'Epetsutari 5:8 - Kakaɨyari Niukieya

⁸ Meripaitɨ yɨwipa xepɨmiemetetɨkai, hikɨri matsi hekɨaripa miemete xekanakɨne Ti'aitame hetsie xetewiyatɨ. Hekɨaripa miemete wahepaɨ xekeneyɨaka.

'Epetsutari 5:8 ပူးပေါင်းရင်းမြစ်များ

Wani 8:12

Merikɨtsɨ Ketsutsi tawari teɨteri katiniwarutixatɨani mɨpaɨ 'utaitɨ: —Ne kwiepa memɨtama wahekɨariwiwame nekanihɨkɨtɨni. Kemɨ'ane mɨnetsi'anuweiya yɨwipa pɨka'uyeikani, matsi hekɨariya kanexeiyakamɨkɨ tukaritɨme.

1 Wani 1:7

Matsitsɨ hekɨaripa xɨka te'u'uwani mɨkɨ hekɨaripa makawe hepaɨ, tanaitɨ tekanitaxewikakuni, mɨkɨ meta, Ketsutsi Kakaɨyari nu'aya xuriyaya naime 'axatemɨteyurie katani'itirieka.

Nɨ'ariekate 26:18

meheunenieretɨ memakɨnekɨ, yɨriya meku'eirieme hekɨariyatsie memɨtewiyanikɨ, kauyumarie tɨrɨkariyaya meku'eirieme Kakaɨyari hetsie memɨtewiyanikɨ, tita 'axamemɨteyurie memɨteheuyehɨwiyarienikɨ nehetsie yuri mete'erietɨ, wahetsie mɨtinakenikɨ tita memɨtetanaki'erieni mɨkɨ nemɨwarupataxɨ nehetsiemieme”.

Kurutsetari 1:13

Kataniutawikweitsitɨani Kakaɨyari, yɨriya heitserie mɨkahexeiyanikɨ tahepaɨtsita. Kataniupata, kemɨ'ane mɨnaki'erie tati'aitɨwame mayanikɨ, nu'ayatɨtɨ.

Wani 12:46

Ne hekɨariya nehɨkɨtɨtɨ kwiepa nekaninuani, yunaitɨ yuri memɨte'erie nehetsie yɨwipa memɨkayuhayewanikɨ.

'Epetsutari 4:18

mekaniuyɨriyarieni kememɨteyumate yu'iyaritsie, heitserie mepɨkahexeiya Kakaɨyari tukari mɨwapitɨanikɨ, mɨkɨ 'atsimemɨkatematekɨ wa'iyari mɨtsetse'ikɨ.

Wani 12:36

Mexi hekɨariya xehexeiya, yuri xeketene'erieka hekɨariyatsie, hekɨaripa miemete xemakɨnekɨ. Mɨpaɨ katinikuxatakaitɨni Ketsutsi, 'arike heyaka kaniyuti'awieta memɨkaheitaxeiyakɨ.

Kitsariyaxi 9:2

Teɨteri yuwipa memu'uwakai hekɨariya mariweme mekaniuxeiya, kemɨ'ane yɨriya 'a'ayetsuime hetsie memu'uwakai hekɨariya kaniwaruhekɨariwiya.

'Epetsutari 2:2

'Anapaitɨ xeniu'uwakaitɨni mɨpaɨ xeteyurietɨ kememɨteyurie hikɨ miemete kwiepa memɨtama, kemɨtiyuriene kemɨ'ane mɨtiwa'aitɨa mɨkɨ heitserie memexeiya 'ekapa memanukuneniere. Kemɨtiyuriene mɨkɨ kakaɨyari hikɨ mɨwakuyuitɨwa mɨkɨ memɨkayuwaɨriya yamemɨtekahunikɨ, mɨpaɨ xekateniyuriekaitɨni xeme.

2 Kurinitutari 4:6

Matsi Kakaɨyari mɨpaɨ mutayɨ: «Hekɨariya yɨwipa ke'uneni», 'utaitɨ, mɨkɨ katanihekɨariwiyani ta'iyaritsie. 'Ayumieme yatetemaitɨ Kakaɨyari kemɨtimariwe, Kɨritsitu hetsie kemɨtimatsiɨkɨ, tekanihekɨariwiyarieka.

