'Awakuki 1:9 - Kakaɨyari Niukieya

⁹ Mekani'axɨakuni naime meteye'unarɨmetɨ, memɨyehunitsie marika puxuaweni, memɨwaranutaxɨrɨwa xiekari mɨranukutuiwa hepaɨ mekateniwaruxexeɨriwani.

'Awakuki 1:9 ပူးပေါင်းရင်းမြစ်များ

Xumatari 9:27

Kitsariyaxi mɨpaɨta katiniuhiwa 'Ixaheri hepaɨtsita: «Tsepanetɨ 'Ixaheri xiɨyarimama memɨyumɨire haramaratsie mieme xiekari hepaɨ memɨyupaɨme, yayupaɨmetɨ xeikɨa mekanitawikweitsitɨariekuni.

'Awakuki 1:6

Karireutsixi nekaniwayuitɨamɨkɨ, mɨkɨ teɨteri memayu'eririya memɨhɨkɨ meta memɨtɨrɨkawi, naitsarie kwiepa memuku'uwa hipame wakwie yuhetsiemieme meyeitɨakutɨ.

'Utseyaxi 13:15

Tsepa 'Epɨrahini rexeiyatɨ matɨa yu'iwama watsata, Yawé 'ekaya kaninuamɨkɨ, 'eka mɨxɨka makumawetsie mieme, hamuhapane meta haixate kanikawaxɨamɨkɨ. Tita memɨteheuxeiya katinika'unariemɨkɨ, naime tita witsiti'anenekame memɨtehexeiyakai katinikumawerimɨkɨ.

'Utseyaxi 1:10

»Peru 'uxa'atɨni warie 'ixaheritsixi teɨteriyari, yumɨiretɨ mepakɨne xiekari haramaratetsita mɨtika mɨkayu'inɨatsinɨa hepaɨ. Kepauka tukari maye'ani xeme hakewa mɨpaɨ xemɨteheterɨwarie: “Mepɨkaneteɨterimari”, mana mɨpaɨ xepɨteterɨwarieni: “Kakaɨyari mayeyuri niwemama”.

'Etsekieri 19:12

Peru kanahunarieni haxɨakɨ, kwiepa kanatihɨiyani. 'Eka tau manatineika mieme pitiwatsiɨxaxɨ, teɨteri 'ikwaxi meukatekai mepukamuraxɨ. Putiwa mamateya 'amɨpapa, meta taikɨ putixɨtsitɨarie.

'Etsekieri 17:10

Tsepa xaɨtsie mukayerie pɨkatawere. 'Eka tau manatineika mayeneika pitawatsiɨxa xɨka 'i'axe. Yurikɨ kanitawamɨkɨ hakewa mekayerie».

Keremiyaxi 34:22

Netinita'aitamɨkɨ —Yawé mɨpaɨ kanaineni—, neniwa'atɨamɨkɨ 'ikɨ kiekaritsie. Menixetakwikuni, mexetiwiyame, kiekari menayetaiyakuni. Kura kwieyaritsie kiekarite mumanetɨka 'akumaweme nekanayeitɨamɨkɨ, ka'akukiepayakame”».

Keremiyaxi 25:9

ne yanetiniyurimɨkɨ kiekarite tayeta mukumane memɨ'axɨanikɨ meta tine'uximayatsiriwame Nawukurunutsuxi Wawiruniya kwieyaritsie ti'aitame. Neniwa'atɨamɨkɨ 'ikɨ kwieyaritsie hepaɨtsita, meta 'ena kiekatari wahepaɨtsita meta yunaime nuiwarite 'auriena mamanetɨka wahepaɨtsita, neniwaka'unamɨkɨ yunaime: metewiwemetɨkaime neniwarayeitɨamɨkɨ, 'atsieriwamete meta hakumaweme yuheyeme —Yawé mɨpaɨ kanaineni—.

