'Epetsutari 6:1 - Kakaɨyari Niukieya

¹ Tɨɨri xekeniwa'enieka yupaapama Ti'aitame hetsie xetewiyatɨ, mɨpaɨ xɨka xeteyurieka pɨheitserie.

'Epetsutari 6:1 ပူးပေါင်းရင်းမြစ်များ

Temaiwawemete 23:22

Kene'enieka 'apaapa mumatsi'ayexei, 'amaama pepɨka'uxieka kepauka waɨkawa mɨtseɨyeni yuwaiyaritsie.

Temaiwawemete 6:20

Neuxei temaikɨ, 'apaapa 'aitsikaya naime kenaye'atɨwani meta 'amaama 'ɨkɨtɨarikaya pepɨkahehɨpani.

Temaiwawemete 1:8

Temaikɨ, keneu'eni 'apaapa kemɨmatiku'ɨxatsitɨwa, meta 'amaama kemɨmati'ɨkitɨa pepɨkahetɨtɨmaiyani.

Hutarieka 'inɨari 21:18

»Xɨka xewitɨ yuniwe hexeiyani 'axatiuka'iyarime katiyu'aitɨarinɨakame, yupaapa meta yumaama, xɨka kawareu'enieka kepauka memiheitseritɨa,

Mawari 19:3

»Xeme yunaitɨ yumaamama meta yupaapama xeketeniwareuyehɨwirieka. 'Uxipiya tukari xekena'eriwani ne Yawé xekakaɨyari nekanihɨkɨtɨni.

1 Timuteu 5:4

Kemɨ'ane wiura yuniwema meta yuteukarima mɨwarexeiya, matsi yemekɨ kaneuyeweka mɨkɨ mɨpaɨ memɨtehetimanikɨ 'aixɨa memɨtewaxeiyanikɨ yukie kiekatari, 'amemɨte'apikakɨ mewaparewietɨ yupaapama, mɨpaɨ Kakaɨyari mɨtinakekɨ.

Xumatari 12:2

Mɨkɨ hikɨ kwiepa memɨtama xepɨkawa'ɨkeni, matsi yɨkɨ xe'anenetɨ xekenakɨni xetihehekwareme kexemɨteku'eriwa. Mɨpaɨ xeteyurietɨ heitseriemekɨ xekaneitimaikuni tita mɨtinake Kakaɨyari, tita 'aixɨa mɨti'ane, titakɨ mɨtinaki'a meta naimekɨ 'aye'atɨ.

Temaiwawemete 30:17

»Kemɨ'ane yupaapa mɨka'enie, meta yumaama mɨkaheu'enie, kwatsari mana mayeweritsie memu'uwa hɨxiteya meke'utikwani, meta maraikatsixi 'ayeniereme waiyarieya meke'utakwani.

Xumatari 7:12

'Ayumieme 'inɨari niukiyari Kakaɨyari hetsɨa kanimiemetɨni, 'aitsikata hetsɨana pɨmieme, pɨheitserie, 'aixɨa pɨ'ane.

Rukaxi 2:51

Hikɨ wahamatɨa kaneyani, Natsareti mekaneta'axɨani, kememaitɨkatei yakatinikamiekaitɨni. Maamaya yu'iyaritsie ni'ɨwiyakaitɨni 'ikɨ naime.

Kuwi 33:27

'Ana tewi yumɨireme wahɨxie yapɨtayɨni: “'Axanepɨtiuyuri, mɨtiheitserie neputsewixima, matsi mɨkɨkɨ yanepɨkarakapitɨarie.

1 Pekuru 2:13

Ti'aitame hetsɨa xemɨmiemetekɨ, yaxeketenekahuni kememutiyuane 'itsɨkate heitserie memexeiya teɨteri watsata, yaxeketenekahuni kwiepa ti'aitame kemaine mɨkɨ mɨmariwekɨ.

'Utseyaxi 14:9

Kemɨ'ane mɨtimaiwe kaneitimaitɨyeikani, kemɨ'ane waɨkawa mɨtiuyemate. Kaniyuritɨni Yawé huyeya kanixeuraɨyeni, mɨkɨ 'utɨma mekaniuhuni heitserie memexeiya, peru kemɨ'ane 'axamemɨteyurie mekanetiketamɨrikeni meteyukahiwe'erietɨ.

Temaiwawemete 30:11

»Hipatɨ mekanixuaweni yupaapama 'axametewakumamatetɨ, meta yumaamama 'aixɨa mekatewarahɨawetɨ.

Tsutɨarika 28:7

meta Kakuwu kepauka metɨa Parani-'Arami paapaya meta kememɨtehehɨawekai.