Keremiyaxi 13:16

Yawé yukakaɨyari 'aixɨa xeketenahɨaweni, mexi'akɨxi yɨriya kaheyenɨ'awe meta 'akuxi xeme hɨri mɨ'e'etɨtsie xekahekaxɨriwawe. Xeme hekɨariya xepɨtakwewie, peru mɨkɨ kanipatamɨkɨ yɨriya 'amayetsuyekɨ, 'ɨyuwime kanayeitɨamɨkɨ.

Titu 3:3

Tameri tanaitɨ meripaitɨ 'atsitekatemaitɨ tekaniu'uwakaitɨni meta yatepɨkatekahukai. Tepeuyexɨriekai waɨriyarika tepɨte'uximayakai tita temɨtehiwe'eriekaitsie mieme xeikɨa, mɨiremekɨ temɨnaki'akakɨ xeikɨa tepɨyɨakai. 'Atepu'uwakai 'axateteyuriekutɨ meta te'ɨtetsatɨ. Tepɨxani'eriwakai, tepɨta'uxiwe'eriekai tanaitɨ.

Rukaxi 16:8

»Hikɨ kutsiyarieya 'aixɨa kanainekaitɨni ti'uximayatame hepaɨtsita tsepa heitseriemekɨ mɨkayɨanekai, timaitɨ mɨyɨanekaikɨ. Hikɨ miemete matsi metemaitɨ mekaniyɨaka yuteɨterima wahepaɨtsita, hekɨaripa miemete yamekayɨakaku wahepaɨ.

Kitsariyaxi 2:5

Kakuwu kiekarieya, niwa kenaye'a, Yawé hekɨariyayatsie tepuhuni.

'Epetsutari 6:12

Tameri teɨteri tewaraye'unietɨ tepɨkatakwitɨwe. Matsi te'aitamete, heitserie hexeiyamete, mɨkɨ memɨte'aita 'ena yɨwipa naitsarie kwiepa, 'iyarite memɨyukwitɨwe tita 'axamɨti'anetsie mieme muyuawitsie memuxuawe, mɨkɨ tewaraye'unietɨ pɨta tepɨtakwitɨwe.

2 Kurinitutari 3:18

Tame tanaitɨ tahɨxie kaheukunakaku tepihekɨata Ti'aitame witsikemɨ'ane, tsepa yɨxaɨyemekɨ, xikɨritsie tewi kemɨtihekɨata. 'Ayumieme tepɨkupatsiwa, witsite'anenetɨ tepakɨnirɨme, hepaɨna teteyuxexeiyatɨ tete'akɨnirɨme. Ti'aitame 'iyaritɨtɨ mɨpaɨ katiniyurieneni.

Rukaxi 1:79

Mɨwahekɨariwiyakɨ mɨkɨ yɨwipa memu'uwa, meta mɨkɨ mekwi'iwarɨmetɨ memɨyɨriyarie niwahekɨariwiyamɨkɨ, ta'ɨkate katanitseiriyamɨkɨ temeu'uwanikɨ hake 'aixɨa temɨtetaxeiyanikɨ Kakaɨyari matɨa».

2 Kurinitutari 6:14

Yuri memɨkate'erie wahamatɨa xepɨkayuxewiriyani. ¿Titari rexeiya mɨtiheitserie meta tita 'aitsika mɨtititsana hamatɨa? ¿Ketiyuxewi hekɨariya yɨriya hamatɨa?

1 Kurinitutari 1:30

Matsi Kakaɨyari mɨxe'unetɨakɨ, 'ayumieme 'axekaniu'uwani, Kɨritsitu Ketsutsi hetsie kexemɨtewiya. Kɨritsitu kanihɨkɨtɨni kemɨ'ane Kakaɨyari mikaye, temaiwawemete mɨtatsi'ayeitɨanikɨ, tatsipitɨatɨ heitseriemekɨ yatemɨtekahunikɨ, tatsipatatɨ Kakaɨyari hetsiemieme, tatsixɨnatɨ.

Xumatari 2:19

pewaranukuhapame memakɨkɨpe pemɨ'a'erie, hekɨariwiwame pemɨ'a'erie, yɨwipa memu'uwa wahetsiemieme,

Wani 1:9

Tita yurikɨ mɨtihekɨariya, tita mɨtiwahekɨatɨa yunaime teɨteri, mɨkɨ kwiepa kaninuaximekaitɨni.

Mateu 4:16

teɨteri makuyɨwitsie memɨtitei mɨkɨ hekɨariya kwimɨxawatɨ mekaniuxeiya, mɨkɨ yɨwipa memɨkutei hake memɨkwiximekai, mɨkɨ wahetsiemieme hekɨariya kaniuhekɨariwieni».

