'Epetsutari 5:17 - Kakaɨyari Niukieya

¹⁷ 'Ayumieme 'atsimemɨkatemate wahepaɨ xepɨkayɨaka, matsi pɨta xekenemaika tita Ti'aitame mɨtinake.

'Epetsutari 5:17 ပူးပေါင်းရင်းမြစ်များ

Xumatari 12:2

Mɨkɨ hikɨ kwiepa memɨtama xepɨkawa'ɨkeni, matsi yɨkɨ xe'anenetɨ xekenakɨni xetihehekwareme kexemɨteku'eriwa. Mɨpaɨ xeteyurietɨ heitseriemekɨ xekaneitimaikuni tita mɨtinake Kakaɨyari, tita 'aixɨa mɨti'ane, titakɨ mɨtinaki'a meta naimekɨ 'aye'atɨ.

1 Tetsarunikatari 5:18

Pamɨpariyutsi xekenepitɨaka Kakaɨyari naime hepaɨtsita, mɨpaɨ katininakeni Kakaɨyari yaxemɨteyuriekakɨ Kɨritsitu Ketsutsi hetsie xetewiyatɨ.

Kurutsetari 1:9

Yatetehetimaika 'anapaitɨ hikɨke, tame 'ayumieme tepɨkatehayewa tetanenewietɨ xehetsiemieme, mɨpaɨ tete'iwawirietɨ Kakaɨyari, xemɨhɨpɨnenikɨ yaxetemaitɨ tita mɨtinake Kakaɨyari, naimekɨ xetemaiwawetɨ, 'Iyaritsie timieme xetemaitɨ naimekɨ,

'Epetsutari 5:15

'Ayumieme xekeneyukweriwayurieka 'aixɨa kexemɨte'u'uwa. 'Atsimemɨkatemate wahepaɨ xepɨkayɨaka, memɨtemaiwawe wahepaɨ pɨta xekeneyɨaka,

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».

1 Pekuru 4:2

'Ayumieme mexi'akuxi yuwaiyaritsie 'ayeniereni, tiukahiwe'erietɨ pɨkayɨaneni, teɨteri kememɨte'ukahiwe'erie, matsi pɨta Kakaɨyari kemɨtinake katiniyurienemɨkɨ.

Kurutsetari 4:5

Xetemaiwawetɨ xekeneyɨaka yuri memɨkate'erie xewakɨhɨawetɨ, kepauka xemɨyɨwawe 'aixɨa xemɨteyurienikɨ, yemekɨ mɨpaɨ xeketeneuyuri.

Wani 7:17

Xɨka tewi yuwaɨriyani yamɨtikamienikɨ tita mɨtinake Kakaɨyari, katinimaikamɨkɨ tita nemɨti'ɨkita hepaɨtsita, xɨka Kakaɨyari hetsɨa miemetɨni, yanutsutɨni nekɨmana ne'utaineni xeikɨa.

Nɨawari 111:10

Xɨka xewitɨ timaiwetɨ heuyeimɨkɨni ke'itsutɨani Yawé 'ayemakatɨ, kemɨ'ane 'aitsika memaye'atɨa mekanimatsiɨkɨni, heitseriemekɨ yamekateniyurieka. Peuyewetse Kakaɨyari temɨnɨawani yuheyemekɨ.

Kuwi 28:28

Hikɨ teɨteri mɨpaɨ katiniwarutahɨawe: «Ti'aitame 'ayemakatɨ mɨtimaiwenikɨ kanihɨkɨtɨni. 'Axamɨti'ane hepaɨtsita yukweriwayurietɨ: mɨkɨ mɨreutamaiwe pɨhɨkɨtɨni».

Temaiwawemete 14:8

Mɨtimaiwe yapɨtimate kemɨtiyurieni ke'anemekɨ mumieni, matsi mɨkatimaiwe yukɨmana puyukwamana.

Temaiwawemete 2:5

hikɨ yapepɨretimani Yawé kemɨrayemakaxenikɨ meta pepikaxeiya Kakaɨyari kemɨtiuyemate.

Hutarieka 'inɨari 4:6

Xekenaye'atɨaka meta yaxeketeneu'uwani, mɨpaɨ 'ana xepɨtematsiɨkɨre kename xete'uyemate xetemaiwawe hipame nuiwarite wahɨxie. Mɨkɨ mepitamarieni naime 'ikɨ 'inɨari niukiyari, hikɨ 'ana mɨpaɨ mepɨtiyuani: “Yurikɨ, 'ikɨ teɨteri mepɨte'akumate meta mepɨtemaiwawe, 'ikɨ nuiwari memɨmariwe mepɨhɨkɨ”.

Temaiwawemete 23:23

Tita mɨtiyuri meta mɨtimaiwenikɨ mɨ'ayumieme 'ahetsie keneupitɨa, meta pemɨheitseritɨariekakɨ meta pemeitimaitɨyeikanikɨ, meta pepɨka'itsewiximaka.

Nɨawari 119:27

Keneneupitɨa 'a'aitsika hepaɨtsita nemɨtimaikakɨ, mariwemekɨ kepemɨtiuyuri nemuku'eriwanikɨ.