Nɨawari 19:8

Yawé kemɨti'aita kaniheitserietɨni: 'iyari kanitemawieritɨaweni. Yawé niukieya kanihekɨaka: hɨxite hauneniereme kanayeitɨwani.

'Etsitexi 2:20

'Etsitexi yaxeikɨa 'atsikapainekai kemɨ'ane memɨpaapamamatɨkai meta hakewa mekiekametɨkai, Maxirukeyu kemɨrehɨawekai, yaxeikɨa Maxirukeyu kaneu'eniekaitɨni meripai hepaɨ kepauka 'iweriyakaku kemɨrei'eniekai.

1 Kurinitutari 15:58

'Ayumieme ne'iwama nemɨxenaki'erie, xetseiriyarietɨ xekenakɨni, xepɨkayuyuitɨarinɨaka. Kwini mieme xeketene'uximayaka Ti'aitame hetsiemieme yuheyemekɨ, mɨpaɨ xetemaitɨ, Ti'aitame hetsie xetewiyatɨ tsepa xemɨteyu'uxitɨa, yakɨ xeikɨa pɨkarayani.

Xumatari 16:2

Xekeneutanaki'eri Ti'aitame hetsie xetewiyatɨ, kemɨreuyewetse Kakaɨyari teɨterimama memɨyutanaki'erienikɨ. Xekeneuparewi xɨka tixaɨtɨ reuyehɨaka xehetsɨa. Mɨkɨ tiparewiwametɨtɨ kaniwaparewieka yumɨireme, neta kaneniuparewieni.

Nɨawari 119:75

Yawé, ne nepɨtimate 'a'aitsika 'aixɨa pɨ'ane, meta pɨheitserie kepemɨnetikuwaya.

Tsutɨarika 37:13

Hikɨ 'Ixaheri Kutse mɨpaɨ katiniutahɨawe: —'A'iwama keniwaxeiyamie, muxatsi memɨwarahɨtɨwetsie Tsikeni paitɨ mepekutei. Kutse mɨpaɨ katinita'eiya: —'Aixɨa pɨ'ane.

Keremiyaxi 35:14

Kunarawi xiɨyarimama Xekawi nu'aya yamekatenikahuni kename winu meka'iekakekai memɨtehahɨawarɨwakaikɨ, hikɨ 'akuxi mepɨka'iye'e karikɨ mekanei'enieka watutsi kemɨtiwaru'aitɨa. Xeme matsi mɨixa yanetixekɨhɨawekakutɨtɨ, yaxepɨkatekakɨniwawe.

Nehemiyaxi 9:13

»Tsinahi hɨriyaritsie pepunua, muyuawitsie paitɨ pepuwarutahɨawixɨ. Ketitamɨtiheitserie pepɨtiwarutaxatɨa meta 'inɨari niukiyari yuri maine, 'aitsika 'aixɨa mɨ'anene.

1 Tsamuheri 17:20

Hikɨ Rawiri 'Itsahi kemɨtita'aitɨa katinaye'atɨani. Ximeri paitɨ kananukukeni, mana yumuxatsi xeime tihɨweme 'uhɨritɨaka kaneyani huyeta naime ratɨtɨ 'ikwaite. Kuyaxi mematiteitsie kaninuani yemekɨ, meyukuha'aritɨwakaku me'utihiwatɨ 'aixɨa meteku'uwekaku.

Nɨawari 119:128

'Ayumieme 'a'aitsikate nepuku'eriwa peru kwamanarika nepɨtixani'erie.

Xuti 3:5

Xuti mɨpaɨ katinita'eiya: ―Yanepɨtiyurieni naime kepemɨnerahɨawe.

Keremiyaxi 35:8

Tame naimekɨ yatepɨtekahu Kunarawi, Xekawi nu'aya, tatutsi kemɨtatiuta'aitɨa. Winu hatsuaku tepɨkahe'ieka, ta'ɨitama meta taniwema 'ukitsi.

Keremiyaxi 35:18

Yaxeikɨa Keremiyaxi mɨpaɨ xekawitsixi katiniwarutahɨawe: «Yawé mɨpaɨ kanaineni Naimekɨmɨtɨrɨkaɨye, 'Ixaheri Kakaɨyarieya: “Xeme xemeye'atɨakɨ Kunarawi xe'ukiyari 'aitsikaya, meta naime kemutayɨ yaxemɨtekahukɨ meta yaxemɨte'uyurikɨ naime mɨkɨ kemɨxetiu'aitɨa,

Tsutɨarika 48:12

Hikɨ Kutse yuniwema kaniwaranukuhapani yupaapa hɨxie, mɨkɨta kaniutihɨximakeni.

Tsutɨarika 50:12

Hikɨ mɨpaɨ mekateniuyurieni Kakuwu niwemama kemɨtiwarutahɨawekai meripaitɨ.