'Epetsutari 5:18 - Kakaɨyari Niukieya

¹⁸ Xepɨkatarɨwetɨweni winukɨ. Mɨpaɨ tiyurienetɨ pɨrukuyaneni xeikɨa. Matsi 'Iyarikɨ pɨta xekenehɨpɨneni.

'Epetsutari 5:18 ပူးပေါင်းရင်းမြစ်များ

Temaiwawemete 20:1

Xɨka winu 'anu'ieni ka'uka'iyaritɨ payani, yaxeikɨa nawa xɨka 'anu'ieni teɨteri pɨwaxamurieni, xewitɨ 'ietɨ timaiweme hepaɨ pɨkatiku'eriwa.

Xumatari 13:13

'Aixɨa 'anemekɨ teke'u'uwani hekɨaripa memu'uwa wahepaɨ teyɨatɨ, teka'ixɨaratɨwetɨ, tekatarɨwetɨ, hipame tekawakumaɨwatɨ, tekarukutsixitɨtɨ, tekaheta'eririyatɨ meta teka'ɨtetsatɨ.

Rukaxi 1:15

kanimariwemɨkɨ Kakaɨyari hɨxie. Kaxie winuyari yatɨni xeime winu pɨkaye'eni, 'Iyari Mɨtiyupata kaniwiyamɨkɨ mɨtinuiwatsie paitɨtɨ.

Kitsariyaxi 5:22

Xɨa'ui kemɨ'ane kwinimieme winu memɨteheuta'iwawe, memɨkamama timɨireme mete'anuye'etɨ memɨtitaruwenikɨ,

1 Kurinitutari 5:11

Peru hikɨ 'ipaɨ nekanaineni, kenemɨtixe'u'utɨiri 'ana, ta'iwa yuxatatɨ xɨka rukuyaneni, xɨka naime tihiwe'erieka yuhetsiemieme, xɨka tetexi warayexeiyani, xɨka 'axa'utaineni hipame wahepaɨtsita, xɨka taweneni, xɨka tinawayani, mɨpaɨ nepaine, mɨpaɨ 'aneme xepɨkanɨka, nihamatɨana xepɨkatekwaka.

Nɨ'ariekate 11:24

Mɨkɨ tewi 'aixɨa pɨtiyurienekai, 'Iyari Mɨtiyupatakɨ pɨhɨnekai, meta yuri pɨti'eriekai. Yumɨiretɨ teɨteri Ti'aitame hetsie mekateniuwiya.

1 Tetsarunikatari 5:7

Kukutsumete tɨkakɨta mekanikutsuni, tarɨwekarixi tɨkakɨta mekanitarɨweka.

Rukaxi 12:45

Peru mexɨka mɨkɨ ti'uximayatame mɨpaɨ tiuyɨhɨawe: “Nekutsiyari 'epɨreutere kwitɨwa pɨkanuani”, hikɨ xɨka warutiwatɨyani te'uximayatamete 'ukitsi meta 'ukari, meta xɨka tikwaneni meta 'ieneni meta taweneni.

Rukaxi 11:13

Xɨka xeme 'axaxeteyuruwametetɨtɨ 'aixɨa ti'aneme xetewamikwani yɨtɨriyama, matsi xe'ukiyari taheima makawe matsi yemekɨ 'Iyari Mɨtiyupata taheima mɨmieme kaniwamimɨkɨ mɨkɨ memitawawiri».

1 Kurinitutari 6:10

xɨka tinawayani, xɨka naime tihiwe'erieka yuhetsiemieme, xɨka taweneniri, xɨka 'axa'utaineni hipame wahepaɨtsita, xɨka tiyukwamanani tuminikɨ, hetsiena pɨkatinakeni maye'anikɨ, Kakaɨyari ti'aitɨwame mayanikɨ.

Titu 1:6

kemɨ'ane mɨkaniukimarie, kemɨ'ane xeihɨkɨame mɨ'ɨya, kemɨ'ane yɨtɨriyama mɨwarexeiya yuri mete'eriekame wahetsie karahɨiwakaku, kename merukuyatɨwe kename mekahei'enie mɨpaɨ karaniuwakaku.

