'Epetsutari 6:17 - Kakaɨyari Niukieya

¹⁷ Kuya yumu'utsie tepɨa kemɨranaketsa, xemeta mɨpaɨ xeketenemaika, xemutawikweitsitɨariekɨ. 'Ixipara kemɨrakwe'e, Kakaɨyari niukieya xehexeiyatɨ xekeneyukwitɨweni, 'Iyari kemɨtiyumiene mɨkɨkɨ.

'Epetsutari 6:17 ပူးပေါင်းရင်းမြစ်များ

Hepɨrayutsixi 4:12

Kakaɨyari niukieya payeniere meta pɨtɨrɨkaɨye, 'aixɨa pɨreutikekema, hepaɨna kareutikekemakaku 'ixipara tsepa naitsata meutixikakauni. Pitixiteke 'ipatatɨ ratukari meta ra'iyari, raturuyari meta ratutanayari naime, pi'inɨata tewi kemɨtiyumate kemɨtiyu'iyaritɨa yu'iyaritsie.

Kitsariyaxi 59:17

Tita mɨtiheitserie yuhetsie nunuwame hepaɨ panutikeni, meta yumu'utsie kananuyukanani kuya xupureruya tiyuwikweitsitɨwamekɨ, mɨtiwarakapitɨanikɨ kamixayari panakatɨni, meta yu'ɨtetsarika matayarikɨ puyuta'eima.

Matsiɨkɨtɨ kemɨratɨa 19:15

Tetana 'ixipara meutixikakauni kaniwayeneikakaitɨni, kɨmana mɨwatiwitenikɨ nuiwarite. «Pɨtiwa'aitɨa tepɨa 'itsɨyari 'akwetɨ». Mɨkɨtɨtɨ kanihɨkɨtɨni kaxie takari mitiketsini kaxie pɨnameta, Kakaɨyari Naimekɨmɨtɨrɨkaɨye haxɨaya mayanikɨ.

1 Tetsarunikatari 5:8

Tame tukaritsie pɨta temɨmiemete tenitamaikakuni, yuri ketemɨte'erie, ketemɨtetakanaki'erie, mɨpaɨ tetenenakatɨkɨkuni kuya kamixaya hepaɨ temɨtakwerienikɨ tatawitsie, tamu'utsie kuya xupureruya hepaɨ tepenakeni ketemɨteta'ikwewakɨ temɨtawikweitsitɨarienikɨ,

Kitsariyaxi 49:2

Neteta 'ixipara 'atamɨariekame patike, pɨnetsi'uti'awietaxɨ yumamá 'etɨrieyatsie, 'ɨrɨ hepaɨ witsine'aneme pɨnetsihayeitɨa, meta pɨnetsi'uti'awietaxɨ yɨ'ɨrɨ 'uitɨwameta.

Matsiɨkɨtɨ kemɨratɨa 2:16

'Ayumieme nepaine, ketineuhayewa kepemɨtiyuriene. Mexɨka pekatiuhayewa, kwitɨwa nepunuani wahetsɨa nepɨnemieneni ne'ixipara neteta mayeneikakɨ.

Matsiɨkɨtɨ kemɨratɨa 12:11

Mɨkɨri mekane'iwa Muxa xuriyayakɨ, meta memɨtekuxatakaikɨ meyuhekɨatatɨ, yutukari memɨka'utikwerikɨ tsepa memukwi'iwaxɨ.

'Utseyaxi 6:5

'Ayumieme nepɨxeheutaxɨriexɨa Kakaɨyari niukametemama newanɨ'akaku, nepɨxe'utiwa neniukikɨ. Kenemɨtixetaxaneta mimierɨkari hepaɨ pɨxeyurieni.

Matsiɨkɨtɨ kemɨratɨa 1:16

Yutserieta xurawetsixi 'atahutame kaniwaratɨkɨkaitɨni, meta tetana pɨwayeneikakai 'ixipara naitsata heutixikakaunitɨ. Nierikaya tau kemɨtixawatɨ hepaɨ pɨtiyuxexeiyakai.

Mateu 4:4

Ketsutsi mɨpaɨ katinita'eiya: ―'Utɨarika mɨpaɨ kanaineni: “Tewi paakɨ xeikɨa pɨka'ayeniereni, Kakaɨyari kemutayɨ, niukieya naitɨ peuyewetseta”.

Mateu 4:7

Hikɨ Ketsutsi mɨpaɨ katinita'eiya: ―Mɨpaɨta kanaineni 'utɨarika: “Ti'aitame mɨ'akakaɨyari pepɨka'inɨataneni”.

1 Tsamuheri 17:5

Yumu'utsie wurunitse tepɨayari panakekai, kamixaya wurunitse tepɨayari peukamanekai, huta tewiyari heimana tamamata heimana 'auxɨwi kiruyari pɨrahetekai,

1 Tsamuheri 17:58

Tsahuri mɨpaɨ katinita'iwawiya. —¿'Ekɨ temaikɨ, kemɨ'ane pepɨraniwe? Rawiri mɨpaɨ katinita'eiya: —'Itsahi Wereni kiekame nepunu'aya, katini'a'uximayatsiriwametɨni.

2 Tsamuheri 22:36

'Ekɨ pepɨnetsiheukunarɨma penetsiwikweitsitɨatɨ, 'aixɨa petiuka'iyarikaku nehetsiemieme 'aixɨa 'anemekɨ nepɨyeyani.

Tsakariyaxi 4:6

Hikɨ niuki tuayame mɨpaɨ kanetiniutahɨawe: «'Ikɨ Yawé kaniniukieyatɨni Tsuruwaweri hetsiemieme kanihɨkɨtɨni: »“Kuyaxi watɨrɨkariyakɨ pɨkatiyɨni meta nixeime tɨrɨkariyayakɨ, matsi Ne'iyari mupatsiekɨ pɨta —Yawé Naimekɨmɨtɨrɨkaɨye mɨpaɨ kanaineni—.

'Epetsutari 5:26

Yuhetsiemieme mɨwapatakɨ mɨpaɨ katiniuyurieni, wa'itietɨ hakɨ niukikɨ.

Hepɨrayutsixi 6:5

yɨkɨmana mɨpaɨ memɨtehetima 'aixɨa kemɨti'ane Kakaɨyari niukieyatsie meta tɨrɨkariya memetima tukari 'umamietsie mieme,