'Etsekieri 1:1 - Kakaɨyari Niukieya

¹ Xeitewiyari heimana tamamata wiyaritsie, naurieka metseritsie, 'auxɨwirieka tukariyaritsie, memehapanie wahamatɨa ne'uyeikakaku Kewaxi hatɨayari hatetsitatsie, 'ana muyuawi kananakayepiere hikɨ Kakaɨyari heinɨtsika hepaɨ kanetiniuxeitsitɨani.

'Etsekieri 1:1 ပူးပေါင်းရင်းမြစ်များ

Matsiɨkɨtɨ kemɨratɨa 19:11

Manata muyuawi nekaniuxeiya reuyepiekame, meta kawayu heutuxatɨ mana kaniuwekaitɨni. Manakatei Yamɨtikamie meta Yurimaine katinitewakaitɨni. Heitseriemekɨ yatikamietɨ kaniwaranutaxɨrɨwani meta kuyaxa kaniwewieka.

Nɨ'ariekate 7:56

Mɨpaɨ kaniutayɨni: —Kamɨ, muyuawi nepɨxeiya 'anakayepiekame, Yuri Tewi Kakaɨyari tserieta 'utiweme netixeiya.

Mateu 3:16

Hikɨ Ketsutsi 'uka'ɨyarieka, kwitɨ hapa 'anatiyaku. 'Ana taheima muyuawitsie katineuyepiere, hikɨ mɨkɨ Kakaɨyari 'Iyarieya kaniuxeiya heimana 'akamiekame kukuru hepaɨ 'anetɨ, hetsiena yuhayewake.

'Etsekieri 11:24

Mɨpaɨ netinieritsitɨarietɨ, 'eka kanenanuyewieni kanenehana, Wawiruniya paitɨ hakewa memehapanie memanu'uwatsie, hikɨ kenemɨtinierekai kaniukumawere.

Nɨ'ariekate 10:11

Muyuawi 'anakayepiekame kaniuxeiya meta tsawana hepaɨ ti'anekame katiniuxeiya 'arakamieme, tetsitana naukakɨa tiwiwietɨkaime kwiepa paitɨ kanakatuiyani.

Rukaxi 3:21

Merikɨtsɨ kepauka yunaitɨ teɨteri memuka'ɨyarie, Ketsutsi kaniuka'ɨyarienita. Mexi yunenewiekai, taheima kananakatenire,

'Etsekieri 10:20

Mɨkɨ memayeneniere mepɨyɨakai, Kewaxi hatɨayaritsie 'aurie ne'uwetɨ nemɨwaruxei, 'Ixaheri Kakaɨyarieya hetɨa. Hikɨ mɨpaɨ nekatinetimani kename, Kakaɨyari teɨtametemama meyɨakai.

'Etsekieri 10:15

Kakaɨyari teɨtamete, nemɨwaruxei haa Kewaxi manuyekatsie, menanukuwɨxɨani.

Matsiɨkɨtɨ kemɨratɨa 4:1

Merikɨtsɨ mɨkɨ ne'uxeiyaka, tawarita nekaneutaniere, mana muyuawi nekaniuxeiya reuyepiekame. Kemɨ'ane nemu'eni matɨari paitɨ kuxineta hepaɨ ti'eniɨriɨkɨme nehamatɨa tikuxatame, mɨkɨ mɨpaɨ kanetiniutahɨawe: «'Uwa kenatiye'a: nepɨmetsixeiyatsitɨani kemɨtiyɨni 'arike».

Wani 1:51

—Yurikɨ mɨpaɨ nekanaineni, xekanixeiyakuni muyuawitsie reuyepiyakame, Niuki tuayamete Kakaɨyari hetsɨa miemete xetewaxeiyata me'anutikɨkame meta me'anakakɨkame Yuri Tewi hetsie.

