'Awakuki 1:3 - Kakaɨyari Niukieya

³ ¿Titayari penetixeiyatsitɨa hipatɨ kememɨtenanaimarie? ¿Titayari netiwaxeiyani hipatɨ kememɨtehiweritɨarie? Naitsarie nepɨtixeiya kememɨteyuka'una meta kememɨteyunanaima, kememɨteyukwitɨwe meta kememɨte'ayuye'unie.

'Awakuki 1:3 ပူးပေါင်းရင်းမြစ်များ

Keremiyaxi 20:8

Kepauka nemutaniuka, mɨpaɨ nepɨtiuhiwa: «Nanaimarika 'ukanamieniri». 'Ayumieme Yawé niukieyakɨ neyuriyarietɨ nepayeika meta nenanaimarietɨ.

Ti'ɨkitame 5:8

Xɨka xeime kwieyaritsie pewaruxeiya mewananaimakame tixaɨtɨ memɨkatehexeiya, meta teɨteri mekawapitɨatɨ heitserie memexeiyanikɨ, mɨkɨkɨ pepɨkahɨxiyaka, kemɨ'ane waɨkawa muwe'eme xewitɨ matsi waɨkawa we'emetɨtɨ kanixeiyani, meta waheima matsi xewitɨ mariwetɨ kaniwaxeiyani.

2 Pekuru 2:8

Mɨkɨ heitseriemekɨ yakatinikamiekaitɨni, peru kemɨtinierekai kemɨti'enakai mexi watsata 'ayekatei, tukarikɨ yu'iyaritsie pɨ'uximatɨariekai waxeiyatɨ kememɨteyuriekai 'inɨari memɨtitsanakaikɨ.

Mateu 10:16

Neri nepɨxeheutanɨ'axɨa muxatsi wahepaɨ 'ɨrawetsixi watsata. 'Ayumieme, xeketenemaiwaweni kuterixi wahepaɨ, peru xepɨka'inɨka tita 'axamɨti'ane kukuruxi wahepaɨ.

'Etsekieri 2:6

'Ekɨ, tewi pemunu'aya, pepɨkawarayemakaka meta waniuki pepɨkamakaka, tsepa xuyatsata meta witsaxatsata pemuwe, tsepa terɨkaxi watsata pemuyeika. Pepɨkaheumaka kememɨtekuxatani, teɨteri memeuyexɨri mekanihɨkɨtɨni.

Ti'ɨkitame 4:1

Merikɨte neniune'ɨwiyata 'ikɨ tukaritsie waɨkawa kememɨte'uka'eniwakai. Nekaniwaruxeiya 'axamemute'anuyehu me'utitsuaname, xewitɨ pumawekai mɨwanɨtɨanikɨ, tɨrɨkariya memexeiya mekaniwa'uximatɨakaitɨni, pumawekai kemɨ'ane muwanɨtɨani.

Keremiyaxi 15:10

Xɨa'ui nehetsie, nemaama, pemɨnetsi'utiniwexɨ niuki nemɨxɨatɨakakɨ meta nemɨnemienenikɨ naime 'ikɨ kwieyaritsie wahepaɨtsita. Ne xeime nepɨkatiniɨtɨawe meta nepɨkanetaniɨwe, peru yunaitɨ 'axamepɨnetekumamateke.

Keremiyaxi 20:18

¿Ketitayari nemaama yuriepana neranuyetɨa 'uximatɨarika xeikɨa nemɨxeiyakɨ meta hiwerika, meta nemɨmɨnikɨ tewiyarika tsata?

Kitsariyaxi 5:7

Kaxie haraweriyari Yawé Naimekɨmɨtɨrɨkaɨye tipiinieya 'ixaheri teɨteriyari mekanihɨkɨtɨni, Kura teɨteriyari kwiepa mɨraka'etsitɨre manayexeiyarie mekanihɨkɨtɨni. Mɨkɨ 'aixɨa mɨti'ane pɨtitakwewiekai, matsi xeikɨa xuriya 'uhaneme pukaxei, mɨtiheitserie pɨtitakwewiekai, matsi xeikɨa kukuiniya hiwariyari pukaxei.

Kitsariyaxi 46:12

Xeme xekeneneu'eni, xe'iyari mɨtsetse'i, tita mɨtiheitserietsie 'ateewa xemu'uwa.