'Epetsutari 5:11 - Kakaɨyari Niukieya

¹¹ Xepɨkayuxewiriyani mɨkɨ yɨwipa timieme kememɨteyurie wahamatɨa. Tixaɨtɨ pɨkatitixuawere kememɨteyurie. Matsi xekeniwahekɨatani kememɨteyurie.

'Epetsutari 5:11 ပူးပေါင်းရင်းမြစ်များ

Xumatari 13:12

Tɨkari pɨtixɨxime, tukari kanehuraniri. Hikɨ 'ayumieme teke'iku'eirieni tita teɨteri memɨteyurie yɨwipa timieme. Kuya kemarieya teke'anakatɨkɨni hekɨaripa mieme.

1 Timuteu 5:20

Mɨkɨ 'axamemɨteyurie keniwarutati'a yunaitɨ mematsi'eniekaku hipatɨta marika memexeiyanikɨ.

2 Tetsarunikatari 3:6

'Iwamarixi, Tati'aitɨwame Ketsutsi Kɨritsitu hetsɨa temɨmiemetekɨ 'ipaɨ tetenixe'aitɨaka, xemɨwahayewakɨ yunaime ta'iwama 'amemu'uwa meyɨ'ɨraxietɨ yamekatekahutɨ ketemɨtexe'ɨkitɨa.

Xumatari 16:17

Ne'iwama, mɨpaɨ nekatinixewawirieka, xekeniwaxeiyani mɨkɨ hixɨata memɨxetsana memɨxeti'ɨkamɨra, mɨkɨ keyaxemɨkate'uta'ɨkitɨarie meteyurietɨ. Xekeneyupata mɨkɨ wahepaɨtsita.

Matsiɨkɨtɨ kemɨratɨa 18:4

Hikɨ xeimeta nekaniu'enieni muyuawitsie mɨpaɨ hetaineme: «Kiekaritsie xekenewayekɨni neteɨterima, wahepaɨ xemɨkayɨakakɨ mɨkɨ 'axakememɨteyurie, 'uximatɨarika xehetsie mɨkatinakenikɨ,

Titu 2:15

Mɨpaɨ ketinekuxatani meta waɨriyarika keniwapitɨaka, keniwahekɨatɨaka heitserie petiwa'aitɨatɨ, xewitɨ mɨkamatsitawe'eriekakɨ.

2 Tetsarunikatari 3:14

Xewitɨ xɨka ka'i'enieni tita temɨte'utiyuane 'ikɨ xapatsie tete'utɨatɨ, xekenetimati 'iya, hamatɨana xepɨkayɨnɨka, 'iya mɨtewiyatsitɨarienikɨ.

Xumatari 6:21

¿Kexete'utixuxuawerekai 'ana? Hikɨ xepɨyutetewiya mɨkɨ hepaɨtsita, kemɨ'ane mɨpaɨ mɨtiyuriene, mɨkɨ mɨkitɨ kanayeimɨkɨ.

2 Timuteu 4:2

Niuki kenekuxatani. Mɨkɨkɨ kene'ayumiemetɨni penaki'eriwatɨ pekanaki'eriwatɨ. Keniwarutati'a keniwaku'imaiyani keniwatuikani. Naimekɨ 'eketineutewini petiuka'eniwatɨ, naimekɨ ketine'ɨkitani.

2 Timuteu 3:5

Kakaɨyari mayexeiya hepaɨ mepɨteyuhekɨaka, peru mepɨyuhekɨatani katɨrɨkaɨyeme memɨ'eriekɨ tita memɨte'ayexeiya. Ta'aurie kenawetsi mɨya memɨ'anene wahetsɨa pemɨka'uyeikanikɨ.

Karatsiyatari 6:8

Kemɨ'ane yuwaiyaritsie xeikɨa mɨtiuka'e, waiyarieya pitixuawitɨirieni pɨniya, 'ika'itsanayu. Kemɨ'ane 'Iyaritsie mɨtiuka'e, 'Iyari pitixuawitɨirieni tukari mɨkaxɨwe, 'ika'itsanayu.

Temaiwawemete 29:1

Kemɨ'ane mɨixa tierikayarikɨ mɨkaheu'ena yapauka kanika'unariemɨkɨ kanenimayatsietɨ.

Temaiwawemete 13:18

Kemɨ'ane 'ɨkitɨarika mɨka'anu'enieni tixaɨtɨ karexeiyatɨ payani meta tewiyatsitɨarietɨ, matsi kemɨ'ane manu'ena waɨkawa 'aixɨa pɨrahɨawarɨwani.

Mawari 19:17

»'A'iwa 'a'iyaritsie pepɨka'uxiwe'erieka, matsi 'ahepaɨ tewi keneutati'a hahekɨakamekɨ kapa petiuka'eniexɨanikɨ mɨkɨ ke'axamɨtiuyurikɨ.

1 Tetsarunikatari 5:7

Kukutsumete tɨkakɨta mekanikutsuni, tarɨwekarixi tɨkakɨta mekanitarɨweka.

Rukaxi 3:19

Hikɨ Herurexi mɨkɨ kwieyari kanihɨritɨariekaitɨni mana mɨti'aitanikɨ. Yu'iwa kaniu'ɨyapieni, Heruriya titewakame kaniutiwitɨni, waɨkawa katiniyurienekaitɨni Herurexi 'axatiyurienetɨ, 'ayumieme Wani kanitate'akaitɨni.

'Epetsutari 5:7

Merikɨte, xepɨkayuxewiriyani wahamatɨa kememɨteyurie.

