'Epetsutari 4:31 - Kakaɨyari Niukieya

³¹ Xeketeneuhayewa xehayutsiɨriyatɨ xeteyuka'uxiwe'erietɨ xeyuhaxɨawiyatɨ xe'utihiwatɨ 'axaxe'utiyuatɨ. Mɨkɨ naitɨ ketixani'eriwani xehetsɨa, meta naitɨ 'axamɨti'ane.

'Epetsutari 4:31 ပူးပေါင်းရင်းမြစ်များ

Kurutsetari 3:8

Peru hikɨ matsi xeketeneuhayewa 'ikɨta naime: kexemɨteyuka'uxiwe'eriekai, kexemɨteyuhaxɨatɨakai, 'axakexemɨteyuriekukai, 'axakexemutiyuanekai hipame wahepaɨtsita, niuki 'axamanuyɨne kexemɨtexɨatɨakai yutetakɨ.

Ti'ɨkitame 7:9

Haxɨakɨ xeikɨa pepɨka'ayeweni, matsi mɨkɨ 'atsimɨkatimate kani'iyarieyatɨni.

1 Pekuru 2:1

'Ayumieme, xeketeneuhayewa 'axaxeteyurietɨ naime meta xete'itawatɨ, yakɨxeikɨa xepɨkatekuxatani, xepɨkateyukananaimaka, hipame xepɨkawaniukimaka,

Tsatiyaku 1:19

'Ipaɨ xeketenemaika ne'iwama nenaki'erima: Yunaitɨ teɨteri mekeyumexɨitɨaka memɨ'enananikɨ, 'emeketeheutewini memɨtiniunikɨ meta memɨyeha'anikɨ,

Kurutsetari 3:19

'Ukitsi meta, xekeniwanaki'erieka yɨ'ɨitama, 'axaxepɨkatewakɨhɨaweni.

Tsatiyaku 3:14

Mexɨka hatsiwimekɨ xeyu'uxiwe'erietɨ xeyɨaka meta yu'iyaritsie xehayuye'unietɨ, xeketeneuhayewa xete'itawatɨ meta xeheye'unietɨ tita yuri mɨraine.

'Epetsutari 4:26

Xɨka xeha'aka, perutsɨ 'axaxepɨkateyurieni, xepɨka'ipitɨaka xeitukari xemɨha'akakɨ.

1 Wani 3:12

Kahini hepaɨ tepɨkayɨaka, mɨkɨ 'axamɨtiyuriene hetsɨa kanimiemetɨkaitɨni, yumuta kaniumieni. ¿Titayari timi? Tita mɨtiyurienekai 'axamɨti'anekaikɨ, mutaya tita mɨtiyurienekai mɨheitseriekaikɨ.

Nɨawari 101:5

Kemɨ'ane 'awie yu'iwa hepaɨtsita 'axamɨtayɨni, yuheyemekɨ ne kayuwatɨ nepipitɨani, kemɨ'ane mariweme mayuyeitɨwa meta timaiweme nepɨkayɨwe nemɨtinewiriekakɨ.

Tsatiyaku 4:11

Ne'iwama, hipame xepɨkawaniukimaka. Kemɨ'ane yu'iwa hetsie mɨtiuhɨpa, mɨpaɨ tiyurienetɨ piniukima 'inɨari niukiyari, meta 'inɨari niukiyari pɨ'uxiwe'erieka, merikɨ xɨka 'inɨari niukiyaritsie petiuhɨpani, kemɨ'ane 'inɨari niukiyaritsie yamɨkatikamie hepaɨ pepɨyɨane, 'itsɨkame hepaɨ xeikɨa pepɨyɨane.

Temaiwawemete 26:20

Tai pɨtɨni xɨka kɨyexi ka'anutanetɨarieni, niuki peraixi memɨkahaxuawetsie 'imieri kanikumawerimɨkɨ.

Titu 1:7

Kakaɨyari hetsiemieme mɨhɨritɨariekɨ, kaneuyeweka kemɨ'ane ti'ɨwiyame mɨhɨkɨ mɨkaniukimariekakɨ, yuhetsiemieme xeikɨa pɨkayɨaneni, mayu'eriya pɨkahɨkɨtɨni, tawekame pɨkahɨkɨtɨni, pɨkawatiwayani, tumini pɨkahiwe'erieka kwamanarikakɨ.

