'Epetsutari 3:21 - Kakaɨyari Niukieya

²¹ mɨkɨ hepaɨtsita 'aixɨa meke'utiyuaneni metatsiha'eriwatɨ tame temɨtatixexeɨriwa Kɨritsitu Ketsutsi meha'eriwatɨ, yunaitɨ teɨteri mexi me'anutikɨka tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

'Epetsutari 3:21 ပူးပေါင်းရင်းမြစ်များ

Kura 1:25

mɨkɨ witsiketixeiyarieka, kemariweni, ketɨrɨkaɨyeni meta keti'aitani, Ketsutsi hetsie tiwiyatɨ tati'aitɨwame, tukari katsutɨariewekaku, hikɨ tukari meta yuheyemekɨ mieme. Mɨpaɨ xeikɨa kani'aneni.

Xumatari 11:36

Naitɨ hetsɨana katinayeneikani, 'akatiniuweni mɨkɨ tikuyuitɨwakaku, meta hetsiena katinimiemetɨni. Mɨkɨ 'aixɨa ketikuxaxatsiwani yuheyemekɨ. Mɨpaɨ xeikɨa kani'aneni.

2 Pekuru 3:18

Matsitsɨ xekenewawereni waɨkawa matsi 'aixɨa xete'u'iyaritɨ xemakɨnirɨmenikɨ, xe'imatetɨ Tati'aitɨwame Tatsiwikweitsitɨwame Ketsutsi Kɨritsitu. Mɨkɨ mariwemekɨ kekuxaxatsiwani hikɨ, tukari mɨkaxɨwe mexi ka'aye'awe. Mɨpaɨ xeikɨa kani'aneni.

1 Pekuru 5:11

Mɨkɨ tɨrɨkariya kepitɨarieka yuheyemekɨ tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

Kitsariyaxi 6:3

Mɨpaɨ yuxexuitɨ meteyutahɨawetɨ: «Kanipatsieka, kanipatsieka, kanipatsieka Yawé Naimekɨmɨtɨrɨkaɨye, naitsarie kwiepa pɨmatsiɨkɨ witsikemɨ'ane».

1 Kemɨtiuyɨ 29:11

'Ekɨ Yawé katini'apinitɨni, kepemɨtimariwe meta kepemɨtitɨrɨkaɨye, witsikepemɨ'ane, kepemɨrayu'iwa meta kepemɨti'aitame. Naitɨ katini'apinitɨni ketipaɨmetɨ mɨtixuawe muyuawitsie meta kwiepa. Yaxeikɨata 'ekɨ xeikɨa pekatini'aitametɨni, 'ekɨ yunaime waheima pekatini'aitani.

Nɨawari 72:19

'Aixɨa keraniuwani hetsiena mieme yuheyemekɨ, kemɨtimariwe ke'utahekɨatsieni naitsarie. 'Aixɨa pɨ'ane, 'aixɨa pɨ'ane.

Piriputari 4:20

Kakaɨyari mɨta'ukiyari witsiketikuxaxatsiwani yuheyemekɨ, tsepanetɨ xeitsienituyari wiyari manuyekɨka yaxeikɨa ketikuxaxatsiwani. Mɨpaɨ xeikɨa kani'aneni.

Xumatari 16:27

Mɨkɨ Kakaɨyari muyuxewi mɨtimaiwe, witsiketikɨhɨawarɨwani Ketsutsi Kɨritsitu hetsiemieme yuheyemekɨ. Mɨpaɨ xeikɨa kani'aneni.

1 Pekuru 2:5

xemeta tetexi kemɨtiu'uitɨariwa kii mayanikɨ yaxeikɨa xeme xe'ayenenieretɨ xepɨti'uitɨarieni kii xemakɨnekɨ 'iyaritsie mieme. Mawari wewiwamete xekenakɨni Kakaɨyari hetsiemieme xepatsietɨ, xemixatɨanikɨ mawari 'iyaritsie mieme kemɨtinake Kakaɨyari, Ketsutsi Kɨritsitu xeparewiekaku.

