'Epetsutari 5:14 - Kakaɨyari Niukieya

¹⁴ 'Ayumieme mɨpaɨ paine: «'Ekɨ pemɨkutsu, kenanutanieri, mɨkite watsata kenanukukexi, meta Kɨritsitu kamanihekɨariyamɨkɨ».

'Epetsutari 5:14 ပူးပေါင်းရင်းမြစ်များ

Kitsariyaxi 60:1

»Kenanukukexi, kenexawatɨni, 'ahekɨariya kaninuaniri. Yawé xawatɨriyaya 'ahetsie kaniutitataweni.

Kitsariyaxi 26:19

Peru 'ahetsie metewiyatɨ memukwi mepanutaneniere, wa'umete tukari hexeiyatɨ payani. Xekenanutanenieri xekeneutihiwani temawierikakɨ, tumuanaripa xemɨkiekatari. Haɨtsi 'ahetsɨa mieme, haɨtsi ximeri mieme hepaɨ kani'aneni, kwie meta yumɨkite puwayetuani.

1 Tetsarunikatari 5:6

Merikɨte, 'ayumieme tepɨka'u'itutupeni hipame wahepaɨ, tepayeneniereni pɨta, tepɨtamaika.

Kitsariyaxi 52:1

Kenanutanieri, Tsiyuni, kenanutanieri. Tɨrɨkariya kenanakatɨki. Kerutsareme, kiekariyari pemɨpatsie, 'akamixa witsimɨ'ane kenanakatɨki, kemɨ'ane xitekiya 'inɨariyari memɨkahexeiya meta kemɨ'ane memɨka'itiyatɨka, 'ahetsie tawari mepɨkaheutahaxɨani.

2 Kurinitutari 4:6

Matsi Kakaɨyari mɨpaɨ mutayɨ: «Hekɨariya yɨwipa ke'uneni», 'utaitɨ, mɨkɨ katanihekɨariwiyani ta'iyaritsie. 'Ayumieme yatetemaitɨ Kakaɨyari kemɨtimariwe, Kɨritsitu hetsie kemɨtimatsiɨkɨ, tekanihekɨariwiyarieka.

Kurutsetari 3:1

Xɨka Kɨritsitu matɨa xe'anuku'uitɨarieni, taheima timiemekɨ xekeneyuwaɨriyani, hakewa meka Kɨritsitu, Kakaɨyari tserieta 'akaitɨ.

Kitsariyaxi 51:17

Kenanutanieri, Kerutsareme, kenanutanieri. 'Ekɨ kenanukukexi, Yawé mamayatsie haxɨa tekɨxiyari pemanu'i, 'ekɨ, tekɨxieya naime pemanɨxɨ 'iya tekɨxi teɨteri muwaratixɨrɨwa.

Xumatari 6:13

Xepɨka'iyetuaniri yuwaiyari para kɨmana 'axaxemɨteyuriekakɨ heitseriemekɨ yaxekatekahutɨ. Matsitsɨ mɨkɨ memanutanenierixɨ mɨkite watsata wahepaɨ xeyɨatɨ, xekeneyuyetuaka Kakaɨyari mɨxekuyuitɨirienikɨ xewaiyari, heitseriemekɨ yatiyurienetɨ.

Wani 9:5

Mexi kwiepa ne'uyeikani, nekanihekɨariyatɨni kwiepa memɨtama wahetsiemieme.

Wani 8:12

Merikɨtsɨ Ketsutsi tawari teɨteri katiniwarutixatɨani mɨpaɨ 'utaitɨ: —Ne kwiepa memɨtama wahekɨariwiwame nekanihɨkɨtɨni. Kemɨ'ane mɨnetsi'anuweiya yɨwipa pɨka'uyeikani, matsi hekɨariya kanexeiyakamɨkɨ tukaritɨme.

'Epetsutari 2:5

'Ayumieme tsepa temɨmɨkitetɨkai teheuyexɨrietɨ, mɨkɨ Kɨritsitu mame katananutanieritɨani. 'Aixɨa mɨtiuka'iyarikɨ xeputawikweitsitɨarie.

1 Kurinitutari 15:34

Xekeneyuta'eriwani heitseriemekɨ kemɨreuyewetse, 'axaxepɨkateyurieka. Hipatɨ xeme 'atsixepɨkatehetimaiwawe Kakaɨyari hepaɨtsita. 'Ipaɨ nepaine nexetewiyatsitɨanike.

2 Timuteu 1:10

Hikɨri matsiɨkɨme kanayeitɨani 'aixɨa kemɨtiuka'iyari, munuakɨ tatsiwikweitsitɨwame Kɨritsitu Ketsutsi, mɨkɨ kemɨtiuyuri, taheyemekɨ temɨkakwi'inikɨ yakatiniuyurieni meta katiniutahekɨata ketemɨte'ayeyuyurini ketemɨkatetipɨne niuki 'aixɨa manuyɨnekɨ.

2 Timuteu 2:26

memanutahɨtɨarienikɨ memɨtawikwenikɨ Kauyumarie winiyarieyatsie kɨmana memuwiyarie yamemɨtekahunikɨ kemɨtinake 'iya.

Nɨ'ariekate 13:47

Mɨpaɨ Ti'aitame pɨtatiuta'aitɨa: »“Ne hekɨariwiwame nepɨmatsi'ayeitɨa nuiwarite wahetsiemieme, Pemɨwatawikweitsitɨanikɨ naitsarie kwie manunieretsie paitɨ”».

Rukaxi 1:78

Mɨpaɨ katiniyuriemɨkɨ takakaɨyari mɨtiyukanenimayakɨ. Mɨpaɨ kemɨ'ane taheima mɨmieme kaninuamɨkɨ.

Rukaxi 15:24

'Ikɨ neniwe 'umɨme nekani'eriekaitɨni peru kananutaniere, kaneuyewekaitɨni peru kaniutaxeiyarieni”. Hikɨ 'ana meyutemamawietɨ mekanakɨne yunaitɨ.

'Epetsutari 2:1

Xemeta hepaɨna kanixe'anutanieritɨani tsepa xemɨmɨkitetɨkai xeheuyexɨrietɨ 'axaxeteyurietɨ.