'Amuxi 7:4 - Kakaɨyari Niukieya

⁴ Meta Yawé naimekɨmɨyɨwe mɨpaɨ kanetiniunieritɨani: Mana Yawé kaniuwekaitɨni, mɨpaɨ haitɨ kename 'aixɨa tiyurienikekai taikɨ, mɨkɨ haramara meukatewatsie naime pɨtaxɨxɨtsitɨwakai metatsiere kwiepa mu'ɨtsiyatsie.

'Amuxi 7:4 ပူးပေါင်းရင်းမြစ်များ

'Amuxi 7:1

Yawé naimekɨmɨyɨwe mɨpaɨ kanetiniunieritɨani: Tupiriya kanitineikakaitɨni 'ari ti'aitame hetsiemieme tiuka'itsanatɨku, hikɨ Ti'aitame nekaniuxeiya 'utsikari wakuha'aritɨwame.

Matsiɨkɨtɨ kemɨratɨa 4:1

Merikɨtsɨ mɨkɨ ne'uxeiyaka, tawarita nekaneutaniere, mana muyuawi nekaniuxeiya reuyepiekame. Kemɨ'ane nemu'eni matɨari paitɨ kuxineta hepaɨ ti'eniɨriɨkɨme nehamatɨa tikuxatame, mɨkɨ mɨpaɨ kanetiniutahɨawe: «'Uwa kenatiye'a: nepɨmetsixeiyatsitɨani kemɨtiyɨni 'arike».

Hepɨrayutsixi 1:7

Niuki tuayamete wahepaɨtsita mɨpaɨ paine: «Yuniuki tuayamete 'eka kaniwarayeitɨwani, te'i'uximayatsiriwamete meta tai nerɨkwari kaniwarayeitɨwani».

Nahumi 1:6

¿Kemɨ'ane pɨyɨwe mɨtiunewieni haxɨaya hepaɨtsita? ¿Kemɨ'ane putawikweiwe haxɨaya mɨtiyukukuinetsie? Haxɨaya tai hepaɨ katiniyukukuineni, hɨxiena tetexi kanititarikeni.

Mikeyaxi 1:4

Hɨri heima makekatsie kanitipenikeni, xɨrɨka taikɨ mukwanani hepaɨ, kwie mayeweweri hixɨata kanitsanikeni, haa mɨtɨrɨkaɨye hixɨata mɨtsana hepaɨ.

'Amuxi 7:7

Yawé tawarita kanetiniuxeitsitɨani: Mɨkɨ 'akaniuwekaitɨni kuraru 'amatayewa 'aurie, mɨkɨ kii 'inɨnɨatame mahete pahanakai.

'Amuxi 5:6

Yawé xekeneutiwawa xe'ayeyuyuritɨ xemakɨnekɨ, kapa mɨkɨ tai hepaɨ 'anetɨ 'ukawenikɨ, Kutse nuiwarimama wahetsie, tai Weteri kaniutataiyaweni nixewitɨ pɨka'itɨwe.

'Amuxi 4:11

»Ne nepɨxe'uka'unaxɨ Tsuruma meta Kumuxa hepaɨ, tɨɨyari xeikɨa xepuyuhayewaxɨ tai mihayewaxɨ hepaɨ. Mɨyatɨtɨ, xeme xepɨkanetsi'aye'eri ―Yawé mɨpaɨ kanaineni―.

'Amuxi 1:7

'ayumieme tai nepanunɨ'ani Kahatsa kiekatari watetsariyatsie, kuraruya mɨtaxɨtsitɨanikɨ.

'Amuxi 1:4

'Ayumieme tai nepanunɨ'ani Katsaheri paratsiyuyata, Weni-'Arari kuraruya 'aixɨa mɨ'ane mɨtaxɨtsitɨanikɨ.

Kuheri 2:30

Mɨyuawitsie meta kwiepa 'inɨari nepɨtiyurieni: xuriya, tai, meta kɨtsi 'e'utɨtɨme.

Keremiyaxi 21:12

Rawiri xiɨyarimama mɨpaɨ ketiniwarayehɨtɨa Yawé mɨpaɨ kanaineni: »“Heitseriemekɨ xeketeneyurieka naime tukaritsie, xekeneɨxɨna 'uximayatsika 'anutiyakame mɨpitɨarie, nɨka hɨrixɨa 'utani nehaxɨa tai hepaɨ meta 'utani xewitɨ ka'itɨwemekɨ, xeme 'axaxemɨteyuriekɨ.

Keremiyaxi 4:4

Kura kwieyaritsie kiekatari meta Kerutsareme, yu'iyaritsie xeketeneu'utɨa tɨratu 'inɨariyarikɨ: xitekiya 'inɨariyari xekeneuyuwewiri Yawé xemayexeiyanikɨ, nɨkahɨrixɨa 'axaxemɨte'uyurikɨ nehaxɨa 'utani tai hepaɨ kayutɨnɨatɨ xe'utitaiya.

Kitsariyaxi 27:4

Nepɨkaha'a. Xɨka 'ɨtsi meta xuya hexeiyani, ne nekanitamieweni meta naime nekaniutitaiyaweni,

Hutarieka 'inɨari 32:22

Nehaxɨa tai hepaɨ kaniutani, naime mɨtititaiya mɨki teukiyapa. Kwie pɨtaxɨtɨani meta naime mana mɨti'etsie, meta hɨri nanari naime pɨtitaiya.

'Inɨatsie 16:35

Meta mɨkɨ 'ukitsi huta tsienituyari heimana huta tewiyari heimana tamamata 'ɨkwa taiyame memu'ɨkai Yawé taikɨ kaniwarukwini.

Mawari 10:2

Hikɨ Yawé hetsɨa tai kanayeneni kaniwarutixɨtsitɨani, hɨxiena mekaniukwini.

Kuheri 1:19

'Ekɨ, Yawé, ne nepɨmetsiwawirie, 'ɨxatsɨ 'ayeparitsie meuka'ukai taikɨ mutitai, tai 'amanutiteterekɨ naime katiniutitaiya kɨyexite 'ɨtsita mɨreuka'ukai.

'Amuxi 2:5

'Ayumieme tai nepanunɨ'ani Kura hetsie, Kerutsareme kuraruya 'aixɨa mɨ'ane mɨtaxɨtsitɨanikɨ».

'Etsekieri 21:3

mɨpaɨ ketiniwaretaxatɨa mɨpaɨ ne Yawé nekanaineni: “Ne yurikɨ nepɨmatsi'aye'unie. Ne'ixipara nepɨwatihana nepɨwakwini heitserie memexeiya meta 'axamemɨteyurie.