'Epetsutari 4:2 - Kakaɨyari Niukieya

² Tixaɨtɨ xekatehɨkɨtɨtɨ xekeneyu'erieka naimekɨ, xepɨka'ayu'eririyani, 'axeketeneutewini xekaha'atɨ, xekeneyunewieka matsi xeyunaki'erietɨ.

'Epetsutari 4:2 ပူးပေါင်းရင်းမြစ်များ

1 Kurinitutari 13:7

Naime katininewieka, naimekɨ yuri katini'erieka, naimekɨ kanita'ikwewani yuri ti'erietɨ, naimekɨ katiniuka'eniwani.

Xumatari 15:1

Kaneuyewekani tame temɨyɨwawemete teminewienikɨ titakɨ memɨkateyɨwawe mɨkɨ memɨwerarani. Taxaɨtame xeikɨa temɨnaki'akakɨ tepɨkayɨaka.

Mateu 11:29

Neyuku xekenanuyetekani, xenetsi'enietɨ xeketeneyɨ'ɨkitɨaka, ne nepɨka'ane'eriya meta nepɨkatinekatawe'erie ne'iyaritsie, 'uxipiya xekanitaxeiyakuni yu'iyaritsie.

1 Timuteu 6:11

'Ekɨtsɨ, Kakaɨyari tewiyari pekanihɨkɨtɨni, kene'ata'una mɨkɨkɨ, mɨpaɨ pɨta ketine'amexɨitɨaka, heitseriemekɨ yapemɨtikamienikɨ, Kakaɨyari pemayexeiyanikɨ, yuri pemɨti'eriekakɨ, pemɨti'akanaki'eriekakɨ, pemɨtiuka'eniwanikɨ meta pemɨkahayu'eriyanikɨ.

Temaiwawemete 3:34

Yawé kaniwananaimaka kemɨ'ane memɨte'uyukatawe'erie, peru kemɨ'ane tixaɨtɨ memɨkate'ayuyeitɨa mɨkɨ puwaparewie.

'Inɨatsie 12:3

Matsi Muitsexi tixaɨtɨ karayuyeitɨatɨ 'amuyeika kanihɨkɨtɨkaitɨni, nixewitɨ tawarita hepaɨna 'anetɨ kwiepa pumawekai.

Nɨawari 138:6

Yawé muyuawitsie kaniuyeikani, meta puwaxeiya tixaɨtɨ memɨkateyu'erie, 'iyata memɨyuti'ɨre 'ateewa kaniwaxeiyani.

1 Pekuru 3:15

Matsi yu'iyaritsie xekenayemakaxeni Ti'aitame Kɨritsitu kemɨtiupatsie. Yuheyemekɨ xekeneha'aritsieka xemɨtiniunikɨ tita xemɨtekwewietsie mieme, yaxete'ikɨhɨawetɨ kemɨ'ane mɨxeta'iwawiya. Mɨpaɨ xetekuxatatɨ xepɨka'ayu'eririyani xeikɨa, matsi xekenayemakaxeni kemɨ'ane mɨxeta'iwawiya,

2 Timuteu 2:25

'iyarieya 'aixɨa 'anekaku pɨwatiheitseriyani mɨkɨ memeye'unie, mɨpaɨ ra'eriwatɨ Kakaɨyari mɨwapitɨanikɨ memɨtehayewakɨ kememɨteyuriekai, tita yuri mɨraine memetimanikɨ,

Karatsiyatari 6:2

Yuxexuitɨ xekeneyuparewieka yu'ikakɨ, mɨpaɨ xeteyurietɨ Kɨritsitu 'inɨarieya xekanaye'atɨakuni.

'Epetsutari 1:4

Kwie kanetɨariewekaku 'akuxi, Kɨritsitu ha'eriwatɨ 'aixɨa kataniuyurieni tatsi'anayexeiyaka hetsiena mieme temɨpatsiekakɨ, tahetsie mɨkarahɨiwanikɨ tatsixeiyakaku.

Tsupuniyaxi 2:3

Yawé xekeneutiwawa, yunaitɨ xeme tixaɨtɨ xemɨkatehayuyeitɨa 'ena kwiepa, yaxemɨteyurie 'aitsikateya kemaine. Xekeneutiwawa tita mɨtiheitserie meta 'axekeneu'uwani tixaɨtɨ xekatehayuyeitɨatɨ, heiwatɨ 'ana xe'uti'awieta, kepauka Yawé haxɨaya tukarieya maye'anitsie.

