'Epetsutari 4:30 - Kakaɨyari Niukieya

³⁰ Xepɨka'ihiweritɨaka Kakaɨyari 'Iyarieya Mɨtiyupata. Mɨkɨ kanixetseyutɨni kɨmana xemu'inɨatsie mexi tukari ka'aye'awe kepauka temɨxɨnarieni.

'Epetsutari 4:30 ပူးပေါင်းရင်းမြစ်များ

1 Tetsarunikatari 5:19

'Iyari xepɨkakutɨtsani,

Kitsariyaxi 63:10

Peru mɨkɨ mepɨkahenu'eni, meta 'iyarieya mɨpatsie mepu'iyarimɨtɨa. 'Ayumieme waraye'unietɨ patɨa, mɨkɨtɨtɨ pɨwarutakwi.

Tsutɨarika 6:6

kaniuta'iyarixieni titayari kwiepa tewi mɨtiutawewiekai, hikɨ 'iyarieyatsie neikwine.

Nɨ'ariekate 7:51

»Xeme xekɨipi pɨtsetse'i, yu'iyaritsie yunakata xepɨka'inɨaritɨariewawe Kakaɨyari 'inɨarieyakɨ, xeme yuheyemekɨ xepeye'unie 'Iyari Mɨtiyupata yututsima wahepaɨ.

Xumatari 8:23

Mɨkɨ xeikɨa hawaikɨ, matsi tameta 'Iyari temexeiya tita 'umɨramietsie miemetɨme, tsiere tataɨta tekana'aiwatɨkani teta'ikwewatɨ Kakaɨyari niwemama temakɨnekɨ kepauka tawaiyari mɨxɨnarieni.

Xumatari 8:11

Kemɨ'ane menukuketɨa Ketsutsi mɨkite watsata, mɨkɨ 'Iyarieya xɨka xehetsie yekani, kemɨ'ane menukuketɨa Kɨritsitu Ketsutsi mɨkite watsata, mɨkɨtɨtɨ kanenutanieritɨamɨkɨ xewaiyari kwikwi'ime, 'Iyarieya xehetsie mɨyeka yatiyurienekaku.

Marikuxi 3:5

Hikɨ yuhaxɨama waruxeiyaka, yuhiwerietɨ memɨtsetse'ikaikɨ yu'iyaritsie, mɨpaɨ tewi katiniutahɨawe: —'Amamá keneutatsera. Mɨkɨ kanitatsera, hikɨ mamaya 'aixɨa 'anetɨ kanayani.

Kitsariyaxi 43:24

Pepɨkanetsinanairiewe 'uwá witsimu'ɨa, meta 'amawarite wiyayarikɨ pepɨkanetsihuxaitɨa. Matsi, 'ekɨpɨta 'axapepɨneranutahɨawe 'axakepemɨtiuyurikɨ meta pepɨnetsiwaɨripitɨa 'axapetiyurienetɨ.

Nɨawari 78:40

Mɨixa me'eye'unietɨ mepakɨ makumawetsie mepinutuitaxɨ yemekɨ makuwakitsie.

Tsutɨarika 6:3

Hikɨ Yawé mɨpaɨ kaniutayɨni: «'Ari ne'iyari tewi hetsie pɨkayekani, tewi mɨmɨwe xeikɨa kanihɨkɨtɨni, xeitsienituyari heimana xeitewiyari wiyari xeikɨa puyuruwani».

Kitsariyaxi 7:13

Hikɨ Kitsariyaxi mɨpaɨ kaniutayɨni: «Xekeneu'enana hikɨ xeme Rawiri nuiwarimama. Xeme teɨteri xewa'uximatɨatɨ xepɨkatehayewaku, yaxeikɨata nekakaɨyari xe'uximatɨatɨ.

