'Epetsutari 1:17 - Kakaɨyari Niukieya

¹⁷ mɨpaɨ netinenenewietɨ, Tati'aitɨwame Ketsutsi Kɨritsitu Kakaɨyarieya, ta'ukiyari witsimɨ'ane, mɨpaɨ ketixepitɨaka yu'iyaritsie xemɨtemaiwawenikɨ, naitɨ mɨtimatsiɨkɨnikɨ xehetsiemieme xe'imaikaku.

'Epetsutari 1:17 ပူးပေါင်းရင်းမြစ်များ

Kitsariyaxi 11:2

Yawé 'Iyarieya mɨkɨ hetsie kanika'uxipiemɨkɨ: 'iyari mɨtimaiwenikɨ meta meti'enatɨyeikanikɨ, 'iyari 'ɨxatsi mexeiya meta tɨrɨkariya, 'iyari waɨkawa mɨrakumate meta Yawé mayemakaxe.

Temaiwawemete 2:5

hikɨ yapepɨretimani Yawé kemɨrayemakaxenikɨ meta pepikaxeiya Kakaɨyari kemɨtiuyemate.

2 Pekuru 1:3

Mɨkɨ Kakaɨyari mɨtɨrɨkaɨye, pɨtatsi'upitɨa naime kemɨreuyewetse temɨtemaikakɨ 'aixɨa 'anemekɨ temɨte'ayexeiyanikɨ. Mɨpaɨ tekateniupitɨarieni temeitimanikɨ kemɨ'ane mɨtatsi'uta'ini witsi'anemekɨ mariwetɨ.

2 Pekuru 3:18

Matsitsɨ xekenewawereni waɨkawa matsi 'aixɨa xete'u'iyaritɨ xemakɨnirɨmenikɨ, xe'imatetɨ Tati'aitɨwame Tatsiwikweitsitɨwame Ketsutsi Kɨritsitu. Mɨkɨ mariwemekɨ kekuxaxatsiwani hikɨ, tukari mɨkaxɨwe mexi ka'aye'awe. Mɨpaɨ xeikɨa kani'aneni.

'Epetsutari 1:3

'Aixɨa ketikuxaxatsiwani Kakaɨyari, kemɨ'ane Tati'aitɨwame Ketsutsi Kɨritsitu mu'ukiyarieya. Kɨritsitu hetsie tetewiyakaku mɨkɨ 'aixɨa kataniuyurieni tatsi'upitɨaka naime 'aixɨa mɨ'ane 'iyaritsie mieme, meta muyuawi hetsiemieme.

Wani 17:3

'Ikɨ tukari mɨkaxɨwe kanihɨkɨtɨni, memɨmatsimaikakɨ 'ekɨ pe'axewitɨ yuri pemɨkakaɨyari, memɨnetsimaikakɨ neta Ketsutsi Kɨritsitu pemɨnetsiheyenɨ'a.

Mateu 11:27

»Ne'ukiyari naime kanetiniyetuirieni. Nixewitɨ pɨka'imate Nu'aya 'Ukiyarieya xeikɨa pimate, meta nixewitɨ pɨka'imate 'Ukiyarieya Nu'aya xeikɨa pimate meta mexɨka nu'aya yuwaɨriyani matsiɨkɨme meyeitɨani peitimani 'ukiyarieya.

1 Kurinitutari 2:10

Matsi hikɨ mɨya'aneneme Kakaɨyari matsiɨkɨme kanayeitɨani, 'Iyari yatatixeitsitɨakaku. Mɨkɨ 'Iyari katinimaika naitsarie kemɨti'ane, naitɨ kemɨtiyumate Kakaɨyari.

Keremiyaxi 24:7

'Iyari nepuwayetuirieni netsimateme, ne Yawé nemɨhɨkɨkɨ. Mɨkɨ mepɨneteɨterimatɨni, neta nepɨwakakaɨyaritɨni, nehetsɨa mekani'axɨakuni yu'iyarikɨ.

'Epetsutari 3:5

Meripai teɨteri memanutikɨ wa'utɨma miemete, 'ana mɨpaɨ mepɨkate'ɨkitɨariekai teɨteri, hikɨ matsi nɨ'ariekate memupatsie, meta Kakaɨyari niukametemama, mɨkɨ mɨpaɨ mepɨte'ɨkitɨarie 'Iyari yatiwahekɨatɨakaku.