'Etsekieri 43:3

Mɨpaɨ yaxeikɨa nekatiniuniere kepauka Kerutsareme kiekariyari muka'unarie, meta kenemɨtiunierixɨ Kewaxi hatɨayari 'aurie. Kwiepa nekaniutihɨximakeni,

'Etsekieri 8:3

Mɨkɨ tewi hepaɨ mɨ'anekai mamá hepaɨ 'anekame kaniutatsera, nekɨpatsie kanikawiere. Hikɨ 'eka kwinietewa kaneniuyewieni, kanenehana Kerutsareme yeta Kakaɨyari mɨnetixeitsitɨanikɨ, 'upaitɨ 'itupari meuwietsie kaneni'atɨani, mana kakaɨyari mɨwewiya manuwe Kakaɨyari mɨ'ɨtetsaiya.

'Etsekieri 3:23

Ne nekananukukeni nekaneyani 'ɨtsita. Mana Yawé xawatɨriyaya nekaniuxeiya, kenemɨtixei Kewaxi hatetsitayaritsie, hikɨ kwiepa nehɨxima nekaniukaweni.

'Etsekieri 1:3

(Mɨkɨ tukaritsie, 'Etsekieri Wutsi nu'aya mexi'akuxi Kewaxi hatɨayari tetsita 'uyeikakai, karireutsixi wakwieyaritsie, Yawé yuniuki kaniuhekɨata hetsiena meta heimana kaniutimeni).

Kitsariyaxi 1:1

Kemɨtiunierixɨ Kitsariyaxi 'Amuxi nu'aya Kura nuiwariyari hepaɨtsita meta Kerutsareme, 'Utsiyaxi, Kutani, 'Akatsi meta 'Etsekiyaxi, Kura kwieyaritsie te'aitamete mete'aitakaku.

'Inɨatsie 12:6

Yawé mɨpaɨ katiniwarutahɨawe: «Xekeneneu'eni kenemɨtixetahɨawe: »Kepauka Yawé niukameya xetsata 'amuyeika, ne nekanikɨhɨaweni heinɨtsika hepaɨ 'anemetsie meta nematsiɨkɨtɨ nekanayuyeitɨwani heinɨtsikatana.

2 Kurinitutari 12:1

Merikɨte, xɨari peuyewetse mariweme nemɨnexatanikɨ, 'aixɨa kapɨyɨni tsiepɨre. Peru heinɨtsipaɨ kenemɨtiunierixɨ, tita Ti'aitame matsiɨkɨme mɨrayeitɨa, mɨkɨ hepaɨtsita nepɨtikuxatani.

Marikuxi 1:10

Hikɨ Ketsutsi hapa 'anatiyeiximetɨ, muyuawi kaniuxeiya 'anakayepierirɨmeme, meta 'Iyari kaniuxeiya 'a'akamieme para hetsiena mɨyuhayewakɨ, kukuru hepaɨ 'anetɨ.

Kuheri 2:28

»'Arike mɨpaɨ tiyɨyu, ne'iyari nepɨtatuani yunaime teɨteri wahetsie. Xeme xeniwema 'ukitsi 'ukari mepɨtetaxata, 'ukirawetsixi mepɨteheinɨni temarita mepɨtexeiyatsitɨarieni.

'Utseyaxi 12:10

Ne Kakaɨyari niukametemama nepɨtiwarutaxatɨa, mamariwaweme 'inɨari nepɨtixe'uxeitsitɨa, ne ne'utainekaku 'ɨxatsikɨ mepɨtexekuxaxatɨwakai».

'Etsekieri 40:2

Kakaɨyari mɨpaɨ kanetiniunieritɨani, 'Ixaheri kwieyaritsie kanenewitɨni, hikɨ hɨri 'amanutitewatsie kanenakeni. Mana, tatsutɨa neheukaniereka, mana nepixei kii 'a'utɨtɨme kiekari hepaɨ pɨtiyuxexeiyakai.

'Etsekieri 3:15

Mɨpaɨ ne'anetɨ Teri-'Awi nekaniye'ani, Kewaxi hatetsitayaritsie, hakewa memehapaniekai 'ixaheritsixi, yemekɨ waɨkawa nenehɨawetɨ wahamatɨa nepuyuhayewaxɨ 'atahuta tukari.