Nɨ'ariekate 20:19

Ti'aitame hetsiemieme nekatini'uximayaka tixaɨtɨ nekarayuyeitɨatɨ, ne'utatsuatɨ, ne'inɨatsienetɨ, huriyutsixi kememɨteyu'eniekai nehepaɨtsita.

Temaiwawemete 16:19

'Aixɨa pɨ'ane xɨka haweri memɨ'anene wahamatɨa tixaɨtɨ katihɨkɨtɨni, keyuri memuyuti'ɨre wahamatɨa pemɨxikutɨnikɨ.

Marikuxi 9:19

Hikɨ Ketsutsi mɨpaɨ kaniutayɨni: —Xeme hikɨ xemɨmiemete yuri xepɨkate'erie. ¿Kepaɨmexɨa peuyewetse 'akuxi xehamatɨa nemuyeikani? ¿Kepaɨmexɨa 'akuxi nepɨtixenewirieka? Xekenawitɨki mɨkɨ temaikɨ.

Tsakariyaxi 9:9

Waɨkawa keneyutemawieka, neniwe 'uka Tsiyuni. Keneutahiwani temawierikakɨ, neniwe 'uka Kerutsareme. Neuxei, mana pamie 'ahepa meti'aitɨwame, heitserie yamɨtikamie, tiyuwikweitsitɨwame meta mariwetɨ mɨkahayuyeitɨwa. 'Akanamieni puxutsie 'anakaitɨ, puxu temaikɨ hetsie, puxu 'ukaratsi nu'ayatsie.

Kitsariyaxi 57:15

Mɨpaɨ mainekɨ 'amutewi meta mumariwe, yuheyemekɨ 'amuyeika, mɨpatsie mɨtitewa: «Ne meutitewatsie nekanikiekametɨni mɨpatsietsie, Peru yaxeikɨata yu'iyaritsie muyuhiwerie meta tixaɨtɨ mɨkarayuyeitɨa hamatɨa nepuyeika, nemɨwatɨrɨkariyanikɨ yu'iyaritsie memɨwerarani kemɨ'ane yu'iyaritsie memɨyuhiwerie nepɨwatɨrɨkariya.

Nɨawari 45:4

Mariwemekɨ, kananutiyeixani rayu'iwake tita yuri mɨraine hetsiemieme kaniyumieneni, meta tixaɨtɨ mɨkarayuyeitɨa meta tita mɨtiheitseriekɨ, mariweme ketiyurieneni 'atɨrɨkariya.

Tsatiyaku 1:21

'Ayumieme, xekenewiwi naime tita mɨkati'itiya meta tita 'axamɨti'ane, naitsarie manayuhayewa, xemɨyɨwawenikɨ Kakaɨyari niukieya xehetsie muka'iteɨtsie xemɨtanaki'erienikɨ tixaɨtɨ xekatehɨkɨtɨtɨ, mɨkɨ kaniyɨweni xe'iyari mɨtawikweitsitɨani.

Ti'ɨkitame 7:8

Matsi 'aixɨa kani'aneni tixaɨtɨ mɨreutiparekɨ, keyuri titsutɨarietɨ. Matsi 'aixɨa kani'aneni mɨtiuka'eniwanikɨ waɨkawa keyuri yu'ariwietɨ.

Kurutsetari 1:11

Tepiwawirie xemɨtɨrɨkariyarienikɨ, naimekɨ xetɨrɨkawitɨ, 'iya kemɨtitɨrɨkaɨye mariwetɨ, para xemɨyɨwawenikɨ xemɨte'uka'eniwanikɨ, xemɨte'ukanenewiekakɨ naime hepaɨtsita,

1 Pekuru 3:8

'Imatɨrieka yunaitɨ xekeneyuxewini kexemɨteyɨkɨhɨawe, xekeneyuxewini 'axeikɨa xeyutemamawietɨ xeyuhiwerietɨ nutsu, xekeniwanaki'erieka 'iwamarixi, xeketeneyukanenimayaka, xepɨka'ayu'eririyani.