Keremiyaxi 15:8

Xiekari haramara mɨtika reuyeta hepaɨ meyupaɨmeme nekaniwarayeitɨamɨkɨ xewiuraxi, tuka yemekɨ tiyuka'uname nepanunɨ'ani temari wamaamama wahepaɨtsita. Yapauka wahetsie nekatinipitɨamɨkɨ 'uximatɨarika meta hiwerika.

Keremiyaxi 4:11

'Iya tukaritsie mɨpaɨ mepɨtetahɨawarieni 'ikɨ teɨteri meta Kerutsaremetari: «Hɨrite mɨmeetse makumawetsie mɨtiteitsie paitɨ 'eka xɨkatɨ pataneika neteɨterima wakiekari nemɨnaki'erie makuma hepa 'erietɨ. Mɨkɨ 'eka tihename pɨkahɨkɨ meta tɨriku hename pɨkahɨkɨ,

Keremiyaxi 4:7

Maye yuterɨta kanewayeyaniri, xewitɨ nuiwarite 'uname kanayeyaniri, yukie kanayeyaniri 'akwie 'akumaweme mɨhayewakɨ, 'akiekarite 'u'unitɨ kaniyuhayewamɨkɨ meta yemekɨ kiɨripa kanayeimɨkɨ.

Kitsariyaxi 27:8

Kaniyuritɨni hetsiena kuyaxa kaniutixuawitɨani, kaneyeweiya yu'iiyakɨ 'eka 'iiyayari tau manatineika miemekɨ.

Nɨawari 139:18

Xɨka ne'iti'inɨatake, xiekari kemɨpaɨme matsi mɨkɨ pɨwaɨkawa. Xɨka ne'iti'inɨata ne'i'inɨatatɨ nepeukuwe, kepauka nemayɨhɨtɨani ne'aurie 'akuxi 'ekɨ pepukani.

Kuwi 29:18

»'Ana mɨpaɨ nepɨtiu'eri: “Nekiita nepɨmɨni, netukari kayu'inɨatsinɨatɨ payani xiekari haramara tetsita mɨtika hepaɨ.

'Itsɨkate 7:12

Mariyanitsixi, 'amarekitsixi, meta hipatɨ teɨteri tau manatineika hepatsie kiekatari mana mekanititekaitɨni mayeweritsie, mekaniyumɨirekaitɨni 'utsikari wehepaɨ mekateniyuxexeiyakaitɨni. Wakameyutsixi mepɨkayu'inɨatsinɨakai, xiekari haramara tetsita mɨtika hepaɨ.

Tsutɨarika 41:49

Kutse tɨriku puti'utaxɨ xiekari muti'uta hepaɨ, pɨtiyuxexeiyakai mi'inɨatakai pɨtiuhayewaxɨ mɨkayu'inɨatsinɨakaikɨ.

2 Te'aitamete 12:17

Merikɨtsɨ mɨkɨ tukaritsie, Katsaheri Tsiriyatsie ti'aitame, Kahati kiekariyari kaniutamieni hikɨ kaniwara'iwa, meta yakaniutayɨni Kerutsareme mɨtamienikɨ.

Tanieri 11:17

Ti'aitame tayeta kiekame kaniyukuha'aritɨamɨkɨ naime mɨra'aitatsie tɨrɨkariyayakɨ muyutamienikɨ, peru ti'aitame tatsutɨa kiekame hamatɨa tɨratu kaniwewimɨkɨ: yuniwe 'uka kaniwitɨtɨamɨkɨ, 'ika'unamɨtɨ katiniyurimɨkɨ mɨra'aitatsie, peru yapɨkatiyunake kemɨtiku'eriwakai.

'Awakuki 1:17

¿Kamɨtsɨ petiwapitɨaka yuheyemekɨ mɨpaɨ memɨteyurieka? ¿Yuheyemekɨ metehayu'iwani hipame wakiekaritsie metahaketɨ mewakwitɨ mekawanenimayatɨ?