Wani 20:17

Ketsutsi mɨpaɨ katinitahɨawe: —Pepɨkanetsikuwiwiyani, ne'ukiyari hetsɨa nepɨka'anutiyeiwe 'akuxi. Matsi ne'iwama wahetsɨa kenemie. Mɨpaɨ ketiniwaretahɨawi: “Ne'ukiyari hetsɨa mɨxe'ukiyari hetsɨa nekananutiyeimɨkɨ, nekakaɨyari hetsɨa mɨxekakaɨyari hetsɨa neranutiyanita”.

Nɨ'ariekate 6:10

Mepitexiekai kemɨtikuxatakai mɨtimaiwekaikɨ, 'Iyari miparewiekaikɨ.

Mateu 6:13

Pepɨkatatsipitɨaka temɨta'inɨatsienikɨ, matsi ketaneutawikweitsitɨa 'axatemɨka'itɨarienikɨ. 'Ekɨtsɨ 'aheyemekɨ pekatini'aitametɨni pekanitɨrɨkaɨyeni witsipekani'aneni 'aheyemekɨ. Mɨpaɨ xeikɨa kani'aneni”.

Wani 14:26

Tiyuparewiwame xehamatɨa muyeikani, 'Iyari Mɨtiyupata ne'ukiyari menɨ'ani nehetsɨa miemetɨme, mɨkɨ tinaime katinixeta'ɨkitɨamɨkɨ. Katinixehaye'eritɨamɨkɨ naime kenemɨtixekuxaxatɨwakai ne.

2 Kurinitutari 12:1

Merikɨte, xɨari peuyewetse mariweme nemɨnexatanikɨ, 'aixɨa kapɨyɨni tsiepɨre. Peru heinɨtsipaɨ kenemɨtiunierixɨ, tita Ti'aitame matsiɨkɨme mɨrayeitɨa, mɨkɨ hepaɨtsita nepɨtikuxatani.

Rukaxi 21:15

ne pɨta temaiwawemete nekanixe'ayeitɨamɨkɨ, xemɨtiniunikɨ, 'ayumieme yunaitɨ memɨxe'aye'unie mekaniyutatexikuni mexe'a'iwakutɨ mexeniukimakutɨ.

Nɨawari 24:7

Kitenie xekeneyuyepiexɨa, 'itupari meripaitɨ xemumiemete xekeneyuyepiexɨa, Ti'aitame witsimɨ'ane kaneutahamɨkɨ.

1 Kurinitutari 12:8

Xewitɨ kanipitɨarieka mɨtaniunikɨ timaiweme hepaɨ, 'Iyari yatipitɨakaku. Xewitɨta kanipitɨarieka waɨkawa mɨrakumaikakɨ, mɨkɨtɨtɨ 'Iyari yuxewitɨ kemɨtipitɨa.

1 Kurinitutari 2:8

Hikɨ miemetexi tewa'aitɨwamete hatsuaku nixewitɨ mɨpaɨ mepɨkatehetimaiwawekai. Xɨka mɨpaɨ metehetimanike, kuruxitsie mepɨka'imienikekai Ti'aitame witsimɨ'ane.

Xumatari 15:6

'axeikɨa xeitetayarikɨ xe'utiniutɨ 'aixɨa xemutiyuanenikɨ kemɨ'ane Tati'aitɨwame Ketsutsi Kɨritsitu mɨkakaɨyarieya mɨ'ukiyarieya hepaɨtsita.

Wani 16:3

Mɨpaɨ mekateniyurikuni memɨka'imatekɨ ne'ukiyari, meta memɨkanetsimatekɨ ne.

Tanieri 10:1

Hairieka wiyaritsie Tsiru ti'aitakaku Peritsiya kiekame, Tanieri hɨxie matsiɨkɨtɨ katinayani kuyaxi meyumɨireme kaniwaruxeiya. Mɨkɨ kemɨtiunieritɨarie puyuritɨkai, Tanieri meta mɨkɨtɨtɨ mɨtitewakaitsiere Werititsatsaxi, kaneitimaitɨyani kehapaɨtɨtɨ manuyɨnekai kemɨtiunierixɨ.

Keremiyaxi 31:34

Pɨkayɨweniri xewitɨ yuhepaɨ tewi mɨti'ɨkitɨakakɨ meta yu'iwa mɨpaɨ haitɨ: “Yawé kenemateni”, karikɨ yunaitɨ, 'etsimemuyumate paitɨ meta 'amemuyumate mekanenetimaikuni —Yawé mɨpaɨ kanaineni—. Ne ke'axamemɨte'uyurikɨ nekatiniwareuyehɨwiriemɨkɨ, hatsuakuri nepɨkahaye'erieni».

