'Epetsutari 4:25 - Kakaɨyari Niukieya

²⁵ 'Ayumieme xeketeneuhayewa xete'itawatɨ, yuxexuitɨ yuri xeketeneyutahɨawi, tanaitɨ 'axeikɨa temɨtaxewinikɨ xeiwaiyaritsie temɨmiemekɨ.

'Epetsutari 4:25 ပူးပေါင်းရင်းမြစ်များ

Kurutsetari 3:9

Xepɨkateyu'itaiyani, xekenehɨwa mɨkɨ tewi mɨye'i, xekahe'eriwatɨ kexemɨteyuriekai meripaitɨ.

Tsakariyaxi 8:16

»”Peuyewetse xeme 'ipaɨ xemɨtekahuni, yurikɨ xeketeneyukuxaxatɨwani, xekeneyuxanetani 'itsɨkate wahetsɨa yurikɨ meta kemɨtiheitserie. Mɨpaɨ xɨka xeteyurieka kayuwatɨ kaniumakamɨkɨ.

Temaiwawemete 12:22

Yawé memɨte'itawa puwaxani'erie, matsi pɨnaki'a yuri memɨtekuxata wahetsiemieme.

Xumatari 12:5

Tameta temɨtamɨire, xeiwaiyari tekanihɨkɨtɨni Kɨritsitu hetsie tetewiyatɨ. 'Axeikɨa taxexuitɨ hetsiena tekateniwiyani.

'Epetsutari 4:15

Matsi yuri te'utiyuatɨ tetetakanaki'erietɨ, tekanitiwerikuni 'iya hepaɨ te'anenetɨ temakɨnekɨ naimekɨ. 'Iya kanitamu'utɨni Kɨritsitutɨtɨ.

Temaiwawemete 12:17

Kemɨ'ane yurikɨ munierixɨ mɨkɨ heitseriemekɨ katinikuxatani, matsi kemɨ'ane mɨka'unierixɨ mɨkɨ 'itarikakɨ pɨtikuxata xeikɨa.

Temaiwawemete 8:7

Ne netetakɨ tita mɨtiyuri xeikɨa nepɨtikuxata, yaxeikɨa neteni 'itarika kanixani'erieka.

Temaiwawemete 12:19

Kemɨ'ane yurikɨ mɨtikuxata yuheyemekɨ 'apuyeikani, matsi kemɨ'ane mɨti'itawa yatewimekɨ xeikɨa 'apuyeikani.

Matsiɨkɨtɨ kemɨratɨa 21:8

Peru memamatɨ memukunuaxɨa, yuri memɨkate'erie, memɨyutsewixima, memɨteyumemiwa, memɨwakumaɨwa memɨkawa'ɨitama meta memɨkawakɨnama, memɨteyukewaiya, tetexi memɨwarayexeiya, meta yunaitɨ memɨte'itawa, mɨkɨ yunaime wahetsie pɨtinakeni harakuna 'atsupɨrekɨ mɨta'atsie memeukaxɨriyanikɨ, hakewa hutarieka memekwinitsie».

Titu 1:2

Mɨpaɨ nekatiniyurieneni nemitakwewiekɨ tukari mɨkaxɨwe nemexeiyanikɨ, Kakaɨyari pɨkati'itawa, meripaitɨ tukari kaxuawekaku 'akuxi mɨpaɨ putayɨ tukari mɨtatsipitɨanikekaikɨ.

1 Timuteu 4:2

mete'ɨkitatɨ yakɨ xeikɨa metekuxatatɨ, Kauyumarie 'inɨarieyakɨ mepɨtepɨatɨarieni yu'iyaritsie, 'ayumieme pɨkawarutate'ani wa'iyari.

Mawari 19:11

»Pepɨkatinawayani. »Xepɨkateyu'itaiyani. »'Ahepaɨ tewi pepɨkati'irɨwiyani.

Matsiɨkɨtɨ kemɨratɨa 22:15

Peru Kiekari warie tsɨikɨri mekaniu'uwakuni, mɨkɨ memɨteyukewaiya, mɨkawa'ɨya mɨkawakɨna memɨwakumaɨwa, memɨteyumemiwa, tetexi memɨwarayexeiya, meta naitɨ mɨtiwanake, meta memɨte'itawa.