Kitsariyaxi 49:9

mɨpaɨ pemɨtiwatahɨawekɨ memanutaxɨriya: “Xekenewayekɨni”, meta yɨwita memu'uwa: “Xekanixɨxɨniniri”. »Huye 'aurie xepɨtetikwani meta naitsarie hɨri mu'aiyatsie yu'ikwai xepɨkaxeiya.

Karatsiyatari 5:25

Xɨka 'Iyari tukari tatsipitɨaka, 'Iyari tatsikuwitɨnekaku teke'u'uwani.

Xumatari 1:21

Kakaɨyari mehetimaika, 'aixɨa mepɨka'utiyuanekai hepaɨtsitana Kakaɨyari hepaɨtsita temutiyuane hepaɨ. Pamɨpariyutsi mepɨka'ipitɨakai, matsi yakɨ metekuxatatɨ mekanakɨne mexi niuki mexɨatɨakai, wa'iyari 'atsikatimaiwekaku, kaniukuyɨre wa'iyaritsie.

Kitsariyaxi 49:6

«Neti'uximayatsiriwame pepɨhɨkɨ, meta Kakuwu nuiwarimama pemɨwahekwariya, meta 'ixaheritsixi pemɨwa'atɨani, kemɨ'ane nemɨwa'ɨwiya, hikɨ 'ayumieme nuiwarite wahekɨariwiyame nekamenayeitɨamɨkɨ, newikweitsitɨarika kwie manu'axe paitɨ pemɨtaxatakɨ».

Kitsariyaxi 42:16

memɨkaheuneniere nekaniwaranuwitɨmɨkɨ huyeta memɨkahemaririetsie, huyeta nepɨwaranuwitɨni xewitɨ mɨkahemarietsie, wahetsiemieme yɨriya hekɨariya nepayeitɨani, nepakuweririta mɨkahakuweweritsie. Mɨpaɨ nekatiniyurimɨkɨ, meta nepɨkawaku'eirieni.

'Epetsutari 5:2

Xeteyukanaki'erietɨ xekeneu'uwani, yaxeikɨa Kɨritsitu kemɨtatinaki'erie, kemɨtiyuyetua tahetsiemieme mɨmierienikɨ. Mawaritɨtɨ kaniyuyetuani 'ixatɨatɨ Kakaɨyari, 'inaki'atsitɨatɨ.

Nɨ'ariekate 17:30

Hikɨ Kakaɨyari 'axapɨkatixeiyakai tita memɨteyuriekai kepauka 'atsimemɨkatemaikai, peru hikɨri pɨwahekɨatsitɨa yunaime teɨteri naitsarie memɨtama memɨtehayewanikɨ kememɨteyurie.

Nɨawari 74:20

Kena'eriwani 'atɨratu, naitsarie 'ikɨ kwieyaritsie nanaimarika xeikɨa kanixuaweni.

Kitsariyaxi 50:10

¿Kemɨ'ane xeme Yawé payemakaxe meta kemɨ'ane xeme tiyu'uximayatsiriwame peu'enie? Tsepanetɨ yɨwikɨta mumie, 'etsiwa tɨma kahekɨariwiyarietɨ, Yawé hetsie yuri keti'erieka, meta Kakaɨyari hetsie ketiwiyani.

Mateu 3:8

Yaxeketeneu'uwani xematsiɨkɨtɨ xemɨte'uhayewaxɨkɨ 'axaxeteyurietɨ.

Wani 12:35

Ketsutsi 'ayumieme mɨpaɨ katiniwarutahɨawe: —Yapaɨmexɨa xeikɨa hekɨariya xetsata kaniuyeikamɨkɨ. Mexi hekɨariya xehexeiya xekeneu'uwani, yɨriya kapa xeha'iwakɨ. Kemɨ'ane yɨwipa muyeika 'atsipɨkatimate kemɨtimie.

Xumatari 13:12

Tɨkari pɨtixɨxime, tukari kanehuraniri. Hikɨ 'ayumieme teke'iku'eirieni tita teɨteri memɨteyurie yɨwipa timieme. Kuya kemarieya teke'anakatɨkɨni hekɨaripa mieme.

Kurutsetari 1:12

xeyutemamawietɨ pamɨpariyutsi xemipitɨakakɨ ta'ukiyari. Mɨkɨ yɨwemete katanayeitɨani, tahetsie mɨtinakenikɨ tita Kakaɨyari teɨterimama wahetsie mɨtinakeni hekɨaripa memu'uwa.