'Epetsutari 4:28 - Kakaɨyari Niukieya

²⁸ Kemɨ'ane mɨtinawayakai ketiuhayewa tinawanetɨ, ketikumaɨwani matsi yumamakɨ 'aixɨa tiyurienetɨ, mɨrexeiyanikɨ mɨkɨ memɨteheuyehɨwa mɨtiwayetuiriwanikɨ.

'Epetsutari 4:28 ပူးပေါင်းရင်းမြစ်များ

1 Timuteu 6:18

Mɨpaɨ ketiniwa'aitɨaka meta 'aixɨa memɨte'uximayakakɨ, memeuka'unikɨ 'aixɨa meteyurietɨ, 'aixɨa memɨte'u'iyarinikɨ, hipame wahamatɨa memɨyuxewinikɨ.

Karatsiyatari 6:10

'Ayumieme, ketemɨteyɨwawe 'aixɨa tekewayurieka yunaime, matsi yemekɨ mɨkɨ Kakaɨyari niwemaama yuri memɨte'erie.

Memeyekɨ 20:15

»Pepɨkatinawayani.

Tsakariyaxi 5:3

Hikɨ niuki tuayame mɨpaɨ kanetiniutahɨawe: «'Ikɨ kanihɨkɨtɨni 'axakememɨtepitɨarieni 'inɨariyari naitsarie kwiepa kemɨtitaweni. Kemɨre'uxa mɨkɨ xapatsie, yunaime memɨtenawaya wahetsie katininakimɨkɨ meta memɨte'itawa.

Wani 12:6

Mɨpaɨ kaniutayɨni tixaɨtɨ memɨkatehexeiya mɨwara'eriwakaikɨ pɨkatixaɨ, matsi mɨtinawayametɨkaikɨ pɨta mɨpaɨ kaniutayɨni. Mɨkɨ watumini maname mahananikɨ mɨhɨritɨariekaikɨ, kaniwati'ɨwekaitɨni muwa memeikamanakai.

Rukaxi 19:8

Peru Tsakeu mana 'uwetɨ mɨpaɨ katinitahɨawe Ti'aitame: —Neuxei, Ti'aitame: Nepiinite hixɨata 'arɨkame nepɨtiwamini tixaɨtɨ memɨkatehexeiya, 'itarikakɨ kenemɨtiwakwamanakai hipame, naukamekɨ nepɨrapika.

'Utseyaxi 4:2

Matsi mepɨtexuaweriya 'axamɨti'ane meta 'itarika. Waɨkawa mepɨtenawatɨwe, hipame wahamatɨa mepɨhitɨwe, mepɨteyumemiwa. Xewitɨ xɨka tiuyumieni mɨkɨta xewitɨ pimieni.

Keremiyaxi 7:9

Xepɨtenawaya, xepɨteyumemiwa, hipame wa'ɨitama xepuwakumaɨwa, 'itarikakɨ xepɨteyɨhɨritɨa, Wahari 'ɨkwa xepɨtairietɨwe, hipame kakaɨyarixi xepuwaruweiya hatsuaku xemɨkawaretima,

Memeyekɨ 20:17

»'A'iwa kiiya pepɨkahiwe'erieka, meta 'ɨyaya, meta 'iparewiwameya 'uki 'uka, meta tuuruya, puxuya, naime tita mɨrexeiya pepɨkatihiwe'erieka».

2 Kurinitutari 8:12

Xɨka xewitɨ yatiyurieneni 'iyarieya ya'anekaku, tita mɨrexeiya mɨtiyetuani mɨkɨ pɨnaki'eriyarieka, tita mɨkarexeiya pɨkatixaɨ.

2 Kurinitutari 8:2

Waɨkawa mepɨ'inɨatsietɨwe me'uximatɨarietɨ, peru watemawierika panayuhayewa. Tsepa yemekɨ tixaɨtɨ memɨkatehexeiyakai, mepitimɨiriyaxɨ 'aixɨa 'iyarikɨ kememɨtewamikwakai.

Xumatari 12:13

Kakaɨyari teɨterimama kememɨteheiyehɨwa, xekeniwaparewieka. 'Aixɨa 'anemekɨ xekeniwapitɨaka memɨxe'iwata.

