'Epetsutari 6:4 - Kakaɨyari Niukieya

⁴ Xemeta xemɨwapaapama xepɨkawahaxɨatɨaka yutɨɨriyama. Matsi xekeniwawaweriyani xewakuwayatɨ meta xetewa'ɨkitɨatɨ yamɨtikamienikɨ Ti'aitame hetsie tiwiyatɨ.

'Epetsutari 6:4 ပူးပေါင်းရင်းမြစ်များ

Kurutsetari 3:21

Xeme meta xemɨwapaapama, xepɨkawahaxɨatɨaka yuniwema, kapa me'utiwaɨripienikɨ.

Temaiwawemete 22:6

'Aniwe 'etsimuyumate kenekuxaxatɨwani huye 'aixɨa mɨ'ane, kepauka 'ukiratsi mayani hatsuaku pɨka'iku'eirieni.

Temaiwawemete 29:15

Tewi xɨka ti'ɨkitɨarieka kuweiwatɨ timaiwetɨ kanayeimɨkɨ, matsi kemɨ'ane mɨkaheu'ena yumaama kanitewiyatsitɨaka.

Temaiwawemete 19:18

'Aniwe keneheitseritɨaka mexixi 'akuxi yu'ɨxatsitɨarinɨa, matsi pepɨka'iparewieka mɨmɨnikɨ peka'ita'ɨxatsitɨayu.

Hutarieka 'inɨari 6:7

Yaketiniwakuxaxatɨwani 'aniwema. Keniwakuxaxatɨwani kepauka 'akie pemuka, meta kepauka huyeta pemumie, kepauka pemɨkakuximenitsie meta kepauka pemanukukenitsie.

Temaiwawemete 29:17

'Aniwe ketine'ɨkitɨaka, xɨka mɨpaɨ petiuyurieni 'arike 'aixɨa 'iyari pepuyeikani, 'ana temawierika pepexeiyani 'a'iyaritsie hetsienamieme.

2 Timuteu 3:15

Mɨpaɨ pepɨtimate nunutsiyari paitɨ pemɨtimaikaikɨ kemaine 'utɨarika xapayari mɨpatsie, mɨkɨ pɨyɨwe petimaiweme mɨmatsi'ayeitɨanikɨ pemɨtawikweitsitɨarienikɨ yuri peti'erietɨ, mɨpaɨ kemɨtiyɨwe Kɨritsitu Ketsutsi hetsie tiwiyatɨ.

Tsutɨarika 18:19

Ne nepenayexei yuniwema muwata'ɨxatsitɨanikɨ meta watɨɨriyama, Yawé huyeya'utɨa memuhunikɨ, yamemɨteyuriekakɨri tita 'aixɨa mɨti'ane tita mɨtiheitserie. Hikɨ mɨpaɨ me'anekaku Yawé pɨraye'atɨani 'Apɨrahami kemɨtiutahɨawixɨ».

Hutarieka 'inɨari 4:9

»Peru xeyukweriwayurietɨ xekeneu'enana, xepɨkatehatɨtɨmaiyani kexemɨte'unenierixɨ, mexi xe'ayeneniere yu'iyarikɨ xepɨkahetɨtɨmaiyani. Mɨkɨ xekeniwarutaxatɨa yuniwema meta yuteukarima.

2 Timuteu 1:5

Nepɨmatsiha'eriwa yuri kepemɨti'erie yakɨ pekatikuxatatɨ, mɨpaɨ yuri tiuta'erieka meri 'apukatei 'akutsi Ruhira meta 'awarutsi 'Eunitsi. Yuri nepɨti'erie 'ekɨta wahepaɨ yuri pemɨti'eriekɨ.

Temaiwawemete 22:15

'Axamɨtiuyurienikɨ yutemawietɨ temaikɨ hetsie kaniyekani, matsi kɨyekɨ kuweiwatɨ ti'ɨkitɨatɨarietɨ 'ana pɨretimani.

1 Kemɨtiuyɨ 28:20

Meta mɨpaɨ Rawiri yuniwe Tsarumuni katiniutahɨawe: «Kenetɨrɨkaɨyeni meta ketinayu'iwani, hikɨri ketine'uximayaka. Pepɨkamaka meta pepɨkayuweranariyani, karikɨ Kakaɨyari Yawé, nekakaɨyari, 'ahamatɨa kaniuyeikamɨkɨ. Pɨkamatsiku'eirieni pɨkamatsinutuita kepaukake tuki pemɨnɨni.

Kitsariyaxi 38:19

Kemɨ'ane memu'uwa, peru kemɨ'ane xeikɨa memu'uwa, mɨkɨ mepɨhɨkɨ memɨmatsinɨawa, hikɨ ne kenemɨmatinɨawa. Wapaapama yunaitɨ yuniwema mekateniwataxatɨakuni wahetsie kepemɨtiwiyanikɨ.

Kutsuhexi 24:15

Peru xɨka xehetsiemieme 'axa'aneni Yawé mɨti'uximayatsirieka, xekeniwaranayexeiya kemɨ'ane xemɨwarayexeiyani, xetutsima memɨwarayexeiyakai 'Eupɨrate 'anutaɨye, yatɨni kakaɨyarixi 'amuxeutsixi memɨwarayexeiya, hikɨ 'ena wakwietsie xemanu'uwa. Tametsɨ, netɨɨriyama meta ne Yawé tepayexeiyani».

1 Kemɨtiuyɨ 29:19

Yaxeikɨata neniwe Tsarumuni keneupitɨa 'iyari 'aixɨa tiyɨkɨhɨaweme, yamɨtikamienikɨ meta yamɨtiyurienenikɨ 'a'aitsikatsie meta 'a'inɨari niukiyari naimetsie. Keneupitɨa tuki mɨtawewienikɨ hetsiena timieme nemɨtiukuha'aritaxɨ».

'Epetsutari 6:3

mɨpaɨ petiyurienetɨ 'aixɨa pepɨ'itɨarieni 'apepɨreutere kwiepa, pe'uyeikatɨ».

'Itsɨkate 13:12

Hikɨ Manuhani kanita'iwawiya: ―Kepauka yamɨraye'ani kepemutayɨ, nunutsi ketete'iweriya. Ketikamieni.