1 Timuteu 3:11

Yaxeikɨata wa'ɨitama 'aixɨa mepɨtekahuni, niuki peraixi mepɨkayɨaka, mepɨyukemaka meta heitseriemekɨ yamepɨtekahuni naimekɨ.

2 Kurinitutari 12:20

Nepɨma xeikɨa kapa nenuame nexe'ukaxeiyakɨ kemɨkanetinake xe'aneneme, xemerita kapa xenetsi'ukaxeiyakɨ kemɨkatixenake ne'anekame. Nepɨma kapa xeyukwitɨwenikɨ, xeyɨ'ɨtetsaiyanikɨ, xeyuhekatɨwenikɨ, xetekuwautɨwenikɨ hipame xemɨwara'iwanikɨ, xewaruniukimanikɨ hipame, yunakata xeyuniukimanikɨ, xeteyukatawe'eriekakɨ, xeyuxamuriekakɨ.

1 Kurinitutari 14:20

Ne'iwama, tɨɨri wahepaɨ xepɨkateyumaika. 'Aixɨa kani'aneni xɨka tɨɨri wahepaɨ 'atsixekatemaika tita 'axamɨti'ane hepaɨtsita, peru xetsetseɨyetɨ pɨta kexemɨteyumate.

Temaiwawemete 29:22

Tewi mayu'eriya 'imieri xeikɨa kanixuawitɨaka, meta kemɨ'ane mayumiewe waɨkawa 'axapɨtiyurie.

Temaiwawemete 14:17

Kemɨ'ane mayu'eriya yapauka 'axapɨtiyurieni 'atsikatimaitɨ, matsi kemɨ'ane mɨtimaiwe mɨkɨ pɨtiukanewie.

Temaiwawemete 10:18

Kemɨ'ane 'uxiwe'erika mɨ'awieta mɨkɨ katini'itawani, kemɨ'ane mɨkayuwaɨriya muwapariewienikɨ teɨteri hipame wahetsiemieme kananiuweni.

Temaiwawemete 10:12

'Uxiwe'erika matsi waɨkawa 'imieri kaninetɨaweni, peru naki'eriya naime mɨtareuyehɨwirienikɨ kaniyɨweni.

1 Timuteu 5:13

Mɨkɨ meta mɨpaɨ mepɨteyu'iyamatɨani meyɨ'ɨraraxietɨ kieta meku'u'uwatɨ xeikɨa. Mepɨkayu'ɨraraxie xeikɨa matsi niukiperaixi mepakɨka meta tita 'aixɨa mɨkati'ane metekuxatatɨ.

Karatsiyatari 5:20

tetexi kaniwarayexeiyakamɨkɨ, katiniyukewaiyamɨkɨ, katinayuye'uniekamɨkɨ, kaniyumienemɨkɨ, kani'ɨtetsakamɨkɨ, kaniyuhaxɨatɨakamɨkɨ, yuhetsiemieme xeikɨa kaniyɨanemɨkɨ, kaniyuxamuriekamɨkɨ, yuxexuime wahetsie katiniwiyakamɨkɨ,

1 Kurinitutari 5:8

'Ayumieme tame temɨ'ixɨaramete yakɨtɨtɨ, ye'imekɨ kuxaxanimekɨ tepɨkayɨaka, 'axa'aneneme tehexeiyatɨ 'axateteyurietɨ. Matsi paa kakuxaxanitɨ kemɨtikwaiwa 'ixɨararipa, tameta 'aixɨa teketehekɨatsieka, yuri teke'utiyuaneni.

Xumatari 3:14

«Wateta pɨhɨne 'axa'anuyɨtɨ hatsiwitɨ».

Temaiwawemete 25:23

Tayetatsie 'eka mayeneika wiyeri kani'atɨwani, yutenikɨ 'axamemutiyuane teɨteri xeikɨa mekaniwahaxɨatɨaka.

