'Amuxi 5:3 - Kakaɨyari Niukieya

³ Yawé naimekɨmɨyɨwe mɨpaɨ 'Ixaheri kwieyari katinahɨaweni: «'Iya kiekari kuyaxa mɨwewienekai xeimiriyari warawitɨtɨ kuyaxi mɨkɨ xeitsienituyari warexeiyatɨ xeikɨa payani, meta xeitsienituyari kuyaxi warawitɨtɨ muyumienekai tamamata xeikɨa warexeiyatɨ kanayeimɨkɨ».

'Amuxi 5:3 ပူးပေါင်းရင်းမြစ်များ

Xumatari 9:27

Kitsariyaxi mɨpaɨta katiniuhiwa 'Ixaheri hepaɨtsita: «Tsepanetɨ 'Ixaheri xiɨyarimama memɨyumɨire haramaratsie mieme xiekari hepaɨ memɨyupaɨme, yayupaɨmetɨ xeikɨa mekanitawikweitsitɨariekuni.

'Etsekieri 12:16

nekaniwahayewaxɨamɨkɨ yayupapaɨmeme kuyaxatsata, haakaxatsie meta kwiniyatsata, hipame nuiwarite wahetsɨa kepauka memaye'axɨani, mekaniyutahekɨatakuni 'axamete'aneneme kememɨtewarayexeiyakai. Hikɨ mɨpaɨ mekatenetimaikuni ne, Yawé nemɨhɨkɨ».

Kitsariyaxi 10:22

'Ixaheri, tsepanetɨ 'ateɨterima xiekari haramara tetsita mɨtika hepaɨ memɨyupaɨme, memuyuhayewaxɨ xeikɨa mekani'axɨakuni. 'Ari yakatiniutaniukieni memɨka'unarienikɨ, heitseriemekɨ katiniyɨmɨkɨ yuheyemekɨ.

Kitsariyaxi 6:13

Xɨka 'akuxi kwie tamamatatsie mieme xewitɨ yuhayewaneni, mɨkɨ 'akuxi mekanakumaweriyariekuni. Peru kepauka xiu mawitekietsie meta tuaxa kutsunuyari kemɨtiyukuhayeikawa, mɨkɨ yɨrameyari mɨpatsie kanihɨkɨtɨni».

Kitsariyaxi 1:9

Xɨka Yawé Naimekɨmɨtɨrɨkaɨye hipame kawaruhayewake me'ayeneniereme, hikɨ xɨari Tsuruma hepaɨ pɨraku'anenike, meta xɨari Kumuxa hepaɨ tepauyewenike.

Hutarieka 'inɨari 28:62

Xemeta tsepa xemɨyɨmɨirekai muyuawitsie xurawetsixi wahepaɨ, 'etsixeyupaɨmetɨ xepayeitɨarieni Yawé yukakaɨyari xemɨka'anu'enikɨ.

Hutarieka 'inɨari 4:27

Yawé yayupaɨmeme xeikɨa kaniwahayewamɨkɨ, hipame nuiwarite watsata kaniwataxɨriexɨamɨkɨ.

'Amuxi 6:9

Mɨpaɨ katiniyɨmɨkɨ xɨka xeikiiyarita tamamata teɨteri meyuhayewa, mɨkɨ yunaitɨ mekanikwikuni.

Nɨawari 144:14

Tatuurutsixi kwietsanamete raheteme memɨtekemakakɨ keniwarupitɨa, takiekaritsie 'aixɨa reukukurarutɨariekame kenayeitɨa, meta 'aiwari hiwariyari ke'umaweni takaye'utɨma.

Hutarieka 'inɨari 28:63

Yawé ketiyutemawietɨ mɨxe'utimɨiriyaxɨ meta waɨkawa xetehexeiyakame kemɨtixe'ayeitɨa, yaxeikɨata yutemawietɨ pɨxeka'una meta pɨxeheuyehɨani. 'Anari yunanaritsie xepahunarieni mɨkɨ kwieyaritsie hakewa hikɨ yukwie xemayeitɨanitsie.