1 Timuteu 1:10

memɨwakumaɨwa kemɨ'ane mɨkawa'ɨya mɨkawakɨna meta 'ukitsi hipame 'ukitsi memɨwakumaɨwa wahepaɨtsita, mɨkɨ memɨwanawatɨwe teɨteri wahepaɨtsita, mɨkɨ memɨteyu'itaiya meta memɨyɨhɨritɨa mete'itawatɨ mɨkɨ wahepaɨtsita. Hipatɨ yunaitɨ memeye'unie 'ɨkitsika 'aixɨa mɨ'ane, mɨkɨ wahepaɨtsita pɨkuxaxatsiwa 'inɨari,

2 Kurinitutari 7:14

'Aixɨa kenemɨtitaxatɨa xehepaɨtsita, nepɨka'utewiyatsitɨarie neniuki hepaɨtsita. Matsi yaxeikɨa yuri ketemɨtexekuxaxatɨwakai naimekɨ, mɨpaɨta kaniyuritɨkaitɨni Titu 'aixɨa ketemɨte'itaxatɨa.

Titu 1:12

Wahetsɨa mieme tixaxatame xewitɨ mɨpaɨ kaniutayɨni: «Kɨretatari yuheyemekɨ mekateni'itawani, yeutari memayu'eririya mekanihɨkɨtɨni, mekaniyu'ɨraraxieka yuyuriepa metewiyatɨ xeikɨa».

1 Kurinitutari 10:17

Mɨkɨ paa kemɨtiyuxewi, tameta tamɨiretɨ xeiwaiyari tekanihɨkɨtɨni. Teyunaitɨ 'axeikɨa xeipayaritsie tekatenikwaka.

Wani 8:44

Xeme yu'ukiyari hetsɨa xekanimiemetetɨni Kauyumarie hetsɨa. Xekaniyuwaɨriyani yaxemɨteyuriekakɨ tita mɨtiheiwe'erie xe'ukiyari. Mɨkɨ meripaitɨ katiniyumemiwani. Tita yuri mɨrainetsie tiwiyatɨ 'apɨka'uwe, tita yuri mɨraine mumawekɨ hetsiena. Kepauka 'itarikakɨ mɨtikuxata, yɨkɨmana katinikuxatani mɨti'itawakɨ, memɨte'itawa mɨwa'ukiyarikɨ.

Tsakariyaxi 8:19

«Mɨpaɨ kanaineni Yawé Naimekɨmɨtɨrɨkaɨye: »“Kura teɨteriyari wahetsiemieme, hakiya mematinenetɨwakai naurieka metseritsie meta 'auxɨwirieka, 'atahutarieka meta tamamata metseriyaritsie, hikɨri temawierika mepexeiyani, 'ixɨarari mepatinenetɨwani. Kamɨtsɨ, xekenenaki'erieka tita yuri mɨraine meta tita kayuwatɨ mɨtiyupitɨwa”.

'Utseyaxi 4:2

Matsi mepɨtexuaweriya 'axamɨti'ane meta 'itarika. Waɨkawa mepɨtenawatɨwe, hipame wahamatɨa mepɨhitɨwe, mepɨteyumemiwa. Xewitɨ xɨka tiuyumieni mɨkɨta xewitɨ pimieni.

Kitsariyaxi 63:8

Mɨpaɨ nepaine: «Yurikɨ neteɨterima mepɨhɨkɨ, neniwema hatsuaku memɨkanete'itaiya». Mɨpaɨ pɨratɨa wawikweitsitɨwame

Kitsariyaxi 9:15

'Ukirawetsixi mu'u mekanihɨkɨtɨni meta teɨteri waɨkawa memauka'u mepɨhɨkɨ. Kakaɨyari niukametemama kwaxi mekanihɨkɨtɨni, te'ɨkitamete memɨte'itawa.

Temaiwawemete 21:6

'Itarikakɨ xɨka tiukaxeiya waɨkawa pɨtiparike yapauka haiwitɨri hepaɨ peru pɨmɨya winiyari hepaɨ.

Temaiwawemete 6:17

yuhɨxitekɨ kwinie memɨte'uneniere, yunenikɨ memɨte'itawa, yumamatekɨ 'axamɨkatiuka'iyari xuriyaya mɨtayeuriwa,

Nɨawari 119:29

Pepɨkanetsipitɨaka huye mututuni nemanukuweweiyanikɨ, 'aniuki kemaine netimaikame kenenayeitɨaka.