Wani 14:17

'Iyari yuri maine nekanixatani, kwiepa memɨtama mepɨkayɨwawe memitanaki'erieni memɨka'ixeiyawawekɨ memɨka'imatekɨ. Xemeri xekanimaikatɨtɨ, xehetsie kaniyuhayewani, xehetsie katiniwiyani.

Mateu 16:17

Hikɨ Ketsutsi mɨpaɨ katinitahɨawe: —'Aixɨa pepɨ'itɨarie 'ekɨ, Tsimuni Kunatsi pemɨnu'aya, tewi mɨmɨwe pɨkamatiutahekɨatɨa, matsi ne'ukiyari taheima makawe pɨta.

Mateu 11:25

Merikɨtsɨ 'ana Ketsutsi mɨpaɨ kaniutayɨni: «Ne'ukiyari, taheima pemɨti'aita meta kwiepa, pamɨpariyutsi nepɨmatsipitɨa, pemɨtiuti'awietaxɨkɨ 'ikɨ naime memɨkaheitimanikɨ mɨkɨ memɨteyɨ'ɨkitɨawawe meta memɨtemaiwawe, tɨɨri pɨta wahetsiemieme matsiɨkɨme pemayeitɨakɨ.

Keremiyaxi 9:24

Xɨka xewitɨ yuta'ɨrimɨkɨ, keyuta'ɨre mɨnetsimatekɨ meta mɨpaɨ mɨretimakɨ kename ne Yawé nehɨkɨ, nemɨti'uximaya kwiepa naki'eriyakɨ, heitseriemekɨ meta 'aixɨa 'anemekɨ, netsɨ mɨpaɨ kanetininakeni —Yawé mɨpaɨ kanaineni—.

Keremiyaxi 2:11

¿Kamɨtsɨ xewitɨ nuiwari tiuyeika hipame kakaɨyarixi waruku'eirieka hipame pɨta wareweiyaka, tsepanetɨ mekakakaɨyarixi? Neteɨterima mepɨnetsi'uku'eiri, nemɨmariwe wahetsiemieme, tixaɨtɨ mɨkatiyunaki'erie hekɨ.

Nɨawari 24:10

¿Kemɨ'ane mɨkɨ Ti'aitame witsimɨ'ane pɨhɨkɨ? Yawé Naimekɨmɨtɨrɨkaɨye kanihɨkɨtɨni, mɨkɨ Ti'aitame witsimɨ'ane kanihɨkɨtɨni.

Matsiɨkɨtɨ kemɨratɨa 7:12

mɨpaɨ me'utiyuatɨ: «Mɨpaɨ ketiuyɨni. Witsiketikɨhɨawarɨwani, 'aixɨa ketikuxaxatsiwani, timaiwetɨ kemariwani, pamɨpariyutsi kepitɨarieka, mariwetɨ kexatsiwani, tɨrɨkaɨyetɨ yɨwetɨ kexatsiwani, takakaɨyari tsepanetɨ xeitsienituyari wiyari manuyekɨka. Mɨpaɨ ketiuyɨni».

Titu 1:1

Ne Papuru ti'uximayatame nekanihɨkɨtɨni Kakaɨyari hetsiemieme, Ketsutsi Kɨritsitu nɨ'arieya nekanihɨkɨtɨni, yuri neti'erietɨ yaxeikɨa yuri kememɨte'erie mɨkɨ Kakaɨyari mɨwaranayexei, mɨpaɨta netimaitɨ tita yuri mɨraine, kemɨreuyewetse yamɨtimaikakɨ Kakaɨyari xɨka 'ayexeiyani.

Tanieri 5:11

'Ekɨ ti'aitame pemɨra'aitatsie xewitɨ 'apuyeika kakaɨyarixi memɨpatsie wa'iyari hexeiyatɨ. Kepauka ti'aitame 'amuyeikakai Nawukurunutsuxi, 'ekɨ 'apaapa, mɨkɨ tewi pukaxeiyarie timaiwetɨ, yapauka retimamateketɨ, kakaɨyarixi 'iyari memexeiya hepaɨ 'aneme hexeiyame. 'Ekɨ ti'aitame 'apaapa penukake temaiwawemete, mara'akate, muyuawitsie timiemekɨ memɨteyu'ukitɨa meta memɨtehetimamateke wa'ukiyari mɨhɨkɨtɨnikɨ.

