'Epetsutari 6:14 - Kakaɨyari Niukieya

¹⁴ 'Ayumieme 'axekeneti'uka 'aixɨa. Kuya kemɨrayuhɨa, xemeta tita yuri mɨraine xekenekuxatani. Kuya tepɨa kemɨranakatɨkɨ yutawie kapa 'u'axienikɨ, xemeta heitseriemekɨ yaxeketenekahuni.

'Epetsutari 6:14 ပူးပေါင်းရင်းမြစ်များ

Kitsariyaxi 59:17

Tita mɨtiheitserie yuhetsie nunuwame hepaɨ panutikeni, meta yumu'utsie kananuyukanani kuya xupureruya tiyuwikweitsitɨwamekɨ, mɨtiwarakapitɨanikɨ kamixayari panakatɨni, meta yu'ɨtetsarika matayarikɨ puyuta'eima.

1 Tetsarunikatari 5:8

Tame tukaritsie pɨta temɨmiemete tenitamaikakuni, yuri ketemɨte'erie, ketemɨtetakanaki'erie, mɨpaɨ tetenenakatɨkɨkuni kuya kamixaya hepaɨ temɨtakwerienikɨ tatawitsie, tamu'utsie kuya xupureruya hepaɨ tepenakeni ketemɨteta'ikwewakɨ temɨtawikweitsitɨarienikɨ,

Kitsariyaxi 11:5

Tita mɨtiheitserie hɨiyame yunaiparie manakateika pɨhɨkɨtɨni meta yuri mɨraine hɨiyame manakuteika pɨhɨkɨtɨni.

Rukaxi 12:35

»Xekeneyuha'aritɨaka xe'ayɨhɨatɨkaitɨ xekɨxeme takaku.

1 Pekuru 1:13

'Ayumieme xekeneyuha'aritɨaka yu'iyaritsie 'aixɨa 'anemekɨ xeteku'eriwatɨ, xeketeneyu'aitɨaka, naimekɨ xeta'ikwewatɨ 'aixɨa kexemɨ'itɨarieni kepauka Ketsutsi Kɨritsitu matsiɨkɨtɨ mayani.

2 Kurinitutari 6:7

yurikɨ tetekuxatatɨ meta Kakaɨyari tɨrɨkariyaya tehexeiyatɨ, heitserie temupitɨarie kuya tepɨayakɨ, naitsata miemekɨ kɨmana temɨtakwitɨwenikɨ.

'Epetsutari 5:9

(Hekɨariya kemɨtixuaweriya, 'ipaɨ katiniyurienemɨkɨ tewi. Naimekɨ 'aixɨa katiniyurienemɨkɨ, heitseriemekɨ yakatinikamiemɨkɨ, yuri kaniutainemɨkɨ).

Matsiɨkɨtɨ kemɨratɨa 9:17

Hikɨ heinɨtsika hepaɨ nepɨtiwaruxei, kawayutsixi meta memeutayaxiwawe: Yutawitsie tepɨa mekanenakatɨtɨkateitɨni mayetaimaɨyetɨkatei, mayekwauniyatɨkatei, mayetataxawi 'atsupɨre hepaɨ. Kawayutsixi wamu'u mayetsi wamu'u hepaɨ kani'anenekaitɨni, wateta tai kaniwayeneikakaitɨni, kwauni meta 'atsupɨre.

Matsiɨkɨtɨ kemɨratɨa 9:9

Tepɨa hepaɨ 'aneneme mepanakatɨtɨkatei yutawitsie, yu'anakɨ meputixuwarɨkakai, kawayutsixi kuyaxa meheuyukwiyuka mɨkɨ wahepaɨ mepɨteyu'eniɨriukɨkai.

Kuwi 29:14

Tita mɨtiheitserie kamixayari nepanakatɨkɨkai, mɨkɨ nemata nemuwawiwa pɨhɨkɨtɨkai meta nemu'utsie nemayɨhɨaya heitserie nemexeiyanikɨ.

Xumatari 13:12

Tɨkari pɨtixɨxime, tukari kanehuraniri. Hikɨ 'ayumieme teke'iku'eirieni tita teɨteri memɨteyurie yɨwipa timieme. Kuya kemarieya teke'anakatɨkɨni hekɨaripa mieme.

'Epetsutari 6:13

'Ayumieme xekenanu'ɨi Kakaɨyari kuyaximama watepɨa naime. Mɨkɨkɨ xekaniyɨwaweni xemeye'uniekakɨ tsepa tukari 'axamɨ'ane, xekaniyɨwawekuni xemɨti'unikɨ xekakuyuitɨariwatɨ, naime xe'aye'atɨame.

2 Te'aitamete 3:21

Hikɨ kepauka muhawitsixi mɨpaɨ memɨtehetima kename te'aitamete meyuhaikatɨ mehayekɨnekai wahepa mewatakwinike, mɨkɨta mekaniwarukuha'aritɨani yunaime teɨteri kuyakɨ memɨyɨwawekai, hikɨ wakwie manuye'atɨkatsie mekanikuyaxe.