Nɨawari 52:3

'Aixɨa mɨti'ane pepɨkatinaki'erie, matsi 'axamɨti'ane waɨkawa pepɨnaki'erie, tita yuri mɨraine pepɨkanaki'erie, matsi 'itarika pepɨnaki'erie.

'Epetsutari 5:30

waiyarieya temɨhɨkɨkɨ. Waiyarieya 'umeyarieya tepɨhɨkɨ tame.

1 Te'aitamete 13:18

'Ukiratsi tawari mɨpaɨ katinitahɨawe: —Netatsiere Kakaɨyari niukameya nekanihɨkɨtɨni 'ahepaɨ. Neuxei xewitɨ niuki tuayame Yawé heiyenɨ'aku, mɨpaɨ pɨneretahɨawixɨ: “'Akie kenanuwitɨki mɨrekwanikɨ meta manuharenikɨ”. Mɨpaɨ pɨti'itai,

Memeyekɨ 23:7

»Xeime tewi pepɨkaxanetani 'itarikakɨ. »Pepɨkawatakukuyani teɨteri 'atsimemɨkateyurie yamemɨtekahu, ne kemɨ'ane hetsie mɨrahɨiwa 'atsikatiyuruwame nepɨkahayeitɨa.

Nɨawari 15:2

Hetsiena mɨkarahɨiwa xeikɨa kaniyɨweni, 'aixɨa mɨtiyuriene yu'iyarikɨ yurikɨ mɨtikuxata,

Temaiwawemete 24:28

Peti'itawatɨ 'ahepaɨ tewi hepaɨtsita pepɨkatikuxatani 'itsɨkame hɨxie, pepɨkatiku'itawani 'atenikɨ.

'Epetsutari 4:22

'Ayumieme kexemɨte'u'ɨkitɨarie, xekenanutihɨna tita mɨtiye'i, xeketeneuhayewa kexemɨyɨakai meripaitɨ. Kemɨ'ane mɨpaɨ mɨtiyuriene, mɨkɨ kanitapɨnirɨmeni 'irɨmari kemɨtihiwe'eritɨa.

'Epetsutari 4:31

Xeketeneuhayewa xehayutsiɨriyatɨ xeteyuka'uxiwe'erietɨ xeyuhaxɨawiyatɨ xe'utihiwatɨ 'axaxe'utiyuatɨ. Mɨkɨ naitɨ ketixani'eriwani xehetsɨa, meta naitɨ 'axamɨti'ane.

Kurutsetari 3:8

Peru hikɨ matsi xeketeneuhayewa 'ikɨta naime: kexemɨteyuka'uxiwe'eriekai, kexemɨteyuhaxɨatɨakai, 'axakexemɨteyuriekukai, 'axakexemutiyuanekai hipame wahepaɨtsita, niuki 'axamanuyɨne kexemɨtexɨatɨakai yutetakɨ.

Hepɨrayutsixi 12:1

'Ayumieme, tameta hikɨ ta'aurie meyuxeɨriekaku tehekɨatamete meyuwaɨkawatɨ, tepeihɨani naime mɨrahete, naime 'axamɨti'ane mɨtatsikuhapana. Tekawaɨripietɨkaitɨ tepuhuni, tepɨtanautsaxɨani temeta'axɨanikɨ hakewa temekwewiya,

Tsatiyaku 1:21

'Ayumieme, xekenewiwi naime tita mɨkati'itiya meta tita 'axamɨti'ane, naitsarie manayuhayewa, xemɨyɨwawenikɨ Kakaɨyari niukieya xehetsie muka'iteɨtsie xemɨtanaki'erienikɨ tixaɨtɨ xekatehɨkɨtɨtɨ, mɨkɨ kaniyɨweni xe'iyari mɨtawikweitsitɨani.

1 Pekuru 2:1

'Ayumieme, xeketeneuhayewa 'axaxeteyurietɨ naime meta xete'itawatɨ, yakɨxeikɨa xepɨkatekuxatani, xepɨkateyukananaimaka, hipame xepɨkawaniukimaka,

'Itsɨkate 16:11

Mɨkɨ mɨpaɨ kaniutayɨni: ―Maixa kaunariyari hehekwamekɨ xɨka netsi'uhɨani, nepɨtaweranaxɨani xeime tewi mɨkatɨrɨkaɨye hepaɨ nepɨyɨni.