Wani 13:29

Kura watumini maname mahanakaikɨ, hipatɨ mɨpaɨ mekateniku'eriwakaitɨni Ketsutsi mɨpaɨ rehɨaweme mekani'eriekaitɨni: Tita temɨteuyehɨwa 'ixɨararipa ketinenanaimie, yatɨni tumini mɨwa'ɨitɨanikɨ tixaɨtɨ memɨkatehexeiya meteku'eriwatɨ.

Rukaxi 3:8

Mɨkɨ memɨte'uhayewaxɨ kememɨteyurie wahepaɨ xeketeneyurieka, kemɨreuyewetse. Xepɨka'itsutɨaka yu'iyaritsie mɨpaɨ xeteyɨkɨhɨawetɨ: “Tepɨnaki'eriwa ta'ukiyari temexeiyakɨ 'Apɨrahami”. Mɨpaɨ nepɨtixekɨhɨawe, Kakaɨyari kaniyɨweni 'ikɨ tetexi teɨteri mɨwarayeitɨani 'Apɨrahami niwemama.

Temaiwawemete 30:9

Waɨkawa xɨka nerexeiyani nepɨmatsihatɨmaiyawe, mɨpaɨ ne'utaitɨ: “¿Yawé kemɨ'ane pɨhɨkɨ?” Meta xɨka 'etsiwa xeikɨa nerexeiyanike tinawayame nepayeiwe, 'ekɨ nekakaɨyari 'axapemɨtitahɨawarienikɨ xeikɨa.

Temaiwawemete 28:13

Kemɨ'ane 'axamɨti'ane mɨti'awieta hatsuaku 'aixɨa pukatiyeyani, matsi kemɨ'ane muyutahekɨata 'axamɨti'ane mɨtiku'eirieni mɨkɨ katineuyehɨwiyariemɨkɨ.

Temaiwawemete 14:23

Naime 'uximayatsikatsie 'ikwaxi puxuawe matsi xɨka yakɨxeikɨa tikuxatani tixaɨtɨ karexeiyatɨ payani.

Temaiwawemete 13:11

Tumini mexɨiwa mayu'i'iwa yapaukata kanitixɨrɨweni, kemɨ'ane tumini meuta'ɨwiyawe, mɨkɨ 'axɨkai xiku kanayeimɨkɨ.

Kuwi 34:32

Yakenetineuta'ɨkitɨa tita 'akuxi nemɨkatixeiya, xɨka 'axanetiuyurieni, tawariri mɨpaɨ nepɨkatiyurieni”.

Memeyekɨ 21:16

»Kemɨ'ane xeime tewi mɨnawani, meta xɨka 'ituani, xɨka hahekɨare 'akuxi ka'ituawetɨ, mɨkɨ ke'umierieni.

Temaiwawemete 21:26

tukarikɨ xeikɨa kanaka'iyuniwani tihiwe'erietɨ, matsi heitseriemekɨ yamɨtikamie katiniyetuaka 'iyarieya ya'anekaku tixaɨtɨ katiwakweririetɨ.

Temaiwawemete 31:20

Yumamakɨ ti'uximayatɨ tixaɨtɨ memɨkatehexeiya kaniwaparewieka, mɨkɨkɨ kaniwatuikani kemɨ'ane memɨteheuyehɨwa.

1 Kurinitutari 4:12

Tekatenita'uxitɨaka tamamákɨ tete'uximayatɨ. 'Axatetekɨhɨawarɨwatɨ, 'aixɨa teputiyuane wahepaɨtsita. Te'uweiyarietɨ tepɨte'ukanenewie.

Titu 3:8

Mɨkɨ niuki yurikɨ paine, mɨpaɨ nepɨtiku'eriwa, peuyewetse tɨrɨkaɨyemekɨ mɨpaɨ pemɨtiwatahɨawekɨ, peuyewetse mɨkɨ yuri memɨte'uta'eriwa Kakaɨyaritsie memɨyu'iyaritɨakakɨ kehepaɨ 'aixɨa memɨteyurieka. 'Aixɨa kani'anemɨkɨ kaniwaparewiekamɨkɨ teɨteri, mɨpaɨ memɨteyuriekakɨ.

Titu 3:14

Tateɨterima mɨpaɨ meketeyɨ'ɨkitɨaka 'aixɨa memɨteyuriekakɨ memeixeiyanikɨ tita mɨreuyewetse, kapa meka'utixuxuaweretɨ me'akɨnekɨ.