'Epetsutari 4:9 - Kakaɨyari Niukieya

⁹ (¿Merikɨte ketita tixata «wapaitɨ 'anutiyaka» maine, mɨpaɨ xɨari paine, peukayune meri 'emeukatewatsie kwiepa paitɨ?

'Epetsutari 4:9 ပူးပေါင်းရင်းမြစ်များ

Wani 3:13

Xewitɨ taheima pɨka'anutiyeiwe, mɨkɨ taheima makane Yuri Tewitɨtɨ xeikɨa pemarie.

Mateu 12:40

Kunatsi ketsɨ 'amupatsie kemɨtiyekatei haika tukari haika tɨkari, mɨpaɨta yaxeikɨa Yuri Tewi kenemɨtitewa, kwieta nepɨyekani haika tukari haika tɨkari.

Wani 6:33

Kemɨ'ane taheima makaneika, tukari mɨwamikwa kwiepa memɨtama, mɨkɨtɨtɨ paa kanihɨkɨtɨni Kakaɨyari hetsɨa mieme.

Temaiwawemete 30:4

»¿Muyuawitsie kemɨ'ane panutitɨari meta kemɨ'ane mana pakane? ¿Kemɨ'ane 'eka puwiyawe yumamakɨ, yatɨni kemɨ'ane haramara pakawimawe? ¿Kemɨ'ane kwie manuye'atɨkanitsie pu'inɨataxɨ? ¿Kemɨ'ane yapɨtimate kepemɨtitewa yatɨni 'aniwe kemɨtitewa?

Nɨawari 63:9

Kemɨ'ane memɨnetsimieku mepɨka'unarieni, kwieta meukatewatsie mepɨkayune.

Hepɨrayutsixi 2:9

Ketsutsi xeikɨa ketemɨte'ixeiya, mɨkɨ yapaɨmexɨa kaniukayerieni niuki tuayamete wahepaɨ mɨkatɨrɨkaɨyenikɨ, mɨkɨ mɨtiukwinixɨkɨ kepauka mumɨ, kananutikurunatɨarieni witsi'anetɨ mayanikɨ meta 'aixɨa mɨtixeiyariekakɨ. Kakaɨyari 'aixɨa mɨtiuka'iyarikɨ mɨpaɨ katiniuyɨni, mumɨnikɨ tanaime tahetsiemieme.

Wani 20:17

Ketsutsi mɨpaɨ katinitahɨawe: —Pepɨkanetsikuwiwiyani, ne'ukiyari hetsɨa nepɨka'anutiyeiwe 'akuxi. Matsi ne'iwama wahetsɨa kenemie. Mɨpaɨ ketiniwaretahɨawi: “Ne'ukiyari hetsɨa mɨxe'ukiyari hetsɨa nekananutiyeimɨkɨ, nekakaɨyari hetsɨa mɨxekakaɨyari hetsɨa neranutiyanita”.

Nɨawari 8:5

'Etsiwatɨkaku 'ahepaɨ 'aneme peputawewi, pepenutikurunatɨa 'aixɨa mɨti'anekɨ:

Tsutɨarika 11:5

Hikɨ Yawé kaniukateni kiekari mɨxeiyakɨ meta tuxiyu teɨteri memiwewietɨwekaikɨ,

Hepɨrayutsixi 2:7

Pekaniwarukayatsa niuki tuayamete wahepaɨ memɨkatɨrɨkawinikɨ, kuruna pekaniwaranutimanirieni witsime'anenetɨ memakɨnekɨ 'aixɨa memɨtexeiyariekakɨ,

Wani 8:14

Ketsutsi mɨpaɨ katiniwaruta'eiya: —Tsepatsɨ nehepaɨtsita nemɨtihekɨata, tita nemɨtihekɨata puyuri nemɨtimatekɨ hakewa nemeyetɨa meta hakewa nemeyemie. Peru xeme 'atsixepɨkatemate hakewa nemeyetɨa meta hakewa nemeyemie.

Wani 6:62

¿Ketiɨyɨwetsɨ xɨka xe'ixeiyanike Yuri Tewi mana 'utimiekame hakewa meripaitɨ mekateitsie?

Wani 6:58

'Ikɨ kanihɨkɨtɨni paa taheima makane. Xetutsima manana me'utikwaka memukwi, mɨpaɨ pɨka'ane. Kemɨ'ane 'ikɨ paa mɨkwa'a yuheyemekɨ kanayenierekamɨkɨ.

Wani 6:51

Ne nekanihɨkɨtɨni paa mayeniere taheima makane. Xɨka tewi 'ikɨ paa 'utikwani, yuheyemekɨ payeniereni. 'Ikɨ paa nemɨyetuani ne, newaiyari kanihɨkɨtɨni, kwiepa memɨtama watukari mɨhɨkɨtɨnikɨ.

Wani 6:41

Hikɨ huriyutsixi mekaniniukixiekaitɨni hepaɨtsitana mɨpaɨ mutayɨkɨ: «Ne paa nekanihɨkɨtɨni taheima makane».

Wani 6:38

Ne taheima nepɨka'akane tita mɨnetinake yanemɨtiyurienenikɨ, matsi tita mɨtinake 'iya mɨnetsiheyenɨ'a pɨta yanemɨtiyurienenikɨ.

Kitsariyaxi 44:23

Muyuawi taheima mieme temawierikakɨ xekeneutikwikani, Yawé 'ikɨ katiniuyurieni. Karima xekeneutihiwani, meukatewatsie kwieta. Hɨrite xekenekwikani, meta muhukuya, naitɨ yukɨyeximatɨ. Karikɨ Yawé Kakuwu kaniutawikweitsitɨani, Kakaɨyari kemɨtimariwe 'Ixaheri kaniuhekɨatsitɨiya.

Nɨawari 139:15

Ne'umete pɨwawerekai 'ekɨ pe'ixeiyakaku kepauka 'awie nemɨwewiyakaitsie kwieta meukatewatsie, nemuwipariekaitsie.

Memeyekɨ 19:20

Yawé kananukateni Tsinahi hɨriyaritsie 'amanutitewitsie paitɨ, mana Muitsexi kaniutahɨawe manutiyanikɨ. Kepauka Muitsexi hɨritsie mana mutine,

'Etsekieri 31:14

'Ikɨ kani'ayumiemetɨni tawarita xewitɨ 'iteɨri hatetsita 'utiwetɨ kwinimieme mɨkatiwerenikɨ, para xewitɨ tawarita 'iteɨri 'aixɨa tihatuiyarietɨ, yukɨtsimeyarikɨ hai mɨkakuyuitɨwanikɨ. Yunaitɨ mekanikwikuni, yunaitɨ kwieta meukatewatsie mekanikayunikuni, meukatewatsie memɨkayuyuipike wahamatɨa.