Temaiwawemete 18:8

'Axaniuki witsikatini'eniɨriɨkɨni 'aixɨa ma'aneni hepaɨ, mɨkɨ rataɨta paitɨ kaniye'axeni.

Temaiwawemete 6:19

kemɨtiunierixɨ ti'itawatɨ mɨtikuxata, meta kemɨ'ane yu'iwama mɨwakwamana memuyukwitɨwenikɨ.

Nɨawari 140:11

Meke'ukumawere 'ena kwiepa teɨteri memɨte'itawa, 'uximatɨarikakɨ mete'uka'eniwatɨ meke'ukwini yunaitɨ teɨteri memɨteyukananaima.

Nɨawari 64:3

Yuneni mepɨmɨwa 'ixipara hepaɨ, meputiniuka niuki 'axa'anɨyɨnemekɨ 'ɨrɨkɨ memɨte'utamɨmɨni hepaɨ.

Nɨawari 50:20

Pepɨ'iyamate 'a'iwa hetsiemieme pemɨtikuxatanikɨ, matsi pepi'uximatɨa yemekɨ 'a'iwa.

Nɨawari 15:3

yuniukikɨ hipame mɨkawarekaxɨrɨwa, yu'aurie kiekame 'axamɨkatikuxaxatɨwa, yuhepaɨtewi 'axamɨkayurie,

2 Tsamuheri 19:27

meta ti'aitame 'ahɨxie 'axakanetinikuxatani xeikɨa kenemɨka'utayɨ. Matsi 'ekɨ ti'aitame niuki tuayame Kakaɨyari hetsɨa mieme hepaɨ pekani'aneni pekaniyɨweni yapemɨtiuyurieni nehetsie kemɨmatinake.

Tsutɨarika 37:4

Hikɨ 'iwamama me'ixeiyatɨ paapaya kemɨtinaki'eriekai, matsi waɨkawa mekani'uxiwe'eriekaitɨni ni tɨma 'aixɨa mepɨkate'ikuhɨawekai.

Tsutɨarika 27:41

Mana mɨtiyetɨa, 'Etsahu Kakuwu kanihekakaitɨni paapaya Kakaɨyari mutawawirikɨ hetsiena mieme 'aixɨa miyuriekakɨ. 'Etsahu mɨpaɨ katiniku'eriwakaitɨni: «'Arikutari kwitɨwa pɨmɨni nepaapa mɨyuke, nemuta Kakuwu nepɨmieni».

Tsutɨarika 4:8

Hikɨ Kahini yumuta 'Aweri hamatɨa katiniutixata. Kepauka yeuta yuxaɨta memu'uwakai, Kahini yumuta kaniumieni.

Matsiɨkɨtɨ kemɨratɨa 12:10

Hikɨ xeime nekaniu'enieni mɨpaɨ haineme karima: «Hikɨrixɨa wikweitsitɨarika kanaye'ani, kemɨtitɨrɨkaɨye meta kemɨti'aita takakaɨyari, kanaye'ani Kɨritsitu heitserie kemɨrexeiya hetsɨana mieme. Kemɨ'ane mɨwaxaneta ta'iwamarixi, mɨkɨ kananuyehɨiyani, takakaɨyari hɨxie mɨwaxanetakai tukarikɨ meta tɨkarikɨ.

1 Wani 3:15

Yunaitɨ yu'iwama memɨwa'uxie teyumemiwamete mekanihɨkɨtɨni, xeme xepɨtemate tiyumemiwame yɨkɨmana tukari mɨkaxɨwe pɨkahexeiya.

Titu 2:3

Yaxeikɨa 'ukarawetsixi kememɨte'u'uwa, mɨpaɨ meketeyurieka kemɨreuyewetse yamɨtiyurienenikɨ Kakaɨyari hetsɨa miemetɨtɨ, mepɨkatehayuye'unieka, winukɨ mepɨka'u'uwani xeikɨa. Tita 'aixɨa mɨti'anekɨ xeikɨa mekete'ɨkitani,

2 Timuteu 2:23

Memɨkatemaiwawe niuki kememɨtexɨatɨa 'atsimekatemaitɨ, mɨkɨ kenexani'erieka mɨpaɨ petimaitɨ, niuki metixɨatɨame mepɨyutakwini xeikɨa.