'Inɨatsie 4:3

Yunaime xekeniwaraka'utɨa xeitewiyari heimana tamamata wiyari huteikɨ meheutiyuneme, huta tewiyari heimana tamamata wiyari me'uti'akame 'ukitsi 'aixɨa memɨ'anene 'ixuriki tukiyarita memɨte'uximayakakɨ.

Memeyekɨ 24:10

hikɨ mekanixeiya 'Ixaheri Kakaɨyarieya. Hetɨana pukumakai tete witsimɨ'ane muyuawi mɨxawatɨ, witsiranuyehekɨatɨ muyuawi hepaɨ.

Tsutɨarika 46:2

Mɨkɨ tɨkaritsie heinɨtsitana, Kakaɨyari 'Ixaheri mɨpaɨ katiniutaxatɨani: —Kakuwu. Kakuwu 'aku. —'Uwa nepayeka —tinita'eiya.

Nɨ'ariekate 10:3

Hikɨ xeitukaritsie tau kɨa kakaiku heinɨtsi hepaɨ 'aneme kaniuxeiya. Kakaɨyari niukieya tuayame hepana 'amiekame kaniuxeiya, mɨpaɨ tikɨhɨaweme: —Kuxineriyu 'aku.

Mateu 17:9

Hikɨ yemuritsie me'akahutɨ, Ketsutsi mɨpaɨ katiniwaruhɨritɨani: —Nixeime xepɨkatehaxaxatɨwani kexemɨte'unenierixɨ, kepaukake Yuri Tewi kenemɨtihɨkɨ, mɨkite watsata nemanukuketɨarieni.

'Etsekieri 10:22

Yaxeikɨa mepɨtehaka'eriekai, Kewaxi hatɨayaritsie nemɨwaruxei hepaɨ. Yuxexuitɨ mɨkɨ yuhɨxima mepuhukai.

Tsutɨarika 15:1

Hikɨ mɨpaɨri tiɨyɨku, Yawé 'Apɨrami kaniutahɨawe heinɨtsika hepaɨ tiyuxexeiyamekɨ: «'Apɨrami, pepɨkaheumaka. Ne 'ahetsie nunuwame nekanihɨkɨtɨni, kenemɨmatiyetuirieni waɨkawa katinayeimɨkɨ».

Rukaxi 3:23

Merikɨtsɨ Ketsutsi xeitewiyari heimana tamamata wiyari yakɨtɨtɨ kanihɨkaitɨni kepauka mitsutɨa mɨpaɨ tiyurienetɨ. Kutse kaninu'ayatɨkaitɨni, mekateniku'eriwakaitɨni, mɨkɨta 'Eri kaninu'ayatɨkaitɨni,

Kitsariyaxi 6:1

Mɨkɨ wiyaritsie ti'aitame 'Utsiyaxi 'ɨmɨkuri, Ti'aitame Kakaɨyari nekaniuxeiya wapaitɨ 'aheutitewametsie 'akakaime mariwetɨ 'uwenitsie 'akaime, yu'ixurikitsie mataxitɨanikɨ tukita naitɨ puyenɨkakai.

Nɨawari 137:1

Wawiruniya hatetsitayaritsie tepetiyaxikekai, 'ana Kerutsareme teha'eriwatɨ tepetitsuanakai.

Keremiyaxi 29:15

Xeme mɨpaɨ xeputiyuaneni: «Yawé Kakaɨyari niukametemama pɨtatsiheyenɨ'airi 'ena Wawiruniya»,

'Etsekieri 10:1

'Ariketa nekaniuniere, Kakaɨyari teɨtamete waheima muyematsie nekatiniuxeiya 'uweni hepaɨ ti'anekame, tsapiru teteyarikɨ wewiyakame.

'Etsekieri 10:10

Naukatɨ mɨxikɨrawi yaxeikɨa pɨtiyuxexeiyakai, naitɨ 'axeikɨa muyemanenihepaɨ pɨtiyuxexeiyakai.