'Epetsutari 3:18 - Kakaɨyari Niukieya

¹⁸ Mɨpaɨ xeteyukanaki'erietɨ 'axeikɨa xekaniyɨwawekuni xemɨtehetimanikɨ, yunaime Kakaɨyari teɨterimama wahamatɨa, kemakuyewa, kemeutatewa, kemeutitewa meta kemeukatewa, Kɨritsitu kemɨtiyukanaki'erie,

'Epetsutari 3:18 ပူးပေါင်းရင်းမြစ်များ

Wani 15:13

Tewi kemɨkatiyukanaki'erie hepaɨ, waɨkawa matsi pɨtiyukanaki'erie yutukari yetuatɨ mɨkɨ mɨwanaki'erie wahetsiemieme.

Nɨawari 103:17

Peru Yawé naki'eriyaya hawaikɨ pɨkaheu'axe, yuheyemekɨ pɨtiwiya kemɨ'ane memeyemakaxe wahetsie, waniwema meta mɨkɨ waniwema wahetsie 'aixɨa mɨti'ane puxuawe,

'Epetsutari 3:19

xemimaikakɨ Kɨritsitu naki'eriyaya, tsepa tewi mɨkayɨwe yamɨretimanikɨ. Xeke'utihɨniyarieni, hepaɨna xemɨ'anenenikɨ, Kakaɨyari kemɨ'ane.

Kitsariyaxi 55:9

Nehuye meta kenemɨtiku'eriwa matsi 'apeutitetewa keyuri xehuye meta kexemɨteku'eriwa, matsi waɨkawa peutitewa keyuri muyuawitsie kemeutitewa.

Karatsiyatari 2:20

Kɨritsitu hamatɨa kuruxitsie nekaniumierieni. Hikɨri ne nekɨmana nepɨka'ayeniere, matsi Kɨritsitu nehetsie payeniere. Hikɨri newaiyaritsie kenemɨrayeniere, nepayeniere yuri neti'erietɨ Kakaɨyari nu'ayatsie, kemɨ'ane mɨnetsinaki'erie, meta muyuyetua nehetsiemieme.

'Epetsutari 1:15

'Ayumieme ne neretimaika yuri kexemɨte'erie Ti'aitame Ketsutsi hetsie, ne'u'enaka kexemɨtewanaki'erie yunaime Kakaɨyari teɨterimama,

Nɨawari 145:10

Yawé, yunaime pemɨtiwarutiwewi mekemetsinɨawani, 'ateɨterima yamemɨtekahu 'aixɨa mekehaitɨkani 'ahetsiemieme.

Matsiɨkɨtɨ kemɨratɨa 3:21

Kemɨ'ane mɨrayu'iwa, mɨkɨ nekanipitɨamɨkɨ nehamatɨa mayerɨnikɨ ne'uwenitsie hakewa nemɨre'aita, neta ne'ukiyari hamatɨa kenemɨraya 'uwenieyatsie nerane'iwaka.

Karatsiyatari 3:13

Kɨritsitu 'ari kataniunaneni, kataniuxɨna temɨkaxani'eriwanikɨ 'inɨari niukiyari kemaine hepaɨ. Mɨkɨ pɨta kaniutixani'eriwa tahetsiemieme, kemɨre'uxa: «Yunaitɨ kɨyetsie memɨkawɨtɨarieni mekanixani'eriwani».

'Epetsutari 1:10

Mɨpaɨ katinaye'atɨanikekaitɨni kepauka tukari 'aixɨa mɨ'ane maye'anikekai, nitaxewiriyakekaitɨni naime Kɨritsitu hetsie tiwiyakame, naime taheima mieme kwiepa mieme.

Nɨawari 139:6

Kepemɨtimaiwe pɨmariwe yemekɨ, ne nepɨkayɨwe nemeitimaitɨyani.

Kurutsetari 1:4

tekatenimarieka yuri kexemɨte'erie Kɨritsitu Ketsutsi hetsie, kexemɨtewanaki'erie Kakaɨyari teɨterimama yunaime,

Xumatari 10:3

'Atsimepɨkatemate heitserie kemɨtiyupitɨwa Kakaɨyari, yɨkɨmana pɨta mepɨtekuwautɨwe heitserie kememɨteyupitɨanikɨ. 'Ayumieme yamepɨkatekahu Kakaɨyari kemaine, heitserie mɨwapitɨanikɨ.

Nɨawari 132:9

Mawari wewiwamete 'aixɨa meke'uyukuyurieni kemɨreuyewetse. 'Ahetsie memɨtewiya mekemetsinɨawani meyutemamawietɨ.

2 Kemɨtiuyɨ 6:41

»Kenenua, Yawé Kakaɨyari, 'ena kene'uxipieka, 'ekɨ meta 'atɨratu kakuniyari mɨtɨrɨkaɨye. Yawé Kakaɨyari, keniwarupitɨa 'amawari wewiwamete 'awikweitsitɨarika memexeiyanikɨ. Yamemɨtekahu mekeyutemamawieka 'aixɨa pemɨtiuka'iyarikɨ.

1 Timuteu 3:16

Mɨpaɨ katinihekɨaka, pɨmariwe mɨkɨ niuki matsiɨkɨtɨ matɨa, ketemɨteheyexeiya Kakaɨyari manuyɨne: Mɨkɨ matsiɨkɨtɨ kanayani yuwaiyaritsie 'uyeikatɨ, heitserie pupitɨarie 'Iyari hexeiyatɨ, niuki tuayamete mepixei, pɨkuxaxatsiwakai nuiwarite watsata, yuri mepɨte'uta'eri hetsiena kwiepa memɨtama, witsi'anetɨ panutiwitɨkie.

2 Kurinitutari 13:13

Kakaɨyari teɨterimama yunaitɨ mekanixewaɨritɨaka.

Tsakariyaxi 14:5

Hikɨ xeme xekaniyuta'unakuni mayeweritsie, karikɨ mɨkɨ 'Atsari mɨrakutewa paitɨ kaniye'atɨyeimɨkɨ. Xekaniyuta'unakuni kexemɨteyuta'unaxɨ kwie mutayuatsie 'Utsiyaxi ti'aitakaku, Kura kwieyaritsie. Hikɨ 'ana Yawé kaninuamɨkɨ takakaɨyari, hetsɨana miemete memɨpatsie yunaime warawitɨtɨ.

Nɨawari 116:15

Yawé puyukahiwerɨwa kepauka hetsiena yamemɨtekahu memɨtakukuwe.