 'umekanahuni xuruku mehewetɨkaitɨ, muyuxewini hepaɨ meteyuxexeiyatɨ.

Keremiyaxi 50:31

»Nekamenaye'unieka 'ekɨ, kiekari pemɨ'ata'ɨre —Ti'aitame mɨpaɨ kanaineni, Yawé Naimekɨmɨtɨrɨkaɨye—, 'ari 'atukari kanaye'ani, kepauka pemɨtikwinitɨarienitsie.

Keremiyaxi 21:13

Ne nekamanaye'unieka, Kerutsareme, 'uka ti'aitame mayeweri heima kiekame, 'ai hetsie 'akuwerikaku pemuka —Yawé mɨpaɨ kanaineni—. Xeme mɨpaɨ xemutiyuane: ‘¿Kemɨ'ane pɨtatsikemaka? ¿Kemɨ'ane peutahani temɨwayu'awietatsie?’ ”

Keremiyaxi 6:23

Tupi mepu'ɨ meta pitsika, mepayu'eririya meta mepɨkateyukanenimaya. Wahiwari haramara hepaɨ pɨtiyu'eniɨriɨkɨ, meta kawayutsixi wahetsie meputei. Tsiyuni niweya witsipemɨti'ɨimari, 'ahetsɨa mepɨta'erie, meyuha'aritɨatɨ memɨyutakwinikɨ».

Nɨawari 107:25

Kepauka Kakaɨyari mutaniu, 'eka tɨrɨkaɨyetɨ kaniukuyani, 'ana 'apapatɨ kaniwakɨkakaitɨni hamewari,

'Etsekieri 26:19

»Yawé naimekɨmɨyɨwe mɨpaɨ kanaineni: Mɨraku'unarie nekamenayeitɨamɨkɨ, kiekari mana kiɨripa nekanayeitɨamɨkɨ. Yaxeikɨata nekatiniyurimɨkɨ haramara mɨmatsi'anukananikɨ.

'Etsekieri 29:10

'Ayumieme mɨpaɨ nepaine 'ahepaɨtsita, meta 'ahate hepaɨtsita. Mikiruri 'itsutɨame meta 'atsita 'Atsuhani, metatsiere 'atsita 'Etihupiya kwieyari mananiere paitɨ, 'Ekipitu kwieyari nekanika'unamɨkɨ meta 'akumaweme nekanayeitɨamɨkɨ.

Nahumi 3:5

«Ne nematsi'aye'unietɨ 'ena nekaniuweni —Yawé Naimekɨmɨtɨrɨkaɨye mɨpaɨ kanaineni—. 'Ahɨxie paitɨ 'a'iwi nenitihanimɨkɨ, nuiwarite memɨmatsixeiyakɨ kepemɨtimawe, meta te'aitamete 'atewiyarika memɨxeiyakɨ.

Tsakariyaxi 9:4

Peru Ti'aitame pɨtiwanawairieni wapiinitɨarika, haramaratsie kaneikaxɨrimɨkɨ tita mɨtiwaxikutɨriya, meta tai kanitixɨtsitɨamɨkɨ.

Keremiyaxi 25:22

yunaime te'aitamete Tiru meta Tsiruni kiekatari, yunaime te'aitamete haramara tetsita memutetɨka 'anutaɨye paitɨ,