Kitsariyaxi 42:12

Yawé mariwemekɨ xekenekuxatani kwikarieya xekeneutikwikani 'ateewa paitɨ haramara tetsita.

Hepɨrayutsixi 13:21

mɨkɨ xɨka xe'aye'atɨani kemɨtinake yaxemɨteyuriekakɨ naimekɨ 'aixɨa xeteyurietɨ, mɨkɨ xɨka xe'uyuitɨani xeminaki'aritɨanikɨ kemɨtixexeiya, Ketsutsi Kɨritsitu xeparewiekaku. Mɨkɨ hepaɨtsita 'aixɨa ketikuxaxatsiwani yuheyemekɨ. Mɨpaɨ xeikɨa kani'aneni.

Piriputari 2:11

Yunaitɨ mekaniyutahekɨatakuni, kememɨteheitima Ketsutsi Kɨritsitu kename Ti'aitame hɨkɨ, me'utiyuatɨ, 'ana 'aixɨa katinikuxaxatsiwamɨkɨ Kakaɨyari mɨta'ukiyari.

Karatsiyatari 1:5

Witsiketikuxaxatsiwani mɨkɨ hepaɨtsita yuheyemekɨ. Mɨpaɨ xeikɨa kani'aneni.

2 Timuteu 4:18

Ti'aitame pɨnetsitawikweitsitɨani tsepa kememɨteyurie 'axamenetsiyuriekutɨ. 'Atsineka'itɨariewekaku pɨnetsi'aye'atɨani hakewa mɨre'aita muyuawitsie, mana nemaye'anikɨ. Hepaɨtsitana 'aixɨa ketikuxaxatsiwani yuheyemekɨ. Mɨpaɨ ketiuyɨni.

Piriputari 1:11

'aixɨa mɨti'anekɨ xekenehɨpɨneni Ketsutsi Kɨritsitu xepitɨakaku, 'aixɨa mɨtikuxaxatsiwanikɨ meta Kakaɨyari nɨawarieyakɨ.

'Epetsutari 1:6

Kataniupitɨani 'aixɨa temutiyuanenikɨ hepaɨtsitana, witsikemɨtatimikwa. Mɨpaɨ pɨtatiumi, kemɨ'ane mɨnaki'eriwatsie temɨtewiyakɨ.

Rukaxi 2:14

«Taheima witsikatinikɨhɨawarɨwani Kakaɨyari, kwiepa 'aixɨa mekatenixeiyariekuni teɨteri mɨkɨ wakɨmana mɨnaki'a».

Nɨawari 115:1

Yawé, 'aixɨa pɨ'ane 'ekɨ pemɨnɨawarieka, 'anaki'eriyakɨ meta yuri pemɨtikuxatakɨ, tame matsi heitserie tepɨkahexeiya.

'Epetsutari 2:7

Tukari 'umamietsie mɨtihekɨatanikɨ kemɨtiyutatua 'aixɨa tiuka'iyaritɨ, 'ayumieme mɨpaɨ katiniuyurieni. Yatinihekɨatamɨkɨkaitɨni 'aixɨa tatsiyurienetɨ Kɨritsitu Ketsutsi hetsie temɨtewiyakɨ.

Mateu 6:13

Pepɨkatatsipitɨaka temɨta'inɨatsienikɨ, matsi ketaneutawikweitsitɨa 'axatemɨka'itɨarienikɨ. 'Ekɨtsɨ 'aheyemekɨ pekatini'aitametɨni pekanitɨrɨkaɨyeni witsipekani'aneni 'aheyemekɨ. Mɨpaɨ xeikɨa kani'aneni”.

'Epetsutari 4:1

'Ayumieme neri Ti'aitame hetsie netiwiyatɨ nekananutahɨiyaka, waɨriyarika nekanixepitɨaka, 'aixɨa 'anemekɨ xemu'uwanikɨ, kemɨreuyewetse yamɨtikamienikɨ kemɨ'ane muta'inierie kexemɨte'uta'inierie xeme.