'Etsekieri 16:43

Ne 'ahetsie nekatinahɨaka kepemɨtiyurienekɨ pemɨnunutsitɨkaitsie pemɨkahaye'erikɨ, mɨya petiyurienetɨ pepɨnetsi'uyehaxɨatɨa, tawari matsi 'akuxi kwinimieme 'axapetiuyurieku. Yawé mɨpaɨ kanaineni.

Nɨawari 95:10

Huta tewiyari wiyari nepɨha'akai mɨkɨ nuiwari hetsiemieme, mɨpaɨ nekaniutayɨni: «Mɨkɨ teɨteri xeime pɨta huye mepuweiya, nehuye mepɨkamate».

Hepɨrayutsixi 3:10

'Ayumieme nepuyeha'a 'ana miemetexi wahepaɨtsita, mɨpaɨ neputayɨ: “Yuheyemekɨ yu'iyaritsie mekaneuyexɨrɨweni, nehuye, 'atsimepɨkatehetimaiwawe”.

1 Kurinitutari 1:30

Matsi Kakaɨyari mɨxe'unetɨakɨ, 'ayumieme 'axekaniu'uwani, Kɨritsitu Ketsutsi hetsie kexemɨtewiya. Kɨritsitu kanihɨkɨtɨni kemɨ'ane Kakaɨyari mikaye, temaiwawemete mɨtatsi'ayeitɨanikɨ, tatsipitɨatɨ heitseriemekɨ yatemɨtekahunikɨ, tatsipatatɨ Kakaɨyari hetsiemieme, tatsixɨnatɨ.

Hepɨrayutsixi 3:17

¿Merikɨte, kehate wahepaɨtsita pɨha'akai huta tewiyari wiyari? Mɨkɨ mekanihɨkɨtɨkaitɨni 'axamemɨte'uyuri 'ana, mɨkɨ wakaxari makumawetsie puyuhayewaxɨ me'ukwiku.

1 Kurinitutari 15:54

'Anari, kepauka 'ikɨ mɨtipɨniwe menakatɨni tita mɨkatipɨniwe, kepauka 'ikɨ mumɨxime menakatɨni tita mɨkatimɨwe, 'ana kanaye'amɨkɨ mɨkɨ niuki mɨpaɨ mɨre'uxa: «Mɨɨya kaniukumaweriyarieni 'a'iwarieka».

'Utseyaxi 13:14

»¿Netixetawikweitsitɨani mɨkite wateukiyapa? ¿Ne mɨkite watsata netixe'ayehapani? ¿Kewari mɨya, kemɨtiyuruwa? ¿Kewari mɨki teukiyapa, kepemɨtiyuka'una? Xekenahuni, ne nepɨkaxetinenimayata».

'Itsɨkate 10:16

Hikɨ kakaɨyarixi mekaniwaruku'eirieni memɨwarayexeiyakai, Yawé me'ayexeiyatɨ pɨta mekanakɨne, meta Yawé pɨkayɨwekairi mɨtinewieka, 'ixaheritsixi kememɨte'uka'eniwakai.

Rukaxi 21:28

Yatitsutɨarieximekaku xekeneutineniereni 'aixɨa xeketeneyumaika, 'ana paye'aximeni kepauka xemɨtixɨnarieni».

Wani 3:33

Kemɨ'ane mitanaki'eri tita mɨtiutahekɨataxɨ, mɨkɨri matsiɨkɨme kanayeitɨani mɨpaɨ 'utaitɨ Kakaɨyari yuri mainekɨ.

Hepɨrayutsixi 10:29

¿Kexeteku'eriwa, matsi yemekɨ hetsiena katinake mu'uximatɨarienikɨ, kemɨ'ane Kakaɨyari nu'aya mɨnanaima, kemɨ'ane tsewiximariekame mɨ'erie mɨkɨ xuriyaya tɨratu mutatseiriyarie kɨmana, mɨpatsie kɨmana, kemɨ'ane mitawe'erie 'Iyari 'aixɨa mɨtatipitɨa?