'Epetsutari 4:22

'Ayumieme kexemɨte'u'ɨkitɨarie, xekenanutihɨna tita mɨtiye'i, xeketeneuhayewa kexemɨyɨakai meripaitɨ. Kemɨ'ane mɨpaɨ mɨtiyuriene, mɨkɨ kanitapɨnirɨmeni 'irɨmari kemɨtihiwe'eritɨa.

Kitsariyaxi 29:21

Kemɨ'ane niukikɨ xeime hetsie mɨtiɨhɨpa, kemɨ'ane tixanetɨariwame memɨwiniya, meta 'itarikakɨ 'aixɨa mɨtiuyeika memɨnanaima.

Temaiwawemete 25:12

Hanira meta kuka tɨwame hurukɨ muwewiya hepaɨ kani'aneni, timaiweme matsi'utatieyu xɨka yemekɨ pe'i'enieni.

Nɨawari 141:5

'Aixɨa mɨti'ane kenetsiku'imaiyani, naki'eriya kenetsi'utate'ani, witsimu'ɨa 'axateyuruwamete wapiini nemu'utsie pɨkayuhayewani, nemuyunenewiekɨ wahepaɨtsita ke'axamemɨteyuriekɨ.

Tsutɨarika 20:16

Tsara meta mɨpaɨ katiniutahɨawe: —Neuxei, 'a'iwa nepu'ɨitɨa tamamata heimana xewi kiruyari heimana 'imeriyu pɨrata tepɨayari, mɨkɨ kani'ayumiemetɨni 'axapemɨkaramamatiwanikɨ, mɨpaɨ memɨtehetimanikɨ 'a'iwama kename 'ekɨ 'atsipekatiuyuri, mɨpaɨ xewitɨ 'atsipɨkametitamani.

Temaiwawemete 19:25

Kemɨ'ane mɨtiyukatawe'erie ke'ukuweiyaxɨani, 'ana 'atsimɨkatimate kemɨreuyewetse yamɨtiyurienikɨ niereme yapɨretimani, kemɨ'ane mɨtiuyemate keneutaheitseritɨa 'ana tiuyemaitɨa kanayeimɨkɨ.

Temaiwawemete 15:12

Kemɨ'ane mɨtiyukatawe'erie pɨka'inake mɨta'ɨxatsitɨarienikɨ, meta pɨka'inake memɨtemaiwawe mɨwanɨka.

Mateu 18:15

»'A'iwa xɨka 'axa'utayɨni 'ahepaɨtsita, hetsɨana kenemie yaketineutahɨawi yɨhɨkɨate xeti'utɨ 'ekɨ mɨkɨ hamatɨa. Xɨka matsi'u'enieni, 'a'iwa pɨhɨkɨtɨni xepuyunaki'erieka.

Keremiyaxi 15:17

Ne 'ixɨararitsata memɨ'iyamatɨka nepɨkawatinɨiwe, meta wahamatɨa nepɨkanetitemawiwe 'akuxi, nexaɨtame nepuyeika, nehamatɨa pemuyeikakɨ meta pekaneniuyehaxɨatɨani wahepaɨtsita.

Temaiwawemete 1:31

Tita tewi mɨtiuka'e mɨkɨ katinika'itsanamɨkɨ, pɨtitimɨiriya tita yuhetsie mɨtiupitɨa pɨka'ikemakaxɨani,

1 Timuteu 6:5

kememɨkatehayewa meniukixietɨ, mɨpaɨ mepɨteyurie teɨteri memɨtipɨnirɨme kememɨteyumate memeiwiwi tita yuri mɨraine. Mɨpaɨ mekateniku'eriwani, kemɨ'ane mɨrayexeiya 'iwarika pexeiya.

Temaiwawemete 1:10

Temaikɨ, xɨka 'axateyuruwamete memateku'itaiyani, wahamatɨa pepɨkaheyeikani.

Temaiwawemete 28:4

Kemɨ'ane 'inɨari niukiyari memuku'eiri 'aixɨa meputiyuaneni 'axateyuruwamete wahepaɨtsita, matsi kemɨ'ane memi'enie mekaniwa'uxiwe'erieka.

Nɨ'ariekate 26:18

meheunenieretɨ memakɨnekɨ, yɨriya meku'eirieme hekɨariyatsie memɨtewiyanikɨ, kauyumarie tɨrɨkariyaya meku'eirieme Kakaɨyari hetsie memɨtewiyanikɨ, tita 'axamemɨteyurie memɨteheuyehɨwiyarienikɨ nehetsie yuri mete'erietɨ, wahetsie mɨtinakenikɨ tita memɨtetanaki'erieni mɨkɨ nemɨwarupataxɨ nehetsiemieme”.

'Epetsutari 5:12

'Awie kememɨteyurie mɨkɨ, putewiuyɨkɨre mɨwakuxatanikɨ.

Kurutsetari 1:12

xeyutemamawietɨ pamɨpariyutsi xemipitɨakakɨ ta'ukiyari. Mɨkɨ yɨwemete katanayeitɨani, tahetsie mɨtinakenikɨ tita Kakaɨyari teɨterimama wahetsie mɨtinakeni hekɨaripa memu'uwa.

1 Timuteu 5:22

Kwitɨwa xeimetsie pepɨka'utimemeni, mɨkɨ meta 'axakememɨteyurie hipatɨ 'ahetsieta rahɨiwanikɨ. Pe'itiyatɨ kene'a'ɨwiyani.