'Amuxi 8:3 - Kakaɨyari Niukieya

³ »Yawé naimekɨmɨyɨwe mɨpaɨ kanaineni: ―'Iya tukaritsie, kwikari paratsiyuta mieme hiwerika kwikariyari kanayeimɨkɨ. Yuwaɨkawatɨ mepɨkwini naitsarie mɨkite mepeutiheni. 'Ayumieme kayuwatɨ».

'Amuxi 8:3 ပူးပေါင်းရင်းမြစ်များ

'Amuxi 5:23

'Akwikari pepɨkanetsi'enitsitɨaka, 'akanari yuariyaya nepɨkaheu'enimɨkɨ.

'Amuxi 5:16

'Ayumieme Yawé naimekɨmɨyɨwe, Kakaɨyari Naimekɨmɨtɨrɨkaɨye mɨpaɨ kanaineni: «Naitsarie teɨteri memayukuxexeɨriwatsie kani'enieriemɨkɨ hiwerika, meta naitsarie kayetetsie 'uximatɨarika hiwariyari puxuaweni. Memɨte'uximayatatɨwe yu'etsita mepɨta'inierieni memɨyuhiweriekakɨ, meta waɨkawa memeutatsuawawe mepɨta'inierieni memɨtitsuanikɨ memɨwahiweritɨanikɨ.

Mawari 10:3

Muitsexi 'Aruni mɨpaɨ katiniutahɨawe: «'Ikɨ hepaɨtsita painekai Yawé kepauka mɨpaɨ mutayɨ: »“Kemɨ'ane nehetsɨa 'ahurawa memakɨka wahetsɨa, kenemɨtipatsiekɨ nematsiɨkɨme nepaneyeitɨaka, Meta yunaime teɨterima wahɨxie witsikenemɨ'anekɨ nepɨnehekɨata”». 'Ana 'Aruni kayuwatɨ pɨtiuke.

Nahumi 3:3

kawayutsixi wanautsari, putimerɨka wa'ixiparate, pitsikate putixawatɨre, mepɨyumɨire mɨkite, kaxarite pukuxeɨrietɨka, kaxarite naitsarie kaneutiheni, yunaitɨ wahetsie mekanekaxɨrɨweni.

'Amuxi 8:10

Memɨte'ayexeiya wa'ixɨarari hiwerika payani, meta wanɨawari hiwerika kwikariyari nekanayeitɨamɨkɨ. Nutuixiya kamixayari nekaniwaranakatɨtɨamɨkɨ meta wakɨpate nekanikaximɨkɨ. Kemɨtiyuhiwerieka raniwe muyuxewi tiumɨyu mɨpaɨ mekatenitsuakuni, 'imatɨrieka ratsiwitɨ pɨrayani.

'Amuxi 4:10

»Waɨkawa 'uximatɨarika nepenɨ'a 'Ekipitu hepaɨ. Temari 'aixɨa memɨ'anene 'ixiparakɨ nepɨwarukwi, wakawayutsixi yunaitɨ meputiwiyarie. Yanepɨtiuyuri yutsurita memi'ɨkwekɨ mɨkite wa'ɨakariyari. Mɨyatɨtɨ, xeme xepɨkanetsihaye'eri —Yawé mɨpaɨ kanaineni—.

Kuheri 1:13

Xeme mawari wewiwamete, heiwerika kamixayari xekenanakatɨkɨni xe'utitsuatɨ. Xekeneyuheiwerieka, mawari taiyame te'uximayatamete. 'Ena xekenakɨni, xeme Kakaɨyari hetsɨa te'uximayatamete, tɨkarikɨ hiwerika kamixayari xekenanakatɨkɨni, hatsite mawariyari meta kaxie winuyari mɨka'atɨariwanikɨ Kakaɨyari kiitana mɨtiuta'imaritɨxɨkɨ.

Kuheri 1:11

Xemetatsiere xeke'utiwani, te'uximayatamete, xekeneutitsuanani meta te'etsamete, xemɨte'ekai tsewara meta tɨriku xemɨteheuyehɨakɨ, naitɨtsɨari mɨraku'etsitɨre mɨtiuka'etsiwakai katineuyeweni.

Kuheri 1:5

Xemɨtarɨwe, xekenanutaneniereni xekeneutitsuanani. Yemekɨ xekeneuti'aiwani winutsie xemɨyuyetua, matsi kaxie winuyari makaka xekaniunawaiyarieni xemi'iekaikɨ.

Keremiyaxi 22:18

'Ayumieme mɨpaɨ kanaineni Yawé Kura kwieyaritsie ti'aitame hepaɨtsita Kuhatsimi Kutsiyaxi nu'aya: «Xewitɨtɨma hetsiena mieme pɨkatatsuani meta mɨpaɨ pɨkatihiwa: “Xɨa'ui ne'iwatɨkai 'uki. Xɨa'ui ne'iwatɨkai 'uka”. Xewitɨ pɨkayukahiwerieni hetsiena mieme meta mɨpaɨ pɨkatihiwa: “Xɨa'ui, tati'aitɨwametɨkai. Xɨa'ui, mumariwekai”.

Kitsariyaxi 37:36

Hikɨ Yawé niuki tuayameya muyuawitsie mieme kanayeyani xeitsienituyari heimana nauka tewiyari heimana 'auxɨwi miriyari (185.000) kuyaxi 'atsiriyutsixi memakutekatsie kaniwarukwini. 'Uxa'arieka ximeri memanuku'ui hipatɨ wa'iwama, mana yunatɨ mɨkite mepukuhetei.

Nɨawari 39:9

»Kayuwatɨ nepuyeika, netenie nepuwie, 'ekɨ pemɨhɨkɨkɨ pɨta mɨyapemɨtiyurie.

Hiwerika 2:10

Tsiyuni witsimɨraku'anekaitsie, mana 'ukirawetsixi kwiepa mepeutitei kayuwatɨ xeikɨa, yumu'utsie naxi meheutiwiwatɨ meta hiwerika kamixayari me'anakatɨtɨkaitɨ. Kerutsaremetari 'ɨimarixi mekaneutiteni kwiepa me'akatututsitɨ.

'Amuxi 6:4

Xeme hupume witsimɨ'anenetsie xemahipite 'eripanite 'awateyakɨ ra'utɨkaime, xe'uheitɨ xepaka'iyuniwa, muxatsi 'aixɨa memɨ'anene xemɨwakwa'a meta tsikerutsixi memɨwaiyatɨarietɨka,

'Amuxi 6:5

Rawiri hepaɨ xeikɨa, kwikari xepɨ'aita kaitsa hayuanekaku, meta xepinetɨa tiyuitɨwamete yukɨ 'aneneme,

'Amuxi 6:8

Yawé naimekɨmɨyɨwe mɨpaɨ kaniutayɨni yɨhɨritɨatɨ, Yawé Kakaɨyari Naimekɨmɨtɨrɨkaɨye mɨpaɨ kanaineni: «'Ixaheritsixi kememɨteyuti'ɨre nepɨxani'erie, waparatsiyu nepu'uxiwe'erie, 'ayumieme wakiekari nepɨyetuani mɨwaraye'unie hetsɨa, meta naime mana mɨtiyepine».

Tsupuniyaxi 1:7

Kayuwatɨ xekeneumaka Yawé Naimekɨmɨyɨwe hɨxie, Yawé mɨtixekwinitɨanitsie pehurari, Yawé mawari kaniukuha'aritɨani meta yu'inierima kaniwaru'itieniri.