1 Kemɨtiuyɨ 29:11

'Ekɨ Yawé katini'apinitɨni, kepemɨtimariwe meta kepemɨtitɨrɨkaɨye, witsikepemɨ'ane, kepemɨrayu'iwa meta kepemɨti'aitame. Naitɨ katini'apinitɨni ketipaɨmetɨ mɨtixuawe muyuawitsie meta kwiepa. Yaxeikɨata 'ekɨ xeikɨa pekatini'aitametɨni, 'ekɨ yunaime waheima pekatini'aitani.

Tsatiyaku 2:1

Ne'iwama nemɨxenaki'erie, Ketsutsi Kɨritsitu Tati'aitɨwame witsimɨ'anetsie yuri kexemɨte'erie, xeketeneuhayewa hipame xeikɨa teɨteri 'aixɨa xetewaxeiyatɨ.

1 Kurinitutari 14:6

Hikɨri ne'iwama, xɨka xehetsɨa neheuyanike hipame niukiyaritekɨ ne'utaniutɨ, ¿tita netixepitɨanikeyu, xɨka nekaxehetahɨaweke netihekɨatatɨ tita mɨti'awietsiekai hepaɨtsita, xɨka kenemɨtiuyematekɨ nekarekuxatanike, xɨka kakaɨyari niukieya nekahekuxatanike yatɨni nekare'ɨkitanike?

Rukaxi 12:12

karikɨ 'ana 'Iyari Mɨtiyupata pɨtixeta'ɨkitɨani kexemutiyuaneni».

Rukaxi 2:14

«Taheima witsikatinikɨhɨawarɨwani Kakaɨyari, kwiepa 'aixɨa mekatenixeiyariekuni teɨteri mɨkɨ wakɨmana mɨnaki'a».

Nɨawari 29:3

Yawé hiwarieya haa heima kaniuyeikani, Kakaɨyari witsimɨ'ane tɨranarieya kanayuaneni, Yawé, haa heima waɨkawa 'uyuanekaku kaniuyeikani.

2 Timuteu 2:25

'iyarieya 'aixɨa 'anekaku pɨwatiheitseriyani mɨkɨ memeye'unie, mɨpaɨ ra'eriwatɨ Kakaɨyari mɨwapitɨanikɨ memɨtehayewakɨ kememɨteyuriekai, tita yuri mɨraine memetimanikɨ,

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

Nɨ'ariekate 7:2

Mɨkɨ mɨpaɨ kaniutayɨni: —Neuxei 'iwamarixi meta ne'ukiyarima, xekeneu'enana. Tatutsi 'Apɨrahami 'ixeiyakaku Kakaɨyari witsimɨ'ane matsiɨkɨtɨ kanayuyeitɨani Metsuputamiya 'akuxi 'uyeikakaku Haranitsie kaheyeiwekaku,

Memeyekɨ 28:3

Ketinewarutaxatɨa temaiwawemete yanemɨtiwarupitɨa, 'Aruni kamixaya memɨtiwewienikɨ 'ixuriki mɨraye'atɨkakɨ, mɨpaɨ 'ana nemɨtipatakɨ nemawari wewiwame mayanikɨ.

Kuwi 42:5

Ne nepɨmatsimariekaixeikɨa, matsi hikɨ nehɨxikɨ nepɨmatsixeiya.

Temaiwawemete 18:15

Kemɨ'ane mɨtiuyemate yu'iyaritsie katinimaiweni, memɨtemaiwawe mɨtiuyemaikakɨ mekanikuwaɨtɨweni.

'Epetsutari 4:13

Mɨpaɨ tekatenipitɨarieka mexi te'aye'axɨaxime tanaitɨ temɨtaxewinikɨ yuri ketemɨte'erie Kakaɨyari nu'ayatsie, ketemɨteheitima. Mɨpaɨ tekatenipitɨarieka tewi maye'awe temakɨnekɨ, temɨtsetseɨyenikɨ Kɨritsitu kemɨraye'awe hepaɨ, mɨkɨ Kɨritsitu ta'inɨaritɨkaku.

Piriputari 3:15

Ketapaɨmetɨ temɨtsetseɨye mɨpaɨ teketeku'eriwani. Xɨka yɨkɨ xeteku'eriwani, Kakaɨyari yakatinixehekɨatɨamɨkɨ.

Mateu 20:33

Mɨkɨ mɨpaɨ mekatenitahɨawe: —Ti'aitame, tepeunenierenikeyu.