Rukaxi 21:34

»Xekeneyɨ'ɨwiyani kapa xe'iyari 'u'itutuperekɨ xeku'ixɨaratɨwekaku xetarɨwekaku kwiepa mieme tukarikɨ xeyu'iyaritɨakaku. Xɨka mɨpaɨ xeteyuriekake, 'iya tukari yapauka pɨxe'axe,

Kitsariyaxi 55:1

»Xekenakɨni haa mayema yunaitɨ kemɨ'ane xemeuhariku. Xekenakɨni xeketenananaiyu meta xeketenakwaiyu kemɨ'ane tumini xemɨka'umana. Xekenakɨni, winu xekeneunanai meta retsi xekateyutuatɨ.

Hutarieka 'inɨari 21:20

Hikɨ paapamama 'ukirawetsixi mɨpaɨ mepɨtewatahɨawe: “'Ikɨ taniwe pɨkaheu'ena 'axapɨtiuka'iyari, kemɨtinake xeikɨa pɨtiyuriene meta pɨtawekame. Pɨkatatsi heu'enie”.

1 Kurinitutari 11:21

Karikɨ yuxexuitɨ xekaniyumexɨitɨaka yu'ikwai xemɨtikwanikɨ kepauka xemɨtekwa'a. Hipatɨ mekaneuhakakwikuni, mexi hipatɨ metarɨweka.

Kwikari 1:4

Kene'amexɨitɨaka, 'ahetsiemieme yemekɨ kenenayeitɨa. Kenenanuwitɨki pemuyehuputsie, ti'aitame. Tepuyutemamawieka ta'iyarikɨ teyunaitɨ, tepiku'eriwani kepemɨti'amaɨwa keyuri winu. Titakɨ mɨmatinaki'erieka panayuhayewa.

Tsutɨarika 9:21

Heiwa kaxie winuyari kaniuti'ieni kaniutitaweni, mawetɨ katiniuhuni 'ixuriki kiiyarita paitɨ.

Mateu 23:25

»Xɨa'ui xeme, 'inɨarikɨ xemɨte'ɨkita meta paritseutsixi, xemɨte'itawamete. Herie xeikɨa xepika'itiwa tekɨxi meta xakɨ, peru yutaɨta xepɨhɨpɨne 'inawarikɨ meta xeyutatuatɨ 'axaxemɨteyuriekakɨ.

Kitsariyaxi 25:6

Yawé Naimekɨmɨtɨrɨkaɨye, 'ikɨ hɨriyaritsie katinikuha'aritɨamɨkɨ yunaime teɨteri wahetsiemieme 'ikwai 'ixɨarariyari witsiti'aneneme ranapikame, winu xeiwiyari mexeiya 'ixɨarariyari, 'ikwaite 'aixɨa ti'anenekame meta winu 'aixɨa mɨ'ane xeiwiyari mexeiya.

Nɨawari 69:12

Kitenie memutayaxike nehepaɨtsita niuki mekanixɨatɨaka, memɨtarɨwe 'axa'anemekɨ mekaneniutakwikani.

Mateu 24:49

hikɨ xɨka warutiwatɨyani yuhepaɨ te'uximayatamete, meta xɨka tikwaneni meta 'ieneni tarɨwekarixi wahamatɨa.

Kwikari 7:9

winu witsima'ane hepaɨ keha'aneni 'ateni. Winu witsima'ane 'uki neminaki'erie hetsɨa keye'ani, tenieyatsie ke'utayani meta tameteyatsie.

Mawari 10:9

«'Ekɨ meta 'aniwema kaxie winuyari xepɨka'ieka 'ixuriki tukiyarita kepauka xemautahaxɨani kapa xe'ukwinikɨ. 'Ikɨ 'aitsika yuheyemekɨ kanihɨkɨtɨkamɨkɨ xexiɨyarima wahetsie mieme yamemɨtekahunikɨ.

Wani 2:10

Mɨpaɨ katinitahɨawe: —Yunaitɨ teɨteri kaxie winuyari 'aixɨa ma'ane mekaniwa'itɨaka meri, kepauka memɨtitarɨweni 'axamɨ'ane 'ana mepɨwa'itɨa. 'Ekɨtsɨ pɨta pekanitikwerieni kaxie winuyari 'aixɨa ma'ane hikɨkeri temenu'ienikɨ.