'Awakuki 2:9 - Kakaɨyari Niukieya

⁹ »Xɨa'ui kemɨ'ane yukiita mɨtihɨniya kwamanarikakɨ rana'iwaka yuniwema watawikweitsitɨanike wahetsie mɨkatinakenikɨ 'axamɨti'ane.

'Awakuki 2:9 ပူးပေါင်းရင်းမြစ်များ

Keremiyaxi 49:16

'Ekɨ 'aita mukatataritsie pemɨkiekame, meta hɨri 'amanutitɨtɨtsie: pepɨ'akwamanaxɨ hipame pewamariutatɨ meta 'a'iyari 'uyuta'ɨrekaku. Tsepa 'ateewa paitɨ pemɨyuti'itɨatɨa kwixɨ hepaɨ, mana paitɨ nemenanakahɨamɨkɨ —Yawé mɨpaɨ kanaineni—.

Kura 1:11

Xɨa'ui kemɨ'ane Kahini huyeta memeukayunixɨ hepaɨna meteyurietɨ. Tuminikɨ mekaniyutatuani memeuyexɨrienikɨ Warami hepaɨ mɨti'iwamɨkɨkai hepaɨ, mekaneuyeweni kepauka Kure Muitsexi maye'uniekaitsie.

'Awiriyaxi 1:4

Peru tsepanetɨ wapaitɨ pemuwietɨyeika kwixɨ hepaɨ, tsepa xurawetsixi watsata paitɨ 'a'itua pemexeiya, mana paitɨ nekamanakahɨamɨkɨ —Yawé mɨpaɨ kanaineni—.

Kitsariyaxi 28:15

Xeme mɨpaɨ xemutiyuane: «Tɨratu tepuwewi mɨki hamatɨa, mɨki teukiyapa hamatɨa tɨratu tepuwewi. Kepauka 'uximatɨarika munuani, pɨkayɨwe mɨkatatsi'axekɨ, tame tita mɨti'itarika tahetsie nunuwame temayeitɨakɨ meta tita kwamanarika mɨtihɨkɨ tatsi'awiwietame».

Nɨawari 52:7

«'Ena tewi xekanixeiyani Kakaɨyari hetsɨa mɨkaye'a mɨkɨ hetsiena mɨtanuanikɨ, matsi pɨta yupiinitɨarikatsie mɨtiwiyakai, 'axatiyurienetɨ 'amuyeikakai».

Nɨawari 49:11

Tsepa kwie memeuxeiyakai yuhepaɨ titetewakame, teukiyapa wakii yuheyemekɨ pɨhɨkɨtɨni, wakie pɨhɨkɨtɨni yuheyemekɨ.

Kitsariyaxi 5:8

Xɨa'ui 'iya kemɨ'ane yukii waɨkawa mexeiya meta kwie mɨraka'etsitɨre waɨkawa yupiini memɨte'ayeitɨwa nixeime tɨma mekahayewirietɨ mana mɨtayerɨnikɨ, yuxaɨta xeikɨa 'axeikɨa metitetɨ mepuyukuhayeikawa.

Keremiyaxi 51:13

'Ekɨ, haa waɨkawa xuawekaku pemɨkiekame meta waɨkawa mɨraye'atɨka pemɨrexeiya pemɨxiku, 'a'imatɨrieka tukaritsie pekaniyɨaneni, pe'uyeikatɨ 'ena xeikɨa pekanati'ani.

'Etsekieri 22:27

Kiekaritsie memɨ'itsɨkate, yawixi memayu'eririya mepɨhɨkɨ yeutari memɨwakwa'a, mekanitahupani xeikɨa xuriya metayeurienike, hipame mewakwikutɨ, mɨpaɨ memɨte'iwanikɨ 'axa'anemekɨ.

Keremiyaxi 17:11

Kemɨ'ane muyuxikutɨane kemɨtiheitseriekɨ kayɨanetɨ mɨkɨ wiki kayutawári mɨtsiniya hepaɨ kani'aneni. Yutukari hixɨapa katineuyehɨamɨkɨ, 'imatɨrieka mɨkɨ ka'uka'iyaritɨ kanayeimɨkɨ.

Keremiyaxi 22:23

'Ekɨ Riwanu tsata pemayeka, kariuxatsata 'a'itɨa pemutawewi, kepetitsuani kepauka 'akukuiniya munuani, niweyame kukuiniyaya hepaɨ».

Keremiyaxi 51:53

Tsepanetɨ Wawiruniya muyuawitsie paitɨ meuti'axe, meta tsepa mana paitɨ yukuraru mɨtɨrɨkaɨye mutawewi, ne te'unamete nekaniwaranunɨ'amɨkɨ hetsiena mieme —Yawé mɨpaɨ kanaineni—.