'Epetsutari 3:14 - Kakaɨyari Niukieya

¹⁴ 'Ayumieme nekaniutitunumakeni nenewieri ne'ipitɨanike Tati'aitɨwame Ketsutsi Kɨritsitu 'ukiyarieya.

'Epetsutari 3:14 ပူးပေါင်းရင်းမြစ်များ

Nɨawari 95:6

Xekenakɨni, hɨxiena tepakatutsitaxɨani, tepɨtitunuma'uni Yawé hɨxie mɨtatsi'utawewi.

Piriputari 2:10

'Uxa'atɨni warie kepauka Ketsutsi mɨtahɨawarieni kemɨ'ane mɨhɨkɨ, mɨpaɨ kemɨtimariwa, 'ana yunaitɨ mekanikatunuma'uikuni nenewieri mekanipitɨakuni, taheima memɨtama, kwiepa memɨtama, meta kwie hetɨa memɨtama,

Nɨ'ariekate 21:5

Yapaɨmexɨa tukari te'uyurieka wahamatɨa, tekanekɨne ketemɨtehukai. Yunaitɨ teyu'ɨkitɨwamete, 'ukarawetsixi meta tɨɨri mepɨtatsi'uweiyakai kiekari manu'axe paitɨ, mana haramara tetsita te'utitunuma'uka, tekaniyutanenewieni,

'Epetsutari 1:3

'Aixɨa ketikuxaxatsiwani Kakaɨyari, kemɨ'ane Tati'aitɨwame Ketsutsi Kɨritsitu mu'ukiyarieya. Kɨritsitu hetsie tetewiyakaku mɨkɨ 'aixɨa kataniuyurieni tatsi'upitɨaka naime 'aixɨa mɨ'ane 'iyaritsie mieme, meta muyuawi hetsiemieme.

Tanieri 6:10

Kepauka Tanieri 'aitsika hepaɨtsita mɨretima, yukie kaneyani meta muyehuputsie kaneutiyune, wapaitɨ Kerutsareme hepatsie katineuyepierikekaitɨni. Muwa 'utitunumakeka kaniuyutanenewieni meta yukakaɨyari hepaɨtsita 'aixɨa kanainekaitɨni, mɨkɨ haikakɨa tukarikɨ kaniyutinenewiwakaitɨni mɨpaɨ katini'iyamakaitɨni.

'Etsitɨraxi 9:5

Kepauka mawari taikai mieme maye'a 'anake nekaniunenɨtɨani, nekamixa meta 'ixuriki meukatsatsani ne'anakatɨtɨ, nekaniukatunumakeni, teikɨ nekanemeni Yawé nekakaɨyari hetsɨa,

Kitsariyaxi 45:23

Ne mɨpaɨ yurikɨ nekaniuyuhɨritɨani nehetsiemieme, heitseriekamekɨ yanekaniutayɨni niuki nemɨka'ipatakɨ: Nehɨxie yunaitɨ mepɨkatunuma'uni, nehetsiemieme yamepɨteyuhɨritɨani yunaitɨ teɨteri.

Nɨ'ariekate 20:36

Hikɨ mɨpaɨ 'utayɨka, Papuru 'utitunumakeka, yunaime wahamatɨa kaniyutanenewieni.

Rukaxi 22:41

Hikɨ yuxaɨta kananayeyani memakutekaitsie yatewa kaniuyani tete kemɨrehɨiwa yakɨtɨtɨ, 'utitunumakeka kaniyutanenewieni,

1 Te'aitamete 19:18

Matsi, ne nepɨwa'ɨwiyani 'atahuta miriyari 'ixaheritsixi memɨkakatunuma'uiwawe Wahari hɨxie meta memɨka'i'itsiwawe.

1 Te'aitamete 8:54

Tsarumuni mawari taiyame Yawé hetsiemieme hɨxie pɨtitunumawekai teikɨ hemetɨ. Kepauka mɨtiutahayewaxɨ yunenewietɨ waɨkawamekɨ mɨpaɨ Yawé tiwawirietɨ, kananukukeni,

2 Kemɨtiuyɨ 6:13

Mana pita'aitakai mɨtawewiyanikɨ takwa hixɨapa wapaitɨ kekame wurunitsekɨ wewiyakame, yaxeikɨa heutatetewame huta meturuyari heimana xeitewiyari heimana 'auxɨwi tsenitimeturuyari, meta xeimeturuyari heimana xeitewiyari heimana tamamata heimana 'auxɨwi tsenitimeturuyari heutitewame. Mana wapaitɨ, kaniukatunumakeni hikɨ yuheima hemetɨ muyuawitsie,

Nɨ'ariekate 9:40

Yunaime Pekuru kaniwaranuyenɨ'ani, 'utitunumakeka kaniyutanenewieni. Ta'aurie 'aweka kaxari manukatei mɨpaɨ kaniutayɨni: «Tawita 'aku, kenanukukexi». Mɨkɨ kananutaniere. Pekuru 'uxeiyaka 'aniutayerɨni.

Nɨ'ariekate 7:60

'Utitunumakeka karima kaniutahiwa: —Ti'aitame 'aku, 'ikɨ 'axakememɨteyuriekɨ wahetsie pepɨkarahɨpani. Mɨpaɨ 'utayɨka kaniumɨni.

'Epetsutari 3:15

Mɨkɨ meha'eriwatɨ yunaitɨ nuiwarite yamekatenitetewaka kwiepa memɨtama meta muyuawitsie memɨtama.