1 Timuteu 3:3

tawekame pɨkahɨkɨtɨni meta pɨkawatiwayani, tumini pɨkahiwe'erieka, matsi pɨka'ayu'eriyani, pɨkayumieneni,

Nɨ'ariekate 21:30

Yunaitɨ kiekatari mepuyuxamuri. Teɨteri me'unautsaxɨaximetɨ mekaniu'axɨani, Papuru mekaniuwiya, mekanenuyehana tuki takwa, yapauka 'itupari meuwɨtsie kaneunarixɨani.

Keremiyaxi 6:28

Yunaitɨ mɨkɨ te'ayuye'uniekate mepɨhɨkɨ, 'axaniukikɨ xeikɨa memuku'uwa, yunaitɨ mɨkɨ wurunitse mepɨhɨkɨ meta tepɨa, 'axa'anemekɨ memɨwewiya.

Temaiwawemete 29:9

Kepauka mɨtimaiwe meta yutemawietɨ 'axamɨtiyuriene hamatɨa memuyutakwini, tsepa mutanawe yatɨni muyeha'a mɨkɨkɨ 'aixɨa pɨkatiyɨni.

Temaiwawemete 19:12

Maye mahiwa hepaɨ kani'aneni ti'aitame haxɨaya, kepauka mɨkɨ muyutemawie 'ɨxa mɨhatuiyarie hepaɨ kani'aneni.

2 Tsamuheri 19:43

Matsi 'ixaheritsixi tawarita mɨpaɨ mekaniutiyuani: —¿Ketitayari kuta waɨkawa xetatsixani'erietɨ xeteyɨa? Tame matsi tamamata mexɨa heitserie tepexeiya Rawiri ti'aitame hetsiemieme keyuri xeme. Meta, tame meri tete'ita'ini munuanikɨ. Hikɨ matsi Kura kwieyaritsie kiekatarita waɨkawa meha'atɨ mekaniwaruta'eiya.

2 Tsamuheri 13:22

'Ana mɨtiyehane 'Awitsaruni 'Aminuni pɨkakuhɨawekai, matsi kanixani'eriekaitɨni 'iwaya Tamaxi hamatɨa mukahuikɨ.

Tsutɨarika 37:21

Hikɨ kepauka Xuweni mɨwaru'eni yu'iwama, yu'iwatsie tanuanike memɨka'ikumemiwanikɨ, mɨpaɨ katiniwarutahɨawe: —Matsi tepɨka'ikumemiwani.

2 Timuteu 3:3

mepɨkayunaki'erieka, mepɨkayuhaxɨapitɨaka, mepɨyuniukimani, mepɨkateyu'aitɨaka, mepayu'eririyani, mepihekani tita 'aixɨa mɨti'ane,

Keremiyaxi 9:4

Xekeneyu'ɨwiyani tsepa mɨ'ahamiku, yu'iwama yuri xepɨkatewa'eririeka, tsepa mɨra'iwa mepɨteyu'itaiya, metatsiere hamiku pɨtiuyukananaima.

Nɨawari 37:8

Ketineuhayewa peha'atɨ, keneuku'eiri haxɨa, pepɨka'utaweranareni, mɨkɨ 'axamɨ'anetsie katiniyu'iniwani.

'Epetsutari 4:22

'Ayumieme kexemɨte'u'ɨkitɨarie, xekenanutihɨna tita mɨtiye'i, xeketeneuhayewa kexemɨyɨakai meripaitɨ. Kemɨ'ane mɨpaɨ mɨtiyuriene, mɨkɨ kanitapɨnirɨmeni 'irɨmari kemɨtihiwe'eritɨa.

'Epetsutari 4:25

'Ayumieme xeketeneuhayewa xete'itawatɨ, yuxexuitɨ yuri xeketeneyutahɨawi, tanaitɨ 'axeikɨa temɨtaxewinikɨ xeiwaiyaritsie temɨmiemekɨ.